پاکستان تحریک انصاف (پی ٹی آئی) کے بانی عمران خان سمیت 100 ملزمان پر فرد جرم عائد ہونے کے بعد جی ایچ کیو حملہ کیس میں مزید 9 ملزمان پر فرد جرم عائد کردی گئی۔
اڈیالہ جیل میں جی ایچ کیو حملہ کیس کی سماعت ہوئی، سماعت انسداد دہشتگردی عدالت کے جج امجد علی شاہ نے کی۔
دوران سماعت استغاثہ نے وزیر اعلیٰ خیبرپختونخوا علی امین گنڈاپور سمیت 23 ملزمان کی ضمانت منسوخی کی درخواست دائر کر دی، جس پر عدالت نے نوٹس جاری کردئے۔
عدالت نے جی ایچ کیو حملہ کیس میں مزید نو ملزمان پر فرد جرم عائد کی، سماعت کے دوران شیری مزاری، راجہ راشد حفیظ، خادم حسین، ذاکر اللہ، عظیم اللہ خان، میجر طاہر صادق، مہر محمد جاوید، چوہدری آصف، منیر پر فرد جرم عائد کی گئی۔
ملزمان شاہ محمود قریشی، کرنل اجمل صابر راجہ، سکندر زیب نے فرد جرم کی شیٹ پر دستخط کرنے سے انکار کردیا۔
ملزمان نے مؤقف اختیار کیا کہ ہمارے خلاف ثبوت ناکافی ہیں، ہماری 265 ڈی کی درخواست پر پہلے سماعت کی جائے، درخواست پر فیصلہ آنے کے بعد فرد جرم شیٹ پر دستخط کریں گے۔
سماعت کے دوران بانی پی ٹی ائی کو اڈیالہ جیل میں قائم خصوصی میں عدالت پیش کیا گیا۔
فرد جرم میں بغاوت، دہشت گردی، اقدام قتل، جلاؤ گھیراؤ اور سازش کے الزامات ہیں۔
عدالت نے سماعت 19 دسمبر تک ملتوی کردی۔
https://www.aaj.tv/news/30428714/
عمران خان مؤقف پر قائم، اڈیالہ جیل سے فیصل چوہدری کے ذریعے اہم پیغام جاری
تمام تر ہتھکنڈوں کے باوجود عمران خان ڈٹ کر کھڑا ہے، وکیل فیصل چوہدری
پاکستان تحریک انصاف (پی ٹی آئی) کے بانی عمران خان کے وکیل فیصل چوہدری نے کہا ہے کہ عمران خان کو جیل میں قید ہوئے 500 دن مکمل ہوگئے ہیں لیکن وہ آج بھی پہلے دن کی طرح اپنے مؤقف پر قائم ہیں کہ ساری زندگی جیل میں رہ لوں گا لیکن جھکوں گا نہیں۔
اڈیالہ جیل کے باہر میڈیا سے گفتگو کرتے ہوئے پی ٹی آئی رہنما فیصل چوہدری نے کہا کہ تمام تر ہتھکنڈوں کے باوجود عمران خان ڈٹ کر کھڑا ہے، وہ نہ گھبرایا اور نہ ہی ٹوٹا، موجودہ حکومت خوف کے سہارے پر قائم ہے، جس روز یہ خوف ختم ہوگیا یہ حکومت تنکوں کی طرح بکھر جائے گی۔
فیصل چوہدری نے کہا کہ ملک میں عدل کے نظام پر سنگین سوالات ہیں، عمران خان کو جیل میں دی جانے والی سہولیات پھر روک دی گئی ہیں، پی ٹی آئی کے جن رہنماؤں نے 9 مئی کے خلاف پریس کانفرنس نہیں کی، وہ درجنوں مقدمات میں نامزد ہیں، جبکہ پریس کانفرنس کرنے والے آزاد ہوگئے۔
ان کا مزید کہنا تھا کہ جیل حکام عدالتوں کے احکامات نہیں مان رہے لیکن اس پر کوئی ایکشن نہیں لیا جارہا، جس پر ہمیں سخت مایوسی ہے، 26 ویں آئینی ترمیم کے ذریعے سپریم کورٹ کو کریش کردیا گیا جبکہ میڈیا کا گلا بھی گھونٹ دیا گیا ہے۔
علی امین گنڈاپور کو عمران خان سے ملاقات کی اجازت نہ مل سکی، انتظار کے بعد واپس روانہ
عمران خان کے وکیل کا یہ بھی کہنا تھا کہ عمران خان قوم کی خاطر ہر طرح کی قربانی دے رہے ہیں جبکہ ان کا خاندان اور کارکنان بھی قربانیاں دے رہے ہیں، آج بھی ملاقات میں بانی پی ٹی آئی نے شہدا اور لاپتہ افرد کا پوچھا۔
فیصل چوہدری نے کہا کہ عدالتوں میں جس طرح کیسز چلائے جارہے ہیں ہم اس پر ملکی سمیت بین الاقوامی فورمز پر بھی آواز اٹھائیں گے، ہمارے پاس کوئی بندوق نہیں، ہم آئین و قانون کے دائرے میں رہتے ہوئے اپنی جدوجہد جاری رکھیں گے۔
https://www.aaj.tv/news/30428819/
rawalpindi
imran khan
faisal chaudhry
Adiyala Jail
IMRAN KHAN Adiyala Jail
Adyala Jail
Adiayala Jail
imran khan
Indictment
GHQ Attack Case
Adiayala Jail
