Report Sabih Salik
دوستو سفر کرتے ہوئے راستے میں اکثر ہم لوگ ایک دو گاڑیاں پنکچر ہوتے ہوئے دیکھتے ہیں لیکن کبھی آپ نے کہیں کسی جگہ ایک ہی وقت میں ایک ساتھ 50 سے زائد گاڑیاں پنکچر ہوتے ہوئے دیکھی ہے؟ ایسا ہی ایک واقعہ بھارت کے شہر ناگپور ممبئی ہائی وے پر نظر آیا جب رات کے وقت ایک ہی وقت میں وہاں 50 سے زائد گاڑیاں پنکچر ہو گئی۔
بھارتی میڈیا کے مطابق واقعہ ہائی وے پر گرے لوہے کے بورڈ کی وجہ سے پیش آیا۔
گاڑیاں اس گرے ہوئے لوہے کے بورڈ کے اوپر سے گزرنے کی وجہ سے پنکچر ہوئیں۔
رات کے وقت پیش آئے واقعے کی وجہ سے ہائی وے پر متاثرہ شہریوں میں خوف و ہراس پھیل گیا اور گاڑیوں کی لمبی قطاریں لگ گئیں۔
بھارتی میڈیا کے مطابق یہ واقعہ 29 دسمبر کی رات کو تقریبا 10 بجے کے قریب پیس ایا، جس سے کئی گاڑیاں اور بڑے ٹرک بھی متاثر ہوئے جس کے باعث ہائی وے پر طویل فاصلے تک ٹریفک جام ہو گیا اور اس کے باعث سینکڑوں مسافر رات بھر ہائی وے پر پھنسے رہے بعد میں حکام کی جانب سے سڑک پر بورڈ گرنے کے حوالے سے تحقیقات شروع کر دی گئی جس کے بعد ہائی وے کو کلیئر کیا گیا۔
