دور جدید میں ربورٹک سرجری کی وجہ سے آپریشن کا دورانیہ کم اور سرجری کے ریزلٹ حیران کن حد تک کامیاب رہے ہیں کیوںکہ سرجن اپنی کلائی کو جہاں 360ڈگری تک گھما سکتا ہے وہیں ربورٹ کی مدد سے کلائی کو 720ڈگری تک گھمایا جاسکتا ہے

لاہور(جنرل رپورٹر)ریڈیو کلینک میں پرنسپل علامہ اقبال میڈیکل کالج اور معروف سرجن پروفیسر سید اصغر نقی کی شرکت،میزبان اور پروڈیوسر مدثر قدیر تھے۔پروگرام میں گفتگو کرتے ہوئے پروفیسر اصغر نقی کا کہنا تھا کہ دور جدید میں ربورٹک سرجری کی وجہ سے آپریشن کا دورانیہ کم اور سرجری کے ریزلٹ حیران کن حد تک کامیاب رہے ہیں کیوںکہ سرجن اپنی کلائی کو جہاں 360ڈگری تک گھما سکتا ہے وہیں ربورٹ کی مدد سے کلائی کو 720ڈگری تک گھمایا جاسکتا ہے جس کی وجہ سے سرجری کی تکمیل میں کامیابی کا عنصر بڑھ جاتا ہے۔پروفیسر اصغر نقی جن کا شمار ایسوفیگس یعنی کھانے کی نالی اور اس سے متصل اعضاء کی سرجری کے حوالے سے ممتاز اہمیت کا حامل ہے ان کے مطابق جب ہمارے پاس کوئی تیزاب پی کر ایمرجنسی میں رپورٹ ہوتا ہے

تو ہم ہر ممکن اقدام کرکے تیزاب کی حساسیت کو ختم کرنے کی کوشش کرتے ہیں تاکہ مریض کے دیگر اعضا کم سے کم متاثر ہوں اور مریض جلد صحت یابی کی طرف اجائے۔اس موقع پر پروفیسر اصغر نقی نے

عوامی آگاہی کے لیے پیغام دیتے ہوئے کہا کہ صفائی نصف ایمان ہے اگر آپ کھانا کھانے سے پہلے اور بعد میں صا ن سے ہاتھ دھو لیں اور متوازن مگر اچھی غذا کو اپنی خوراک کا حصہ بنائیں تو آپ کا مدافعتی سسٹم طاقتور رہے گا اور بیماریاں آپ سے دور رہیں گی۔ہمیشہ خوش رہیں اور خوشیاں بانٹیں۔۔۔۔