لاہور سے بہت اہم اور تازہ ترین خبریں

کالج آف فزیشنز اینڈ سرجنز پاکستان (سی پی ایس پی)کے اسلام آباد ریجنل سینٹر میں ایک شاندار تقریب کا انعقاد کیا گیا جس میں میڈیکل تعلیم، خاص طور پر ایمرجنسی میڈیسن کے شعبے میں بین الاقوامی تعاون کو خراج تحسین پیش کیا گیا۔ اس تقریب کی مہمان خصوصی آئرلینڈ کی سفیر محترمہ میری او نیل تھیں۔ تقریب میں دیگر معزز مہمانان میں یمن کے سفیر محترم محمد مطہر الاشعبی، افغانستان کے سفیر محترم مولوی سردار احمد شکیب، ایران کے سفیر محترم رضا امیر مقدم، بحرین کے سفیر محترم محمد ابراہیم محمد عبدالقادر، سوڈان کے نائب سفیر محترم احاب عبدالرزاق، اور فلسطین کے سفیر محترم احمد جواد اے اے رباعی شامل تھے۔

تقریب میں پاکستان آرمی کے سرجن جنرل لیفٹیننٹ ارشد نسیم سمیت جنرل آفیسرز نے شرکت کی ۔ وزیراعلی پنجاب کے ایڈوائزر ہیلتھ میجر جنرل اظہر کیانی وزارت خارجہ کے عہدے داران مسٹر طاہر اندرابی ، مسٹر الیاس محمود نظامی اور سپیشل اسسٹنٹ ٹو پرائم منسٹر برائے افغانستان محمد صادق خان شامل تھے۔ سی پی ایس پی کے صدر پروفیسر شعیب شفیع نے سی پی ایس پی کی قومی اور عالمی سطح پر خدمات پر روشنی ڈالی اور میڈیکل تعلیم کے میدان میں اس کی شاندار کامیابیوں کو اجاگر کیا۔

سی پی ایس پی کے سینئر نائب صدر پروفیسر خالد مسعود گوندل، نے سی پی ایس پی اور آئرلینڈ کی ہیلتھ سروسز ایگزیکٹو (HSE) کے درمیان دہائی پر محیط شراکت داری پر روشنی ڈالی۔ انہوں نے بتایا کہ یہ تعاون 2008 میں شروع ہوا اور 2013 میں پہلی بیچ کو شامل کیا گیا۔ اس پروگرام نے ایمرجنسی میڈیسن کی تربیت کو نئی بلندیوں تک پہنچایا ۔

تقریب میں معزز سفیروں اور دیگر اہم شخصیات کو تحائف اور شیلڈز پیش کی گئیں
۔ یہ تقریب ایک پُرتکلف عشائیے کے ساتھ اختتام پذیر ہوئی، جس نے میڈیکل تعلیم کے میدان میں عالمی تعاون کو مزید مضبوط کرنے کے عزم کا اعادہ کیا۔
=======================

پوسٹ گریجویٹ میڈیکل انسٹی ٹیوٹ کے میڈیکل ٹیچرز نے دکھی انسانیت کی خدمت کی اعلیٰ مثال قائم کرتے ہوئے اپنی مدد آپ کے تحت لاہور جنرل ہسپتال کے شعبہ سرجری کو تین لیپرو سکوپی مشینیں عطیہ کر دیں ہیں۔ ان مشینوں سے جہاں مریضوں کے علاج معالجے اور آپریشن میں خاطر خواہ مدد ملے گی وہیں وقت کی بچت کے ساتھ ساتھ ینگ ڈاکٹرز کو بھی عملی تربیت فراہم کرنے میں معاون ثابت ہوں گی۔اسی طرح لیپرو سکوپی پروسیجر کینسر اور موٹاپے کے مرض میں مبتلا افراد کیلئے تکلیف سے نجات کا باعث ہو گی جس سے اُن کی صحت پر مثبت اثرات مرتب ہوں گے۔
پرنسپل امیر الدین میڈیکل کالج پروفیسر ڈاکٹر محمد الفرید ظفر نے لیپرو سکوپی مشینیں عطیہ کرنے پرسینئر ڈاکٹرز کے انسانی خدمت کے جذبے کو سرا ہتے ہوئے کہا کہ ایل جی ایچ کے ڈاکٹرز اپنے سرکاری فرائض کی ا نجام دہی کے ساتھ ساتھ دکھی انسانیت کی خدمت کے لئے بھی اپنی جیب سے خرچ کرنے سے دریغ نہیں کرتے جو لائق تحسین اقدام اور دیگر مخیر حضرات کیلئے قابل تقلید امرہے۔انہوں نے مزید کہا کہ میڈیکل کے شعبے نے ڈاکٹروں کو عزت اور شہرت سے نوازا ہے لہذا اب اُن کا یہ اخلاقی فرض ہے کہ وہ اپنے شعبے کیلئے باعث تکریم بنیں اور انسانیت کی خدمت کے لئے اپنے وسائل بھی خرچ کرنا چاہئے۔اس موقع پر پروفیسر غیاث النبی طیب، ہیڈ آف دی ڈیپارٹمنٹ (سرجری) پروفیسر ڈاکٹر محمد فاروق افضل، ایم ایس ڈاکٹر فریاد حسین، ڈاکٹر عون جمال اور ہیلتھ پروفیشنلز بھی کثیر تعداد میں موجود تھے۔
پروفیسر غیا ث النبی طیب کا کہنا تھا کہ حکومت کے ساتھ ساتھ مخیر حضرات کو بھی دکھی انسانیت کی خدمت کیلئے آگے آنا چاہیے تاکہ شہریوں کو بہترین طبی سہولیات میسر آ سکیں۔پروفیسر ڈاکٹر محمد فاروق افضل نے کہا کہ ایڈوانس سرجری کی تکنیک سے مریض کو زیادہ دیرتک ہسپتال رہنے کی ضرورت پیش نہیں آتی اور اینٹی بائیوٹک ادویات سے بھی چھٹکارا مل جاتا ہے۔انہوں نے کہا کہ نوجوان ڈاکٹروں کو لیپرو سکوپی سرجری کی تربیت کا سلسلہ جاری رکھنا چاہیے تاکہ دور حاضر کے تقاضوں سے ہم آہنگ ہوکر مریضوں کے آپریشن جدید ٹیکنالوجی سے کر سکیں۔
میڈیکل سپرنٹنڈنٹ ڈاکٹر فریاد حسین نے کہا کہ دکھی انسانیت کی خدمت ڈاکٹرز کی ا ولین ترجیح ہے اور اللہ تعالیٰ کی رضا اور خوشنودی کا باعث ہے۔ انہوں نے مشینیں عطیہ کرنے والے سینئر ڈ اکٹرز کا شکریہ ادا کرتے ہوئے کہا کہ جنرل ہسپتال میں سب سے زیادہ ٹراما کیسز آتے ہیں اور لیپرو سکوپی سرجری سے مریض جلد اپنے معمولات زندگی کے قابل ہو جاتے ہیں۔انہوں نے کہا کہ ان مشینوں سے مریضوں کو خاطر خواہ فائدہ پہنچے گا اور جنرل ہسپتال کی نیک نامی میں مزید اضافہ ہوگا۔
=======================

Dr Muhammad Shoaib

Dr.Tanveer Qasim

یونیورسٹی آف انجینئرنگ اینڈ ٹیکنالوجی کی ٹیچنگ سٹاف ایسوسی ایشن کے سالانہ انتخابات میں تمام عہدیدار بلامقابلہ منتخب ہوگئے، الیکشن کمیشنر پروفیسر ڈاکٹر ذوالفقار علی نے نوٹی فکیشن جاری کردیا ، نوٹی فکیشن کے مطابق صدر پروفیسر ڈاکٹر محمد شعیب اور جنرل سیکرٹری ڈاکٹر تنویرقاسم ہونگے ۔جبکہ ڈاکٹر فہیم گوہر اعوان اور احمد نوید نائب صدور، ڈاکٹر محمد عثمان خاں جوائنٹ سیکرٹری، سوشل سیکرٹری ہدی ریاض، ٹریثرر ڈاکٹر رضوانہ حمید جبکہ 7 ایگزیکٹو ممبران میں ڈاکٹر اعجاز احمد، ڈاکٹر عرفان جلیس،ڈاکٹر راشد جلیل،ڈاکٹر قاسم علی رانجھا ،ڈاکٹر اویس رشید ،ڈاکٹر شمائلہ سمرین، عدنان بشیر شامل ہیں ۔ وائس چانسلر پرفیسر ڈاکٹر شاہد منیر نے ٹی ایس اے کی نومنتخب باڈی کو بلامقابلہ کامیابی پر مبارک با د پیش کی ہے اور کہا ہے کہ اساتذہ کی نئی قیادت کے ساتھ مل کر یوای ٹی کی فلاح وبہبود کے لیے کام کریں گے.
=======================

پہلی بار ویڈیو کے ذریعے معاون TransOral Endoscopic Hemithyroidectomy (کم سے کم مداخلتی سرجری) کی کامیاب تکمیل میو ہسپتال، شعبہ سرجری، نارتھ سرجیکل وارڈ، کنگ ایڈورڈ میڈیکل یونیورسٹی (KEMU) میں کی گئی۔

یہ انقلابی کامیابی ہمارے معزز وائس چانسلر، پروفیسر محمود ایاز، کی حمایت کے بغیر ممکن نہ تھی، جنہوں نے KEMU میں کم سے کم مداخلتی سرجری (MIS) کی ترقی کے فروغ میں کلیدی کردار ادا کیا۔

ڈاکٹر محمد عمران (کیمکولین)، گجرات کے پروفیسر آف سرجری، اور پروفیسر امیر افضل، نارتھ سرجیکل وارڈ کے پروفیسر آف سرجری، کا شکریہ جن کی ناقابل فراموش خدمات نے اس سنگ میل کی کامیابی کو ممکن بنایا۔ خصوصی شکریہ پوری ٹیم، جن میں ڈاکٹر علی اکبر، ایسوسی ایٹ پروفیسر، ڈاکٹر عمران یاسین، ڈاکٹر نعمان حسن، ڈاکٹر نعمان خان، اور ڈاکٹر احسان شوکت شامل ہیں، کے لیے جنہوں نے بے حد محنت اور لگن سے کام کیا۔