چیئرمین پاکستان پیپلز پارٹی بلاول بھٹو زرداری سے ترجمان سندھ حکومت و میئر سکھر بیریسٹر ارسلان اسلام شیخ کی بلاول ہاؤس کراچی میں ملاقات ، کارکردگی رپورٹ پیش
سکھر کے شہریوں کو پینے کے صاف پانی کی فراہمی کے منصوبے کو جلد از جلد مکمل کیا جائے، چیئرمین بلاول بھٹو زرداری کی بیرسٹر ارسلان اسلام شیخ کو ہدایت
پبلک پرائیویٹ پارٹنرشپ کے تحت سکھر کے نوجوانوں کی اسکل ڈولپمنٹ کے لیے پروگرام بالخصوص آئی ٹی کورسز کا آغاز کیا جائے ، چیئرمین بلاول بھٹو زرداری
سکھر شہر میں پبلک ٹرانسپورٹ سیکٹر کو مزید بہتر کیا جائے ، چیئرمین بلاول بھٹو زرداری
غیر ضروری تنقید اور سیاسی سرگرمیوں کے بجائے سندھ حکومت کے عوامی خدمات کے منصوبوں کو عوام کے سامنے لایا جائے ، چیئرمین بلاول بھٹو زرداری
عوام ترقی اور سہولیات چاہتی ہے غیر ضروری سیاسی سرگرمیوں میں ان کی کوئی دلچسپی نہیں، چیئرمین بلاول بھٹو زرداری
کراچی (13 دسمبر): چیئرمین پاکستان پیپلز پارٹی بلاول بھٹو زرداری سے ترجمان سندھ حکومت و میئر سکھر بیریسٹر ارسلان اسلام شیخ نے بلاول ہاؤس کراچی میں ملاقات کی اور انہیں اپنی کارکردگی رپورٹ سے تفصیلی طور پر آگاہ کرتے ہوئے بتایا کہ عالمی معیار کے مطابق سکھر شہر کا ماسٹر پلان تیار کر رہے ہیں، شہر کے نکاسی آب کا دیرینہ مسئلہ حل کردیا ہے اور شہر کی تمام پمپنگ اسٹیشن کو اپ گریڈ کر دیا ہے ، اب شہریوں کو پینے کے صاف پانی کے 24 ارب روپے کے منصوبے پر جلد کام کا آغاز کر رہے ہیں ، سکھر شہر کی عوام کو تفریح کی سہولیات فراہم کرنے کے لیے لب مہران ، واکنگ ٹریک اور دیگر پارکس کی بیوٹیفکیش اور اضافے سہولیات پر منصوبہ بندی کر لی ہے ۔ اس موقع پر چیئرمین پاکستان پیپلز پارٹی بلاول بھٹو زرداری نے ہدایت دیتے ہوئے کہا کہ سکھر کے شہریوں کو پینے کے صاف پانی کی فراہمی کے منصوبے کو جلد از جلد مکمل کیا جائے اور پبلک پرائیویٹ پارٹنرشپ کے تحت سکھر کے نوجوانوں کی اسکل ڈولپمنٹ کے لیے پروگرام بالخصوص آئی ٹی کورسز کا آغاز کیا جائے ، چیئرمین بلاول بھٹو زرداری
نے کہا کہ سکھر میں پیپلز بس سروس کام کر رہی ہے ، پبلک ٹرانسپورٹ سیکٹر کو مزید بہتر کیا جائے ، انہوں نے کہا کہ
سندھ حکومت لاکھوں لوگوں کو سولر پینل فراہم کر رہی ہے اس بات کو یقینی بنایا جائے کہ یہ سہولت کم آمدنی والے خاندانوں اور میرٹ کی بنیاد پر دی جائے ، چیئرمین بلاول بھٹو زرداری نے ہدایت دی کہ غیر ضروری تنقید اور سیاسی سرگرمیوں کے بجائے سندھ حکومت کے عوامی خدمات کے منصوبوں کو دیگر صوبوں کے عوام کے سامنے لایا جائے ، انہوں نے کہا سندھ حکومت سیلاب متاثرین کیلئے دنیا میں سب سے بڑے رہائشی منصوبے پر کام کر رہی ہے ، جس میں 21 لاکھ سے زائد گھر زیر تعمیر ہیں ، بینظیر ہاری کارڈ جیسے انقلابی منصوبے کا آغاز کیا ہے ، جس سے کسانوں کی زندگیوں میں بہتری آئے گی ،اسی طرح صحت ، انفراسٹرکچر کے شعبوں میں پاکستان پیپلز پارٹی نے سندھ میں بے انتہا کام کیا ہے ، چیئرمین بلاول بھٹو زرداری نے کہا کہ عوام ترقی اور سہولیات چاہتی ہے غیر ضروری سیاسی سرگرمیوں میں ان کی کوئی دلچسپی نہیں،
***
