پریس ریلیز
راولپنڈی 30۔دسمبر ( )پاکستان تھیلاسیمیا ویلفیئر سوسائٹی کی ایگزیکٹو کونسل کا اجلاس تھیلاسیمیا ہاؤس میں میجر جنرل صہیب احمد اور سابق صوبائی وزیر صحت و بہبود آبادی ڈاکٹر جمال ناصر کی زیر صدارت منعقد ہوا جس میں میجر جنرل پرویز احمد، میجر جنرل قمر النساء،برگیڈیئر کامران محمود، کرنل ظفر، پروفیسر طاہرہ ظفر، ڈاکٹر قیوم اعوان، پروفیسر سعید اختر، مرتضی برہانی، کرنل کامران اور دیگر ارکان نے شرکت کی۔ اجلاس میں سب سے پہلے جنرل کمال اکبر کے لیے دعائے مغفرت کی گئی اور کہا گیا کہ ان کی خدمات کو ہمیشہ یاد رکھا جائے گا یہ وہ شخص تھے جس نے 160 خون کے عطیات کے ذریعے لوگوں کی جان بچائی۔ اجلاس میں بتایاگیاکہ تھیلاسیمیا ویلفیئر سوسائٹی میں بون میرو ٹرانسپلانٹ کامیابی کے ساتھ شروع ہے اور ہزاروں لوگوں کو بلڈ ٹرانسفیوژن دیا جا رہا ہے،پمپ، دوائیاں دی جارہی ہیں جس کے لیے لوگوں سے درخواست کی گئی ہے کہ وہ اپنے عطیات صدقات، خیرات اور زکوۃ تھیلا سیمیا سوسائٹی کو مہیا کریں۔ اس موقع پر تمام ارکان کی کاوشوں کو سراہ گیا اور دعا کی گئی کہ انشائاللہ تعالی تھیلاسیمیا سینٹر دن رات ترقی کرے اور سب سے خوشی کی بات یہ ہے کہ خون کی بیماریوں کے حوالے سے کالج آف فزیشن اینڈ سرجن کے ساتھ مل کر پوسٹ گریجویشن کا اجراء کامیابی سے چل رہا ہے۔
٭٭٭٭
