
پبلک پرائیویٹ پارٹنر شپ منصوبوں میں مقامی سرمایہ کار بڑی تعداد میں دلچسپی لے رہے ہیں۔
سید قاسم نوید قمر
سندھ کی زرعی معیشت میں ویلو ایڈیشن کے زریعے موثر معاشی ترقی اور روزگار کے مواقع پیدا ہونگے
سید قاسم نوید قمر
سندھ میں چاول کی پیدوار کو دو سال میں 6 ملین ٹن سے دگنا کرنے کے ٹاسک کو یقینی بنانے کی حکمت عملی ترتیب دی جائے۔
سید قاسم نوید قمر ۔
آم ، امرود اور کھجور کی پیداوار کی ویلو ایڈیشن کیلئے پیکجنگ، پلپنگ، سارٹنگ اور گریڈنگ کے مراکز بنائے جائیں۔
سید قاسم نوید قمر ۔
وزیرِ اعلیٰ سندھ کے معاونِ خصوصی برائے سرمایہ کاری و پبلک پرائیویٹ پارٹنر شپ سید قاسم نوید قمر کی پبلک پرائیویٹ پارٹنر یونٹ کے اجلاس میں ہدایات۔
کراچی 15 جنوری 2025ء
ترقیاتی منصوبوں میں پبلک پرائیویٹ پارٹنر شپ کے زریعے صوبے میں معاشی انقلاب لایا جاسکتا ہے ۔
یہ بات وزیرِ اعلیٰ سندھ کے معاونِ خصوصی برائے سرمایہ کاری و پبلک پرائیویٹ پارٹنر شپ سید قاسم نوید قمر نے آج پبلک پرائیویٹ پارٹنر شپ یونٹ کے افسران کے اجلاس کی صدارت کرتے ہوئے کہی۔
سید قاسم نوید قمر نے کہا کہ پاکستان پیپلز پارٹی کے چیئرمین بلاول بھٹو زرداری نے ترقیاتی منصوبوں کی بروقت اور معیاری تکمیل کے لئے پبلک پرائیویٹ پارٹنر شپ کو موثر بنانے کی ہدایات دی ہیں۔
سید قاسم نوید قمر نے بتایا کہ پبلک پرائیویٹ پارٹنر شپ منصوبوں میں مقامی سرمایہ کار بڑی تعداد میں دلچسپی لے رہے ہیں اور اس سلسلے میں عارف حبیب لمیٹڈ، جعفر برادرز، غریب سنز اور دیگر بڑے سرمایہ کار گروپوں نے رابطے کئے ہیں۔
سید قاسم نوید قمر نے کہا کہ سندھ کی زرعی معیشت میں ویلو ایڈیشن کے زریعے موثر معاشی ترقی اور روزگار کے مواقع پیدا ہونگے۔
انہوں نے ٹاسک دیا کہ پبلک پرائیویٹ پارٹنر شپ کے تحت سندھ میں چاول کی پیدوار کو دو سال میں 6 ملین ٹن سے دگنا کرکے 12 ملین ٹن کے ٹاسک کو یقینی بنانے کی حکمت عملی ترتیب دی جائے تاکہ ہم خطے کے دیگر ممالک سے مسابقت میں آگے بڑھ سکیں۔
سید قاسم نوید قمر نے ہدایات دیں کہ صوبے میں آم ، امرود اور کھجور کی وسیع پیداوار کی ویلو ایڈیشن کیلئے پیکجنگ، پلپنگ، سارٹنگ اور گریڈنگ کے مراکز بنائے جائیں تاکہ ان پھلوں سے قیمتی زرمبادلہ حاصل کیا جاسکے ۔
اجلاس میں سیکریٹری سرمایہ کاری سندھ راجہ خرم شہزاد ، ڈائریکٹر جنرل پبلک پرائیویٹ پارٹنر شپ یونٹ اسد ضامن اور دیگر سینئر افسران نے شرکت کی۔
ہینڈ آؤٹ نمبر (ایس۔اے۔این)























