جدہ ( امیر محمد خان سے)
امارات میں پاکستانیوں کے لئے ورک ویزےآئیندہ ماہ شروع ہونے کی توقع ہے یہ بات جدہ میں پاکستان بزنس فورم کی تقریب سے خطاب کرتے ہوئے ممبر قومی اسمبلی اور پارلیمانی سیکریٹری احسان الحق باجوہ نے پاکستان بزنس فورم جدہ کی جانب سے پاکستان قونصلیٹ جدہ کی نئی عمارت کے سنگ بنیاد رکھنے پر قونصل جنرل کی پذیرائی کیلئے ایک تقریب کا اہتمام کیا گیا جسکے مہمان خصوصی پارلیمانی سیکرٹری برائے اوورسیز پاکستانیز رکن قومی اسمبلی چوہدری احسان الحق باجوہ تھے اپنے خطاب میں چوہدری احسان الحق باجوہ نے کہا کہ موجودہ حکومت سمندر پار پاکستانیوں کے مسائل کو حل کرنے کے لیے سنجیدہ اقدامات کر رہی ہے سعودی عرب میں مقیم پاکستانی ملکی اثاثہ اور سرمایہ ہیں انکے کو درپیش مسائل کا حل
ہماری اولین ترجیح ہے وزیراعظم شہبازشریف کی کاوشوں سے امارات کے ورک اور وزٹ ویزے اگلے ماہ بحال ہ جائیں گے اس موقعہ قونصل جنرل خالد مجید کا کہنا تھا کہ سعودی عرب میں مقیم پاکستانی انتہائی فعال اور متحرک کردار ادا کر رہے ہیں اور قونصلیٹ کمیونٹی کے ساتھ ملکر کام کر رہا ہے اور قونصلیٹ کی نئی بلڈنگ کی تعمیر میں بھی پاکستانی کمیونٹی کا اہم کردار ہے، کمیوٹی کی بڑی تعداد نے تقریب میں شرکت کی تقریب سے خطاب کرتے ہوئے پاکستان بزنس فورم کے
صدر عقیل آرائیں، ملک منظور اعوان،امیر محمد خان، رانا اشرف، عبدالخالق لک، امجد گجر اور سردار اقبال کا کہنا تھا کہ سعودی عرب میں بزنس کمیونٹی کی ہمیشہ یہ کوشش رہی ہے کہ وہ پاکستان کی ترقی اور خوشحالی میں اپنا کردار ادا کریں اور پاکستان کے مثبت چہرے کو اجاگر کریں تقریب کے اختتام پر سبکدوش ہونے والے والے قونصلیٹ کے دو افسران عبدالروف میو اور شیراز خان کو اعزازی شیلڈ سے نوازا گیا اور انکی خدمات کو سراہا گیا نئی آنے والی قونصل ویلفئیراذکاء ظفر کو بھی شیلڈ پیش کی گئی – بزنس کمیونٹی کی جانب سے قونصل جنرل خالد مجید اور رکن اسمبلی احسان الحق باجوہ کے علاو اعلی صحافتی خدمات پرپاکستان اوورسیز میڈیا فورم صدر شعیب الطاف,پاکستان جرنلسٹ فورم کے صدرمعروف حسین اور یونائیٹڈ جرنلسٹس فورم کے چیئرمین جہانگیر خان کو شیلڈ پیش کی گئی
