کراچی میں یونیورسٹی روڈ پر پانی کی 84 انچ قطر کی لائن کی مرمت آج سے شروع کی جائے گی جس کے باعث متعدد علاقوں میں پانی کی فراہمی معطل رہے گی۔
ترجمان کراچی واٹر کارپوریشن کے مطابق مرمتی کام کے باعث شہر میں 15 کروڑ گیلن پانی کی کمی ہوگی۔
ترجمان کے مطابق لیاری، کلفٹن، گلشن اقبال، جمشید ٹاؤن اور اولڈ سٹی ایریا متاثر ہوں گے، بدھ کی شام تک شہر میں پانی کی فراہمی بحال ہوجائے گی۔
کراچی واٹر کارپوریشن نے رعایتی واٹر ٹینکرز کوٹے میں اضافہ کردیا ہے، تمام سرکاری ہائیڈرنٹس پر ونڈو سروس کا بھی آغاز کردیا گیا۔
حکام کے مطابق 24 گھنٹے باآسانی واٹر ٹینکر بک کروایا جاسکتا ہے، مرمتی کام مکمل ہونے تک کمرشل ٹینکرز سروس معطل رہے گی۔
یونیورسٹی روڈ پر پانی کی 84 انچ ڈایا مین لائن کا مرمتی کام پیر کے روز سے شروع کیا جائے گا جو اگلے 72 گھنٹوں تک جاری رہے گا جبکہ واٹر کارپوریشن انتظامیہ کی پوری کوشش ہوگی کہ بدھ کی شام تک شہر میں پانی کی فراہمی بحال کی جائے دوسری جانب سی ای او واٹر کارپوریشن انجینئر سید صلاح الدین احمد نے یونیورسٹی روڈ پر پانی کی لائن کا دورہ کرکے لائن کا معائنہ کیا دورے کے دوران سی ای او واٹر کارپوریشن کو چیف انجینئر ڈبلیو ٹی ایم نے مرمتی کام کے حوالے سے تفصیلی بریفنگ دی اس موقع پر سی ای او واٹر کارپوریشن نے متعلقہ افسران کو مرمتی کام جلد مکمل کرنے کے احکامات جاری کرتے ہوئے کہا کہ مرمتی کام 24 گھنٹے جاری رکھا جائے تاکہ مقررہ وقت پر کام مکمل کیا جا سکے انہوں نے کہا کہ مرمتی کام کے حوالے سے مجھے لمحہ بہ لمحہ آگاہ کیا جائے جبکہ مرمتی کام میں کوئی غفلت برداشت نہیں کی جائے گی دورے کے دوران سی ای او واٹر کارپوریشن نے سینئر صحافیوں سے گفتگو کرتے ہوئے کہا کہ مرمتی کام ہنگامی بنیادوں پر کیا جارہا ہے اور ہماری پوری کوشش ہے کہ جلد از جلد مرمتی کام مکمل کرکے بدھ کی شام تک شہر میں پانی کی فراہمی بحال کی جائے انہوں نے واضح کیا کہ تمام منصوبوں کو بروقت مکمل کرنے کے لیے پائیدار کام کیا جارہا ہے جس کی وجہ سے مرمتی کام میں تاخیر ہوئی ہے اس لیے ہماری پوری کوشش ہے کہ ایسا پائیدار کام کیا جائے کہ مستقبل میں بی آر ٹی سمیت دیگر منصوبوں اور شہریوں کو کسی بھی مشکلات کا سامنا کرنا نہ پڑے ترجمان واٹر کارپوریشن کے مطابق یونیورسٹی روڈ پر واقع سائفن 19 میں 84 انچ ڈایا کے ٹوٹل 3 پائپس ہیں جس میں سے صرف ایک پائپ کا مرمتی کام کیا جائے گا جبکہ سائفن 19 کے متوازی دونوں پائپس سے پانی کی فراہمی جاری رہے گی انہوں نے کہا کہ مرمتی کام کے باعث لیاری کلفٹن گلشن اقبال جمشید ٹاؤن اولڈ سٹی ایریا میں پانی کی فراہمی جزوی طور پر معطل رہے گی ترجمان نے شہریوں سے درخواست کرتے ہوئے کہا ہے کہ وہ پانی کا ذخیرہ کریں اور اسے احتیاط سے استعمال کریں تاکہ کسی بھی پریشانی سے بچا جا سکے
کراچی( )سی ای او واٹر کارپوریشن انجینئر سید صلاح الدین احمد نے شہریوں کی سہولت کے لیے ایک اہم اقدام اٹھاتے ہوئے شہریوں کو رعایتی نرخوں پر فراہم کیے جانے والے واٹر ٹینکرز کوٹے میں اضافہ کردیا اس حوالے سے انچارج ہائیڈرنٹس سیل واٹر کارپوریشن الٰہی بخش بھٹو نے تفصیلات بتاتے ہوئے کہا کہ سی ای او واٹر کارپوریشن کی ہدایت پر ہائیڈرنٹس سیل نے عوام کی سہولت کے لیے تمام سرکاری ہائیڈرنٹس پر ونڈو سروس کا بھی آغاز کردیا ہے جہاں سے چوبیس گھٹنے با آسانی واٹر ٹینکر بک کروایا جا سکتا ہے اس کے علاؤہ شہر میں پانی کی فراہمی بحال رکھنے کے لیے واٹر کارپوریشن نے تین روز کے لیے کمرشل ٹینکرز سروس معطل کردی ہے انہوں نے بتایا کہ یونیورسٹی روڈ پر جاری مرمتی کام مکمل ہونے تک کمرشل ٹینکرز سروس معطل رہے گی جبکہ تین روز تک شہریوں سمیت رہائشی فلیٹس کو بھی جنرل پبلک سروس کے تحت واٹر ٹینکرز فراہم کیے جائیں گے انہوں نے عوام سے درخواست کرتے ہوئے کہا کہ واٹر ٹینکر لیتے وقت وہ کمپیوٹرائزڈ ای سلپ ضرور حاصل کریں جبکہ کمپیوٹرائزڈ ای سلپ نہ دینے والے کے خلاف فوراً شکایات درج کروائیں انہوں نے مزید کہا کہ عوام کی سہولت کے لیے تمام سرکاری ہائیڈرنٹس کے نمبرز بھی دیے گئے ہیں جن پر شہری واٹر ٹینکر بک کرواسکتے ہیں کرش پلانٹ ہائیڈرنٹ 03428303635، صفورہ ہائیڈرنٹ 03003114520، سخی حسن ہائیڈرنٹ 03150232384، لانڈھی فیوچر ہائیڈرنٹ 03324551320، شیر پاؤ ہائیڈرنٹ 03110200201، نیپا ہائیڈرنٹ 03312458004
