لیاقت آباد ٹاؤن میں تباہ حال مقامات پر پارکس بنائے گئے ہیں: کامران سراج
ماحولیاتی آلودگی کے خاتمے کے لئے ہمارا عزم لیاقت آباد ٹاؤن کو سرسبز و شاداب بنانا ہے ۔ فراز حسیب
مورخہ: 16-12-2024
کراچی ( ) لیاقت آباد ٹاؤن کی جانب سے لیاری ایکسپریس وے غریب آباد اربن فاریسٹ کا افتتاح امیر ضلع گلبرگ کامران سراج نے کیاچیئرمین لیاقت آباد ٹاؤن فراز حسیب۔میونسپل کمشنر دریا خان پتافی اور ڈائریکٹر پارکس ریحان ہمدانی ان کے ہمراہ تھے کامران سراج کا میڈیا سے گفتگو کرتے ہوئے کہنا تھا جماعت اسلامی کے ٹاؤن چیئرمینز نے مثالی کام کیا ہے.یہ ایک ایسی جگہ ہے جو تین ٹاؤنز کو ملاتی ہے۔ یہاں تجاوزات کا خاتمہ کرکے خوبصورت اربن فاریسٹ کا بنانا لیاقت آباد ٹاؤن کی اچھی کاوش ہے لیاقت آباد ٹاؤن میں تباہ حال مقامات پر پارکس بنائے گئے ہیں آنے والے وقتوں میں لیآقت آباد مثالی ٹاؤن ہوگاچیئرمین لیاقت آباد ٹاؤن فراز حسیب نے کہا یہاں ہماری اربن فاریسٹ بنانے کی خواہش تھی کو آج پوری ہوئی اسے خوبصورت بنانے کے
ساتھ حفاظت بھی کریں گے۔ہمارا عزم لیاقت آباد ٹاؤن کو سرسبز و شاداب بنانا ہے میونسپل کمشنر لیاقت آباد ٹاؤن دریا خان پتافی نے کہا یہ این ایچ اے اور ڈی سی کے تعاون سے ممکن ہوا۔ایسے خوبصورت اربن فاریسٹ اور پارکس لیاقت آباد کی شناخت بنیں گے۔ڈائریکٹر پارکس ریحان ہمدانی نے معزز مہمانوں کو دورہ کرایا اس موقع وائس چیئرمین لیاقت آباد ٹاؤن اسحاق تیموری, یوسی 2چیئرمین محمد ارشاد,یوسی وائس چیئرمین اسد نیازی,ڈائریکٹر انفارمیشن فہیم مصطفی زیدی ودیگر افسران بھی موجود تھے۔
فہیم مصطفی
ڈائریکٹر انفارمیشن
لیاقت آباد ٹاون
