جنرل ہسپتال و نیورو انسٹی ٹیوٹ میں کرسمس کا 600پاوَنڈ وزنی کیک سیڑھی لگا کر کاٹا گیا
مسیحی کمیونٹی کو مبارکباد ، یہ دن ہ میں محبت اور ہمدردی کا درس دیتا ہے:پروفیسر الفرید ظفر
ایک دوسرے کے ساتھ محبت ، ہمدردی اور انسانیت کے ساتھ حسن سلوک سکھاتا ہے : پروفیسر آصف بشیر
پاکستان کی ترقی و خوشحالی میں مسیحی برداری کی خدمات لائق تحسین ہیں :ڈاکٹر فریاد ، ڈاکٹر عمر اسحاق
میڈیکل کے شعبے میں دکھی انسانیت کی خدمت میں بالخصوص نرسز کا بہت اہم کردار ہے: فضیلت لعل ;47;آسیہ خانم
تقریبا کا اہتمام پنجاب پیرا میڈیکل سٹاف ایسو سی ایشن و نرسنگ سٹاف نے کیا
لاہور19دسمبر:۔۔۔ لاہور جنرل ہسپتال اور پنجاب انسٹی ٹیوٹ آف نیورو سائنسز میں کرسمس کی خوشیاں دوبالا کرنے اور مسیحی بھائیوں سے اظہار یکجہتی اور مذہبی ہم آہنگی کے فروغ کے لئے پروقار تقریب کا انعقا د کیا گیا جس میں 600پاوَنڈ وزنی کیک سیڑھی لگا کر کاٹا گیا ۔
پرنسپل امیر الدین میڈیکل کالج پروفیسر ڈاکٹر محمد الفرید ظفر،ایگزیکٹو ڈائریکٹر پنز پروفیسر آصف بشیر ، ایم ایس ڈاکٹر عمر اسحاق ، ایم ایس ڈاکٹر فریاد حسین ، اقلیتی ممبر صوبائی اسمبلی و مسیحی برادری کی اہم شخصیات کے علاوہ ڈی سی این ایس فضیلت لال ، نرسنگ سپرنٹنڈنٹ آسیہ خانم سمیت پنجاب پیرا میڈیکل سٹاف ایسوسی ایشن ،نرسنگ آفیسرز اور ہیلتھ پروفیشنلز کی بڑی تعداد نے شرکت کی ۔ پرنسپل پروفیسر الفرید ظفر نے مسیحی برادری کو کرسمس کی خوشی کے موقع پر مبارکباد دیتے ہوئے کہا کہ مسلمانوں کے لئے حضرت عیسیٰ ;174; اور دیگر تمام انبیاء کرام پر ایمان لانا عقیدت کی بنیادی شرط ہے اورہم بطور مسلمان حضرت عیسیٰ;174; کا احترام کرتے ہیں ۔ انہوں نے کہا کہ کرسمس ہ میں محبت ، سخاوت ، معافی ، امید کا پیغام اور روحانیت کا شعور دیتا ہے اور ہ میں اپنی زندگیوں کو بہتر بنانے کی ترغیب دیتا ہے ۔ ایگزیکٹو ڈائریکٹر پنز پروفیسر محمد آصف بشیر کا کہنا تھا کہ یہ دن ہ میں ایک دوسرے کے ساتھ محبت ، ہمدردی اور انسانیت کے ساتھ حسن سلوک سکھاتا ہے لہذا ہ میں اپنی زندگیوں میں محبت کو مقدم رکھنا چاہیے ۔
پرنسپل پی جی ایم آئی نے کہا کہ پاکستان کی ترقی اور خوشحالی سمیت ہر شعبہ ہائے زندگی میں مسیحی برداری کے کردارکو نظر انداز نہیں کیا جا سکتا تاہم میڈیکل اور تعلیم کے شعبوں میں مسیحی کمیونٹی کی خدمات بہت نمایاں ہیں جس کے لئے وہ خراج تحسین کے مستحق ہیں ۔ انہوں نے کہا کہ کرسچین کمیونٹی کا کردار نہ صرف مذہبی لحاظ سے اہم ہے بلکہ یہ عالمی سطح پر امن، محبت، انسانیت کی خدمت، اور معاشرتی بہتری کے لیے بھی مثبت اثرات مرتب کرتی ہے ۔ ایم ایس پنز ڈاکٹر عمر اسحاق اورایم ایس ایل جی ایچ ڈاکٹر فردیاد حسین کا کہناتھا کہ پاکستان کا آئین تمام اقلیتوں کو مساوی شہری حقوق اور مذہبی آزادی فراہم کرتا ہے ،الحمد اللہ پاکستان میں تمام اقلیتیں اپنے اپنے مذہبی عقائد کے مطابق عبادت کرتی اور تہوار مناتی ہیں ۔
ڈی سی این ایس فضیلت لال او ر نرسنگ سپرنٹنڈنٹ آسیہ خانم کا کہنا تھا کہ پاکستان میں تعلیم کے فروغ کے لئے مسیحی برداری نے بہت سے تعلیمی ادارے قائم کررکھے ہیں جہاں بلا تفریق مذہب تمام بچے تعلیم کے زیور سے آراستہ ہو رہے ہیں ۔ انہوں نے کہا کہ میڈیکل کے شعبے میں دکھی انسانیت کی خدمت میں بالخصوص نرسز کا بہت اہم کردار ہے تمام ہسپتالوں میں نرسز اور پیرا میڈیکس انتہائی فرض شناسی اور پیشہ وارانہ لگن کے ساتھ اپنے فراءض منصبی نبھا رہے ہیں جو اُن کی پاکستان کے ساتھ گہری وابستگی کو ظاہر کرتا ہے ۔
تقریب کے اختتام پر شرکاء نے ملکی ترقی ،ا ستحکام ، کشمیری اور فلسطینی بھائیوں سے اظہار یکجہتی کے لئے خصوصی دعائیں بھی کیں اور اپنے اپنے اداروں میں محنت اور زیادہ لگن کے ساتھ کام کرنے کے عزم کا اظہار کیا ۔ ڈاکٹر حسیب تھند ، رانا پرویز، ارشد بٹ، جنید میو، وارث آفتاب ، شہزاد روشن ، مجید راج، امانت علی کے علاوہ خالدہ تبسم ، سسٹر کوثر، مریم شگفتہ، ندرت مختار، مریم بشیر ، و دیگر موجود تھے ۔ اس موقع پر مسیحی برادری کو تحاءف دیے گئے اور اُن میں مٹھائی تقسیم کی گئی ، کرسچین کمیونٹی نے رواءتی گیت گا کر خوشیوں کا اظہار کیا جبکہ اختتام پر شرکاء کی بہترین کھانوں سے تواضع کی گئی ۔
آل گورنمنٹ ایمپلائز گرینڈ الائنس پنجاب کے زیر اہتمام پنجاب بھر کی طرح سول سیکرٹریٹ لاہور کے سامنے سینکڑوں اساتذہ و ملازمین نے چوہدری مختار گجر چیئرمین آگیگا لاہور ڈویژن کی قیادت میں احتجاجی مظاہرہ کیا ۔ مظاہرے سے خطاب کرتے ہوئے مختار گجر ، پروفیسر فائزہ رعنا جنرل سیکرٹری آگیگا پنجاب ، رانا لیاقت ، سعود جان ، چوہدری غفار ، افتخار رسول سلہری ، راشد اقبال ، شفیق گجر ، عامر بٹ، کلیم الحق ، اعظم گجر ، شرجیل اعوان ، بلال گجر ، ایاز گجر نے کہا کہ ایک طرف حکومت کہتی ہے کہ خزانہ خالی ہے ملازمین کی لیو انکیشمنٹ ، پنشن و گریجویٹی میں کمی کی جا رہی ہے دوسری طرف وزراء ، مشیران ، ارکان اسمبلی کی تنخواہوں ومراعات میں 900 فیصد اضافہ کر دیا گیا ہے ملازمین کی پنشن وگریجویٹی اور لیو انکیشمنٹ پر شب خون مار کر یہ اضافہ کیا گیا یہ ملازمین دشمن اقدام ہے صوبہ بھر کے گریڈ 1 تا گریڈ 20 تک کہ ملازمین اپنے معاشی حقوق کے تحفظ کے لیے متحد ہو چکے ہیں اپنے معاشی حقوق غصب نہیں ہونے دیں گے اور رول 17- اے کا خاتمہ کسی صورت قبول نہیں حکومتی ظالمانہ پالیسیوں کے خلاف پنجاب بھر میں احتجاجی مظاہرے ، جلسے اور ریلیاں نکالی جائیں گی آج سے 2 گھنٹے کے لیے دفاتر ، سکول ، کالجز اور سول سیکرٹریٹ میں قلم چھوڑ ہڑتال کا آغاز کر دیا گیا۔ لہذا وزیر اعلیٰ پنجاب 2 دسمبر کو جاری کردہ ظالمانہ پینشن و گریجویٹی میں کمی اور لیو انکیشمنٹ کا نوٹیفکیشن واپس لیں اور رول 17
-اے کو بحال کیا جائے۔
===================
صوبائی وزیر صحت خواجہ عمران نذیر سیکرٹری صحت نادیہ ثاقب کے ہمراہ پی ایم یو میں سی ای اوز ہیلتھ کی تعیناتی کے حوالہ سے اہم اجلاس کی صدارت کررہے ہیں، لاہور، 19 دسمبر۔
صوبائی وزیر پرائمری اینڈ سیکنڈری ہیلتھ کیئر خواجہ عمران نذیر نے کہا ہے کہ جن اضلاع میں سی ای اوز ہیلتھ تعینات نہیں کئے گئے وہاں ہسپتالوں کے انتظامی و مالی معاملات چلانے میں دشواری پیش آرہی تھی۔ تمام سی ای اوز، ایم ایس صاحبان اور کنسلٹنٹس میرٹ اور کارکردگی کی بناء پر تعینات کیئے جائیں گے۔اس سلسلہ میں کسی قسم کا سیاسی دباؤ اور سفارش برداشت نہیں کریں گے۔ ان خیالات کا اظہار صوبائی وزیر صحت نے پراجیکٹ مینجمنٹ یونٹ میں سی ای اوز ہیلتھ کی تعیناتی کے حوالہ سے اہم اجلاس کی صدارت کرتے ہوئے کیا۔ اجلاس میں سیکرٹری صحت نادیہ ثاقب نے قصور، سرگودھا، چکوال، راجن پور اور میانوالی اضلاع میں سی ای اوز ہیلتھ کی پوسٹنگ پر بریفنگ دی۔ان پانچ اضلاع میں تعیناتی کے لئے سی ای اوز کے امیدوار ڈاکٹرز کے آنلائن انٹرویو کئے گئے۔ خواجہ عمران نذیر کا کہنا ہے کہ سی ای اوز ہیلتھ کی پوسٹنگ سے ضلعی اور تحصیل ہسپتالوں میں ہیلتھ ڈیلوری سروس مذید بہتر جائیگی۔سرکاری ہسپتالوں میں عوام کو صحت کی سہولیات بہ طریق احسن فراہم ہو سکیں گی۔صوبائی وزیر صحت نے کہا کہ خالی اضلاع میں سی ای اوز ہیلتھ مرحلہ وار تعینات کئے جارہے ہیں۔انہوں نے کہا کہ تمام سی ای اوز ہیلتھ اور ایم ایس صاحبان کی کارکردگی ڈیجیٹل مانیٹرنگ کی جارہی ہے۔اجلاس میں ایڈیشنل سیکرٹری ایڈمن رانا محمد حسین اور ڈپٹی سیکرٹری ایڈمن سرمد علی بھی موجود تھے۔
============================
فاطمہ جناح میڈیکل یونیورسٹی کی سالانہ بین الاقوامی طبی، تعلیمی وتحقیقی کانفرنس 2024 کی افتتاحی تقریب کا انعقاد، فاطمہ جناح میڈیکل کالج المنائی ایسوسی ایشن آف نارتھ امریکہ (FJMCAANA) اور ایسوسی ایشن آف فاطمہ جناح اولڈ گریجویٹس (AFJOG) برطانیہ ، کے اشتراک سے کیا گیا۔
وزیر صحت پنجاب محترم خواجہ سلمان رفیق نے بطور چیف گیسٹ شرکت کی۔ وائس چانسلر پروفیسر ڈاکٹر خالد مسعود گوندل نے معزز مہمان کا استقبال کیا۔
پارلیمانی سیکرٹری ہیلتھ میڈیم رشدہ لودھی، وائس چانسلر (کے ای ایم یو) پروفیسر محمود ایاز، پروفیسر عامر زمان خان، ڈاکٹر وردہ شفیع، سنڈیکیٹ ممبر سید فرّخ علی شاہ نے بطور گیسٹ آف آنر شرکت کی۔
یونیورسٹی سے پروفیسر عائشہ ملک، پرنسپل پروفیسر عبدالحمید، پروفیسر بلقیس شبّیر، پروفیسر محمد ندیم، ڈینز پروفیسر عالیہ زاہد، پروفیسر نوید اکبر ہوتیانا فیکلٹی ممبران اور طالبات کی کثیر تعداد نے شرکت کی۔
تقریب کا آغاز تلاوت کلام پاک اور قومی ترانے سے ہوا۔
خواجہ سلمان رفیق کا کہنا تھا کہ میرے لیے بہت فخر کی بات ہے کہ آج مجھے اس کانفرنس میں بات کرنے کا موقع ملا۔
آرٹیفیشل انٹیلیجنس کا استعمال طلباء کو سیکھنے اور ڈاکٹرز کو پروفیشن میں بہت کارآمد ثابت ہوگا، خواجہ سلمان رفیق
فاطمہ جناح میڈیکل یونیورسٹی جلد آرٹیفیشل انٹیلیجنس پروگرام لانچ کرنے جا رہی ہے، خواجہ سلمان رفیق
آرٹیفیشل انٹیلیجنس کا بہتر استعمال وقت کی اہم ضرورت ہے اور اس کے مثبت استعمال سے ترقی کی نئی راہیں ہموار ہونگی، خواجہ سلمان رفیق
وائس چانسلر پروفیسر ڈاکٹر خالد مسعود گوندل نے چیف گیسٹ محترم خواجہ سلمان رفیق اور گیسٹ آف آنرز، المنائی ایسوسی ایشن کے ممبران اور تمام شرکاء کو بین الاقوامی کانفرنس میں خوش آمدید کہا۔
آرٹیفیشل انٹیلیجنس طبی ماہرین کی جگہ نہیں لے سکتی لیکن بیماری کی تشخیص کے لیے معالجین اور ڈاکٹروں کو مدد فراہم کرتی ہ، وائس چانسلر پروفیسر ڈاکٹر خالد مسعود گوندل
فاطمہ جناح میڈیکل کالج المنائی ایسوسی ایشن کی خدمات بے مثال ہیں، وائس چانسلر پروفیسر ڈاکٹر خالد مسعود گوندل
پروفیسر ڈاکٹر خالد مسعود گوندل نے پاکستان میں کیریئر کونسلنگ کی اہمیت پر تفصیلی لیکچر دیا۔
کیرئیر کاؤنسلنک طلباء کو فیصلہ کرنے، مہارتوں اور دلچسپیوں کو ملک کے ابھرتے ہوئے مواقع سے ہم آہنگ کرنے میں مدد فراہم کرتی ہے، وائس چانسلر پروفیسر ڈاکٹر خالد مسعود گوندل
جدت انسان کو ترقی کی طرف لے جا رہی ہے مگر انسان کے بغیر آرٹیفیشل انٹیلیجنس کچھ بھی نہیں ہے، رشدہ لودھی
ہم اس وقت آرٹیفیشل انٹیلیجنس کے دور میں ہیں، وائس چانسلر کنگ ایڈورڈ میڈیکل یونیورسٹی پروفیسر محمود ایاز
وائس چانسلر کنگ ایڈورڈ میڈیکل یونیورسٹی پروفیسر محمود ایاز نے طلباء و طالبات کو نصیحت کی کہ ہمیشہ ایمانداری، محنت اور لگن سے کام کریں اور مریضوں سے شفقت سے پیش آئیں۔
پروفیسر بلقیس شبّیر نے طبی تعلیم میں آرٹیفیشل انٹیلیجنس کے استعمال پر تفصیلی لیکچر دیا۔
پروفیسر عامر زمان خان نےپوسٹ گریجویٹ میڈیکل ایجوکیشن کے بارے میں آگاہی لیکچر دیا ۔
ڈاکٹر وردہ شفیع نے نے المنائی کی جانب سے پروفیسر خالد مسعود گوندل کی سپورٹ اور پلیٹ فارم فراہم کرنے پر خصوصی طور پر شکریہ ادا کیا۔
پروفیسر عبدالمجید چوہدری کا کہنا تھا کہ آرٹیفیشل انٹیلیجنس وقت کی اہم ضرورت ہے لیکن انسانی صلاحیتوں کا کوئی متبادل نہیں۔
آرٹیفیشل انٹیلیجنس کو اپنے پروفیشنل لائف میں ضرور استعمال کرنا چاہئے اور اپنی صلاحیتوں کو مثبت انداز میں استعمال کرتے رہنا چاہیے، پروفیسر ساجد مقبول
تقریب کے اختتام پر پروفیسر خالد مسعود گوندل کی جانب سے چیف گیسٹ خواجہ سلمان رفیق، برطانیہ اور امریکہ سے آئے بین الاقوامی ماہرین اور دیگر مہمانوں میں اعزازی سووينیئر بھی تقسیم کیے گئے۔
=============================
شری کٹاس راج میں مذہبی رسومات کی ادائیگی کے لیئے بھارتی ہندو یاتری وجے کمار شرما کی سربراہی میں71 رکنی وفد واہگہ چیک پوسٹ کے راستے پاکستان پہنچ گیا۔ جہاں پر متروکہ وقف املاک بورڈ کے ایڈیشنل سیکرٹری( شرائنز )سیف اللہ کھوکھر ،پاکستان ہندو مندر مینجمنٹ کمیٹی کے صدر کرشن شرما نے تریوں کا استقبال کیا اور وفاقی وزیر چوہدری سالک حسین اور چئیرمن متروکہ وقف املاک بورڈ سید عطاء الرحمٰن کی طرف سے پھولوں کے گلدستے پیش کیے
۔بھارتی جتھ لیڈر وجے کمار شرما نے واہگہ بارڈر پر میڈیا کے نمائندوں سے گفتگو کرتے ہوئے کہا کہ دورہ پاکستان امن اور محبت کا پیغام ہے، جب بھی پاکستان آ تا ہوں پہلے سے بہتر انتظامات کیے جاتے ہیں ۔واہگہ بارڈر پر پرتپاک استقبال پر متروکہ وقف املاک بورڈ کے شکر گزار ہیں ۔
متروکہ وقف املاک بورڈ کے ایڈیشنل سیکرٹری شرائنز سیف اللہ کھوکھر نے کہا کہ وفاقی وزارت مذہبی امور براے بین ا لمذاہب ہم آہنگی اور چیئرمین بورڈ سید عطاء الرحمٰن کی خصوصی ہدایت پر ہندو یاتریوں کی پاکستان آمد کے حوالے سے سیکورٹی رہائش،ٹرانسپورٹ سمیت دیگر انتظامات کیے گے ہیں۔
پاکستان ہندو مندر مینجمنٹ کمیٹی کے صدر کرشن شرما نے کہا کہ پاکستان میں ہندو مذہب کی عبادت گاہیں محفوظ ہیں متروکہ وقف املاک بورڈ تزئین و آرائش اور دیکھ بھال کے انتظامات کر رہا ہے ۔
ڈپٹی سیکرٹری جنرل (شرائنز )عمر جاوید اعوان کے مطابق یاتری سپیشل بسوں کے ذریعے لاہور سے کٹاس راج مندر(ضلع چکوال) روانہ ہوں گے ۔21 دسمبر کو بھارتی ہندو یاتری کٹاس راج مندر میں اپنی مذہبی رسومات (بھانو سپتمی ) ادا کریں گے،جہاں پر پاکستانی ہندو کمیونٹی کی بڑی تعداد شرکت کرے گی ۔ اور شام میں دیے جلانے کی رسومات ( دیپ مالا ) ادا کریں گے ۔ ۔ہندو یاتری 7روزہ دورہ مکمل ہونے پر 25 دسمبر کو واپس روانہ ہوں گے.
=============================
یونیورسٹی آف ایجوکیشن، لاہور میں مسیحی ملازمین کے ساتھ یکجہتی کے اظہار کے لئے گزشتہ روز مرکزی کیمپس، ٹاؤن شپ میں کرسمس کے حوالے سے ایک پُروقار تقریب کا انعقاد کیا گیا، جس کی صدارت وائس چانسلر پروفیسر ڈاکٹر عاکف انور چودھری نے کی۔ اس موقع پر وائس چانسلر نے بچوں کے ہمراہ کیک بھی کاٹ۔ تقریب میں پرو وائس چانسلر پروفیسر ڈاکٹر محمد عالم سعید، رجسٹرار محمد نصیر، اساتذہ، سٹاف اور مسیحی ملازمین کی کثیر تعداد موجود تھی۔ تقریب سے خطاب کرتے ہوئے وائس چانسلر پروفیسر ڈاکٹر عاکف انور چودھری نے کہا کہ کرسمس کے اس مبارک موقع پر ہم اپنے مسیحی بھائیوں کو دل کی اتھاہ گہرائیوں سے مبارکباد پیش کرتے ہیں۔ انہوں نے کہا کہ مسیحی برادری کی وطن عزیز کے لئے بے مثال خدمات ہیں، جن کی ہمیں بھرپور قدر کرنی چاہیے۔ اس موقع پر وائس چانسلر نے مسیحی ملازمین میں کرسمس تحائف بھی تقسیم کئے۔ اس موقع پر مسیحی ملازمین نے وائس چانسلر پروفیسر ڈاکٹر عاکف انور چودھری کا شکریہ ادا کرتے ہوئے اس بات پر مسرت کا اظہار کیا کہ ان کی سرپرستی میں یونیورسٹی آف ایجوکیشن اپنے مسیحی ملازمین کی فلاح و بہبود کے لئے خصوصی طور پر کوشاں ہے.
============
آئِرلینڈ میں مقیم معروف پاکستانی ڈاکٹر پروفیسر کامران بٹ پاکستان ہاکی فیڈریشن سے وابستہ ہوگئے، انہوں نے اعزازی طورپر پاکستانی ہاکی کھلاڑیوں کے علاج کے لیے اپنی خدمات پیش کردیں،لاہور میں پی ایچ ایف ہیڈ کوارٹر میں صدرطارق حسین بگٹی، سیکرٹری رانا مجاہد،ہیڈکوچ طاہر زمان، سے ملاقات میں ڈاکٹر کامران بٹ نے قومی کھیل کے لیے وابستگی پر رضامندی ظاہرکی۔ ان کا کہنا تھا کہ سپورٹس میڈیسن کا پندرہ برس کا تجربہ ہے، خاص طورپر شولڈر اور گھٹنے کی انجری میں بانی سرجن میں سے ایک ہوں، ہاکی فیڈریشن حکام نے رابطہ کرکے درخواست کی کہ پاکستانی کھلاڑیوں کے علاج میں ہمارا ہاتھ بٹائیں۔ بطورپاکستانی اور ہاکی لورز یہ ہم سب کی ذمہ داری ہے کہ قومی کھیل کے لیے کام کریں۔ 
اعزازی طورپر قومی کھلاڑیوں کے علاج کے لیے تیار ہوں، بیرون ملک جو کچھ سیکھ رہےہیں، اس علم کو بروئے کار لاکر پاکستانی کھلاڑیوں کو میڈیکل کے حوالےسے درپیش مسائل حل کرنے میں جو بھی ممکن ہوسکا، وہ کرنے کی بھرپور کوشش کروں گا۔ پاکستان ہاکی ٹیم کے لیے کام کرنا میرے لیے ایک اعزاز ہوگا۔ ماضی میں بھی بہت سے کھلاڑیوں کا علاج کیاہے، مستقبل میں مزید پی ایچ ایف اور قومی کھلاڑیوں کی مدد کے لیے حاضر ہوں۔ اس موقع پر صدر پی ایچ ایف طارق بگٹی، سیکرٹری رانا مجاہد، ہیڈکوچ طاہر زمان نے پروفیسر ڈاکٹر کامران بٹ کے جذبے کو سراہا اور پاکستان ہاکی کے لیے خدمات پیش کرنےپر ان کا شکریہ ادا کیا۔ صدر طارق حسین بگٹی نے انہیں پی ایچ ایف کی طرف سے تقرری کا لیٹر اور شیلڈ بھی پیش کی۔
=========
ترک تعاون و ہم آہنگی ایجنسی (TiKA) نے ریڈیو پاکستان کی انتظامیہ کو نو تعمیر شدہ میوزیم ب حوالے کر دیا ۔
TiKA ترکی کے سربراہ، درسن علی یاساکان، اور پاکستان میں TiKA کے کنٹری ہیڈ محسن بلجی نے منگل کے روز اسلام آباد میں ریڈیو پاکستان کے ڈائریکٹر جنرل سعید احمد شیخ کو ‘پاک-ترک فرینڈشپ میوزیم’ کا باضابطہ کنٹرول سونپا۔
ترک وزارتِ ثقافت کی ذیلی تنظیم TiKA کے وسائل سے تعمیر ہونے والے ‘پاکستان-ترکی فرینڈشپ میوزیم’ کا جلد وفاقی وزیر برائے اطلاعات و نشریات عطااللہ تارڑ باقاعدہ افتتاح کریں گے۔
یہ میوزیم، جو سلجوق طرزِ تعمیر کی عکاسی کرتا ہے، افتتاح کے بعد عوام کے لیے کھول دیا جائے گا۔
میوزیم میں نمائش کے لیے پیش کیے جانے والے نوادرات کے انتخاب کے لیے متعلقہ موضوع پر ماہرین کی ایک کمیٹی تشکیل دی گئی ہے۔
ریڈیو پاکستان کے ڈائریکٹر جنرل سعید احمد شیخ کے مطابق، میوزیم کے لیے موزوں اشیاء کے انتخاب کا کام دس دن کے اندر مکمل کر لیا جائے گا۔
==============================
