میری پہچان پاکستان کے ریکارڈز۔ پی ٹی آئی کے کورنگی کے صدر نعمان راجپوت، ضیاء کالونی کورنگی کے رہنما ٖ فاروق جبار یونٹ 75اور سینکڑوں ساتھیوں کے ہمراہ میری پہچان پاکستان میں شامل ہوگئے۔ مرکزی کمیٹی کے اراکین ، ٹاؤن کمیٹی کے ذمہ داران کے ہمراہ ملاقات کورنگی کے ساتھ ساتھ مختلف علاقوں میں بھی شمولیتوں کا سلسلہ جاری۔ پاکستان مرکزی کمیٹی کے رہنما ارشد صدیقی کا شامل ہونے والوں سے خطاب میں ملک کو مضبوط بنانے اور ڈاکٹر عشرت العباد خان کے پیغام سے آگاہ کیا۔
کراچی (اسٹاف رپورٹر) MPPنے پاکستان بھر میں وطن پرستی اور ملک کی تمام اکائیوں کو جوڑنے کے اپنے مشن نوجوانوں کو احساس محرومی سے نکالنے اور ان میں 1947کے بانیان پاکستان کی طرح محنت کرکے ترقی اور ملک سنوارنے کے جزبے کی طرح کام کرنے کی ضرورت ہے۔ یہ روح ڈاکٹر عشرت العباد خان نشان امتیاز اسکو مشن بنا کر ملک میں افواج پاکستان اور عوام کے درمیان خلیج اور سوشل میڈیا مہم کو ناکام بنا رہے ہیں۔ کیونکہ ہمارا ایک ہی نعرہ ہے کہ پاکستان بچانا ہے۔ پاکستان بنانا ہے۔ میری جان پاکستان۔ میری پہچان پاکستان۔ میری شان افواج پاکستان یہی پاکستان کے ہر رہنے والے کی آواز ہے۔ ڈاکٹر عشرت العباد خان نے قوم میں نئی روح پھونکی۔ اس قافلے کی خصوصیت یہ ہے کہ ملک میں بیٹھ کر اپنی صلاحیتوں کے جوہر دکھانے ہیں۔ یہ سوچ نوجوانوں میں پیدا کی جا رہی ہے۔ یہ گفتگو پی ٹی آئی کے کورنگی کے صدر نعمان راجپوت، ضیاء کالونی کورنگی کے رہنما ٖ فاروق جبار یونٹ 75اور سینکڑوں ساتھیوں کے ہمراہ میری پہچان پاکستان میں شامل ہونے کے موقع پر ارشد صدیقی و دیگر رہنماؤں نے خصوصی خطاب میں کہی۔ مرکزی کمیٹی کے اراکین ، ٹاؤن کمیٹی کے ذمہ داران کے ہمراہ ملاقات اور کورنگی کے ساتھ ساتھ مختلف علاقوں میں بھی ورکرز کی شمولیتوں کا سلسلہ تیزی سے جاری ہے۔ پاکستان مرکزی کمیٹی کے رہنما ارشد صدیقی نے شامل ہونے والوں سے خطاب میں ملک کو مضبوط بنانے اور ڈاکٹر عشرت العباد خان کے پیغام سے آگاہ کیا۔ انکا کہنا تھا کہ پورا پاکستان ہمارا ہے اس کو اون کریں اور مایوسی کو نکال پھینکیں۔ ہم اگر ایٹم بم بنا سکتے ہیں تو آئی ٹی سیکٹر ہو یا صنعتوں کا پہیہ پاکستان کئی ممالک سے آگے ہے وسائل کی کمی نے ہمیں لاچار ضرور کیا ہے۔ لیکن مایوس نہیں۔ ڈاکٹر عشرت االعباد خان نے نفرت کی سیاست کو دفن کرنے اور ملک کو ترقی اور محبت کے سفر کی طرف راغب کرنا ہے۔ وہ پاکستان کو ایسا ملک بنانا چاہتے ہیں کہ ہماری مصنوعات جو پہلے بھی منفرد تھی اب ہر ملک کی،مجبوری بن جائیں۔ یہ سب ملک میں امن کرکے دھرنوں اور انتشار کو ختم کرکے امن کا گہوارہ بنانے سے ممکن ہے۔ فوج کوقدم بہ قدم ساتھ دے کر دہشت گردی کا مکمل خاتمہ کرنے والی سیکورٹی فورسز پر فخر اور شہدا کو سلام پیش کریں۔ یہ ہمارے محافظ ہی نہیں ملک کی طاقت ہیں۔ جنکا خوف ہمارے ملک کے دشمنوں پر ہے۔ ڈاکٹر عشرت العباد خان نے صاف کہا ہے کہ سیاست نہیں ریاست اہم ہے ریاست کا رتبہ بڑھے گا تو سیاست بھی پنپے گی جمہوریت کا سورج بھی اصل شکل میں بحال ہوگا۔ عوام موجودہ حالات سے پریشان ہیں۔ کنٹینرز عوام کے پیسے سے لگتے ہیں اور مہنگائی کی صورت میں اسکی قیمت ادا کرنی پڑتی ہے ہمیں ملک کو اس کلچر سے ّآزاد کرکے مثالی ریاست بنانا ہے۔ ہماری پہچان پاکستان ہے بس یہی سوچ اپنائیں ہم ملک بھر میں کسی کو جبر کا راستہ اختیار کئے بغیر اپنے فکر و فلسفہ سے عوام کواپنے سبز ہلالی پرچم کی اہمیت اور ملک میں مثبت کردار کے لئے تیار کر رہے ہیں۔ ڈاکٹر عشرت العباد نے نشان امتیاز ملک سے محبت کی بنیاد اور قومی خدمات پر حاصل کیا۔ ڈاکٹر عشرت العباد خان کی آمد ملک میں شعور اور بیداری کی نئی لہر پیدا کرے گی
