فٹ بال میچ کے لیے آدمی سائیکل پر منگولیا سے انگلینڈ روانہ ہو گیا

Report Sabih Salik

کھیل کا جنون کبھی کبھار کس حد تک چلا جاتا ہے، یہ اندازہ اس واقعے سے لگایا جا سکتا ہے جب ایک آدمی ایک فٹ بال میچ دیکھنے کے لیے منگولیا سے انگلینڈ پہنچا، لیکن کسی جہاز پر نہیں بلکہ ایک سائیکل پر۔
اپنے اس طویل سفر کے بارے میں بتاتے ہوئے فٹبال شائق اوچروانی ’اوچرو‘ باتبولڈ نے سوشل میڈیا پلیٹ فارم ایکس (سابقہ ٹوئٹر) پر لکھا، ’میں نے منگولیا سے مانچسٹر تک سائیکل پر سفر کیا تاکہ اولڈ ٹریفورڈ میں اپنا پہلا میچ دیکھ سکوں۔‘
انہوں نے کہا، ’یہ اس بات کا ثبوت ہے کہ میں مانچسٹر یونائیٹڈ سے کتنا پیار کرتا ہوں۔ آج میں نے اپنے بچپن کا وعدہ پورا کیا اور اپنی والدہ کو میچ دکھانے لے گیا۔ حالات کتنے ہی مشکل کیوں نہ ہوں، میری اس ٹیم کےلیے محبت غیر متزلزل ہے۔‘