ڈائریکٹر جنرل پاپولیشن ویلفئیرثمن رائے نے کرسمس کے موقع پر مسیحی ملازمین کے ہمراہ کرسمس کا کیک کاٹا
قائد اعظم کے یوم پیدائش کے سلسلہ میں منعقدہ تقریب سے ڈی جی پی ڈبلیو ڈی کاخطاب
25 دسمبر کا دن مسلمانوں اور مسیحی برادری کیلئے یکساں طور پر خوشیوں بھرا دن ہے
امن اورمحبت کا فروغ حضرت عیسٰی علیہ السلام کی تعلیمات کا خاصہ ہے
دین اسلام کی تعلیمات کے مطابق تمام انبیاء کرام کی عزت و توقیر کرنا ہمارا دینی فریضہ ہے
قائداعظم محمد علی جناحؒ نے برصغیر کے مسلمانوں کو غلامی کی زنجیروں سے نجات دلائی
قائداعظم کی ولولہ انگیز قیادت میں مسلمانوں کے لئے آزاد وطن کاخواب حقیقت میں بدلا
قائداعظمؒ کی تعلیمات اورافکار پر عمل کر کے پاکستان کوترقی و کامرانی کی منازل طے کرنے میں کوئی کسر اٹھا نہ رکھی جائیگی
لاہور 25دسمبر۔۔ڈائریکٹر جنرل پاپولیشن ویلفئیر ڈیپارٹمنٹ ثمن رائے نے اپنے آفس میں کرسمس کے موقع پر مسیحی ملازمین کے ہمراہ کرسمس کا کیک کاٹا۔اس موقع پر انہوں نے کہا ہے کہ 25 دسمبر کا دن مسلمانوں اور مسیحی برادری کیلئے یکساں طور پر خوشیوں بھرا دن ہے۔کرسمس کا تہوار یگانگت، محبت اور باہمی تعلقات کو فروغ دینے کا موقع فراہم کرتا ہے۔امن اورمحبت کا فروغ حضرت عیسٰی علیہ السلام کی تعلیمات کا خاصہ ہے۔دین اسلام کی تعلیمات کے مطابق تمام انبیاء کرام کی عزت و توقیر کرنا ہمارا دینی فریضہ ہے۔حضرت عیسیٰ علیہ السلام سمیت تمام انبیاء پر ایمان دین اسلام کا لازمی جزو ہے۔ملک میں بسنے والی تمام اقلیتی برادریو ں کو مکمل مذہبی آزادی اور مساوی حقوق حاصل ہیں۔کرسمس پر تمام مذاہب کے ماننے والوں کو ایک سچے پاکستانی کی حیثیت سے ملک کی تعمیر و ترقی کے لیے اپنا موثر کردارادا کرنے کا عزم کرنا ہوگا۔
ڈائریکٹر جنرل پاپولیشن ویلفئیر ڈیپارٹمنٹ ثمن رائے نے قائد اعظم کے یوم پیدائش کے سلسلہ میں منعقدہ تقریب سے خطاب کرتے ہوئے کہا ہے کہ قائداعظم محمد علی جناحؒ نے برصغیر کے مسلمانوں کو غلامی کی زنجیروں سے نجات دلائی۔قائداعظم کی ولولہ انگیز قیادت میں مسلمانوں کے لئے آزاد وطن کاخواب حقیقت میں بدلا۔تحمل،برداشت اوررواداری پر مبنی فلاحی معاشرے کا قیام بانی پاکستان محمد علی جناحؒ کا خواب تھا۔آج کے دن ہم سب عہد کرتے ہیں کہ قائداعظمؒ کی تعلیمات اورافکار پر عمل کر کے ہم پاکستان کو حقیقی معنوں ترقی و کامرانی کی منازل طے کرنے میں کوئی کسر اٹھا نہ رکھیں گے۔
٭
