کراچی
مور خہ20 دسمبر 2024
پریس ریلیز
صنعتوں کی ترقی سندھ حکمت کی ترجیحات میں شامل ہے، عبدالرشید سولنگی
ڈائریکٹر جنرل بلڈنگ کنٹرول کا کورنگی ٹریڈ اینڈ انڈسٹریز کا دوہ، صنعتکاروں کو مسائل کے حل کی یقین دہانی
ایک ماہ کیلئے کاٹی میں ہیلپ ڈیسک کے قیام اور بلڈنگ وکمپلیشن پلان منظوری کیلئے رفتار تیز کرنے کی ہدایات
ڈپٹی کمشنر کورنگی سے ملاقات، اراکین کاٹی کے تحفظات دور کرنے کیلئے مشترکہ تعاون فراہم کرنے کا اعادہ
کراچی 20 دسمبر ۔سندھ بلڈنگ کنٹرول اتھارٹی کے ڈائریکٹر جنرل عبدالرشید سولنگی نے کورنگی ایسوسی ایشن آف ٹریڈ اینڈ انڈسٹریز (kati) کے دفتر کا دورہ کیا، دورہ کے دوران ڈائریکٹر انڈسٹریز سمیع جملانی، ڈائریکٹر ڈیمالیشن سجاد خان ،ڈپٹی ڈائریکٹر انڈسٹریز احسن ادریس بھی ڈائریکٹر جنرل کے ہمراہ موجود تھے ۔ میزبان سابق صدر کاٹی محمد دانش خان، مسعود نقی، زبیر چھایہ جنید نقی کاٹی کے صدر زاہد سعید سمیت دیگر معروف صنعتکار کاٹی عہدیداران و ممبران نے ڈائریکٹر جنرل کا استقبال کیا، بعد ازاں صنعتکاروں کو درپیش مختلف تعمیراتی مسائل سے ڈی جی ایس بی سی اے کو آگاہ کرتے ہوئے تعاون کی درخواست کی گئی۔ اس موقع پر ڈائریکٹر جنرل عبدالرشید سولنگی نے تمام مسائل بغور سنے اور موقع پر ہی متعدد کے حل کے لئے وہاں موجود ڈائریکٹر انڈسٹریل زون ایس بی سی اے کو خصوصی ہدایات جاری کیں اور ایک ماہ کے لئے کاٹی مین ایس بی سی اے کے جانب سے ہیلپ ڈیسک قائم کرنے کی ہدایات جاری کیں جبکہ مزید اقدامات کا بھی یقین دلایا گیا،اس دوران انہوں نے کہا کہ حکومت سندھ کے ویژن کے مطابق انڈسٹریز کی ترقی کے لئے اقدامات کا سلسلہ جاری ہے،انہوں نے متعلقہ ڈائریکٹر کو ہدایت دی کے کورنگی سمیت تمام انڈسٹریز زون کے بلڈنگ پلان اور کمپلیشن پلان کی تیز رفتاری سے منظوری کو یقینی بنایا جائے
جبکہ تمام زیر التوا کیسز کے سقم کو کاٹی کے تعاون سے دور کرکے انہیں بھی نمٹانے اور بعض میں پینلٹیز کو ختم کرنے کے احکامات بھی جاری کئے گئے،اس موقع پر کاٹی ممبران کی جانب سے دیگر شہری محکموں سے متعلق درپیش مسائل کے حوالے سے ڈی جی ایس بی سی اے کو آگاہ کیا گیا جس پر انہوں نے اپنے ہر ممکن مدد و تعاون کا یقین دلاتے ہوئے کہا کہ صوبائی حکومت صنعتوں کے فروغ اور ترقی کے لئے کوشاں ہے اس سلسلے میں حکومت کے عملی اقدامات و فیصلوں کی روشنی میں وہ تمام مسائل کے حل کے لئے مکمل طور پر امید ہیں کیونکہ آج کی ہماری ملاقات بھی اسی ویژن کے تحت ہے تمام درپیش مسائل کے بارے میں صوبائی وزیر بلدیات کو اگاہ کروں گا۔ انہوں نے کاٹی عہدیداران کی درخواست پر شاہراہِ فیصل کی طرح کورنگی انڈسٹریل زون کی بیوٹی فکیشن کا بھی اعلان کیا جس میں انڈسٹریز کی بیرونی تزئین و آرائش ، سڑکوں پر لائٹنگ اور گرین بیلٹ کے خوبصورتی کا کام شامل ہوگا ۔ڈائریکٹر جنرل سندھ بلڈنگ کنٹرول اتھارٹی نے فائر سیفٹی آلات سمیت دیگر حفاظتی اقدامات کو یقینی بنایا جائے بعد ازاں وہاں سے روانگی کے بعد ڈائریکٹر جنرل عبدالرشید سولنگی نے ڈپٹی کمشنر کورنگی سے ان کے دفتر میں ملاقات کی ملاقات میں انڈسٹریز کے فروغ و ترقی کے حوالے سے حکومت سندھ کے ویژن کے مطابق کاٹی ممبران کے تحفظات کو دور کرنے اور بیوٹی فکیشن سمیت دیگر معاملات میں صنعتکاروں کو بھرپور مشترکہ تعاون فراہم کرنے کا اعادہ کیا گیا۔
