ڈائریکٹر پبلک ریلیشنز(ریٹائرڈ)ممتاز ترین کی بھابھی اج صبح رضائے الہی سے انتقال کر گئیں ان جنازہ بعد نماز ظہر شالدرہ اللہ ڈنہ روڈ سے اٹھایا جائے گا اور انہیں کاسی قبرستان میں سپرد خاک کیا جائے گا
=================
خبرنامہ نمبر 2024/7222
کوئٹہ13دسمبر:ـوزیراعلی بلوچستان میر سرفراز بگٹی نے کلی دیبہ کوئٹہ میں گیس لیکج واقعے کا نوٹس لے لیا۔ وزیراعلی بلوچستان کی ہدایت پر ڈائریکٹر پولٹیکل افئیرز فیصل طارق نے متاثرہ مکان کا دورہ کیا۔ وزیراعلی بلوچستان کی ہدایت پر متاثرہ خاندان کو امدادی سامان اور راشن حوالے کردیا گیا۔ متاثرہ خاندان کو نقد امدادی رقم بھی حوالے کردی گئی۔ ڈائریکٹرپولیٹکل افیئرز فیصل طارق نے کہا کہ واقعے میں زخمی ہونے والے افراد کو بہترین طبی امداد فراہم کی جارہی ہے۔وزیراعلی کے احکامات کے مطابق متاثرہ خاندان کی ہر ممکن امداد کی جائے گی۔متاثرہ خاندان نے وزیراعلی بلوچستان سے امداد کی اپیل کی تھی۔
==================
خبرنامہ نمبر 2024/7721
جھل مگسی 13 دسمبر:_وزیراعلیٰ بلوچستان میر سرفراز بگٹی نے کہا ہے کہ جھل مگسی کی طرح بلوچستان کے تمام اضلاع کو امن کا گہوارہ بنائیں گے نوجوانوں کو تعلیم یافتہ بناکر دہشت گردی کا خاتمہ کریں گے ان خیالات کا اظہار انھوں نے جھل مگسی ڈیزرٹ جیپ ریس ریلی کے موقع پر مقامی صحافیوں سے بات چیت کرتے ہوئے کیا اس موقع پر صوبائی وزراء نوابزادہ طارق خان مگسی, میر محمد صادق عمرانی, میر عاصم کرد گیلو، رکن قومی اسمبلی نوابزادہ خالد خان مگسی, نوابزادہ جمال خان رئیسانی, نوابزادہ عامر خان مگسی, نوابزادہ سیف اللہ خان مگسی و دیگر معززین, معتبرین بھی موجود تھے۔وزیراعلیٰ بلوچستان نے کہا کہ جھل مگسی ڈیزرٹ جیپ ریس ریلی سے عوام میں امن اور بھائی چارے کو فروغ ملتا ہے اور یہ ایک بہترین سیاحتی و تفریح کا موقع ہوتا ہے جھل مگسی میں اتنا بڑا ایونٹ دیکھ کر بہت خوشی ہورہی ہے جھل مگسی کے عوام ہمیشہ پر امن اور محب وطن رہے ہیں جھل مگسی کا یہ ایونٹ نہ صرف ملک گیر ہے بلکہ عالمی سطح کا ایونٹ ہے وزیر اعلٰی میر سرفراز بگٹی نے ضلع جھل مگسی میں قبائلی عمائدین کے جرگہ سے بھی خطاب کیا جرگے سے خطاب میں انہوں نے کہا کہ بلوچ مہمان نواز اور پرامن لوگ ہیں ان کی اپنی منفرد روایات ہیں بلوچ روایتوں کے امین ہیں جن کو فراموش نہیں کیا جا سکتا میر سرفراز بگٹی نے کہا کہ ہم محرومیوں کو دور کریں گے ہم نوجوان نسل کو اعلٰی تعلیم یافتہ بنانے چاہتے ہیں اور انھیں آکسفورڈ سمیت اعلٰی تعلیمی اداروں میں تعلیم کے مواقع فراہم کررہے ہیں انہوں نے جرگے میں اعلان کیا کہ جھل مگسی کے ضلعی صدر مقام قدیمی و مرکزی تجارتی شہر گنداواہ کو جلد قومی گریڈ سے منسلک کرکے 132 کے وی گریڈ اسٹیشن فراہم کرکے جدید دور کے مطابق بجلی کی سہولت فراہم کریں گے انہوں نے کہا کہ محکمہ ایریگیشن میں توسیع کریں گے اور کچھی کینال کو مکمل کرکے اس سے چھوٹے زمینداروں اور کسانوں کو فوائد دیں گے اور عوام کے مسائل ان کی دہلیز پر حل کریں گے انھوں نے ایم سی جھل مگسی کیلئے 10 کروڑ کی گرانٹ دینے کا اعلان کیا وزیر اعلٰی نے کہا کہ چند مٹھی بھر دہشتگرد بلوچستان کے امن کو خراب کرنا چاہتے ہیں اور بندوق کے زور پر بلوچستان کی سڑکیں بند کرکے اپنا نظریہ مسلط کرنا چاہتے ہیں لیکن کسی کو تشدد کی اجازت نہیں دیں گے انشاءاللہ ہم بلوچستان کو امن کا گہوارہ بنائیں گے.
