کراچی کی مقامی عدالت کا کے الیکٹرک کیخلاف بڑا فیصلہ، سینئر سول جج ایسٹ نے KE کو کرنٹ سے جاں بحق ہونے والے کمسن اذان کے اہلخانہ کو 48 لاکھ 19 ہزار روپے ہرجانہ ادا کر نے کا حکم دیدیا۔ سینئر سول جج شرقی کی عدالت نے چھ سال بعد دعوی کا فیصلہ سنادیا۔ جج عنبرین جمال نے کے الیکٹرک حکام کیخلاف ڈگری جاری کردی۔ عدالت نے کے الیکٹرک کو لواحقین کو 48 لاکھ 19 ہزار روپے ہرجانہ ادا کرنے کا حکم دیدیا۔ عدالتی نے فیصلے میں کہا کو ایک کروڑ 45 لاکھ روپے کا جو دعوی دعویدار کے وکیل عثمان فاروق ایڈوکیٹ نے کیا تھا وہ انہوں نے ثابت کیا۔ لیکن عدالت نے جو ہرجانہ لگایا ہے دعویدار اس کا حقدار ہے۔ عثمان فاروق ایڈوکیٹ نے موقف اپنایا تھا کہ 2017 میں بارشوں میں کمسن اذان جان کی بازی ہار گیا تھا۔ کے الیکٹرک کیخلاف ہرجانہ کا دعویٰ دائر کیا تھا۔واقعہ میں کے الیکٹرک کی غفلت واضح ہے۔کے الیکٹرک گارڈ وائر لگانے میں ناکام رہی ہے۔
