شام کی نگراں حکومت کے شعبہ سیاسی امورکی جانب سے پہلی خاتون ’عائشہ الدبس‘ کو خواتین کے امور کی ذمہ دار مقرر کرنے کا اعلان کیا گیا ہے۔
العربیہ کے مطابق احمد الشرع کی زیر قیادت قائم ہونے والی نگراں حکومت کی انتظامیہ میں اعلی سرکاری عہدے پر فائز ہونے والی عائشہ الدبس پہلی خاتون ہیں۔
یہ اقدام خواتین کو نئی انتظامیہ میں شامل کرنے کی تجاویز اور مطالبے کی وجہ سے کیا گیا ہے جس میں کہا جارہا تھا کہ تعمیر نو اور بعد کے مراحل میں خواتین کو شامل کیا جائے۔
