کراچی ( رپورٹ جوہر مجید شاہ) کراچی واٹر کارپوریشن ٹینکر پانی چور مافیا کے خلاف بڑی کارروائی ‘ محکمہ اینٹی تھیفٹ سیل ‘ ہائیڈرنٹس سیل 35 سچل رینجرز تینوں کے باہمی اشتراک سے حب کینال و اطراف کے گڑھوں سے رنگے ہاتھوں پانی چوری کرتے ہوئے لگ بھگ 35 ٹینکر و ٹریکٹر ٹرالی سرکاری تحویل میں لے لئے گئے مزکورہ ٹینکر مافیا واٹر کارپوریشن و شہریوں کے جائز حق پر ڈاکہ زنی میں ملوث ہیں آئندہ سخت کاروائی کی وارننگ جاری ایم ڈی و چیف آپریٹنگ آفیسر نے ‘ چھاپہ مار ٹیم ‘ کی کاوشوں کو سراہا کاروائیاں جاری رکھنے کے احکامات جاری اس حوالے سے اہم ذرائع کا کہنا ہے کہ گزشتہ ماہ سے مزکورہ پانی چور مافیا کے خلاف تابڑ توڑ کاروائیاں جاری ہیں گزشتہ ماہ تحویل لئے گئے کئی ٹینکرز لگ بھگ 15 یوم سرکاری تحویل میں رہیں اور ان سے وصول شدہ جرمانہ 73 لاکھ سرکاری تحویل میں جمع کرنے کیساتھ ضبط شدہ گاڑیوں پر ‘ ٹریکرز ‘ نصب کئے گئے جن کی کڑی نگرانی کا عمل شروع کردیا گیا ہے اس حوالے سے انتہائی باوثوق ذرائع نے انکشاف کرتے ہوئے بتایا کہ ‘ ایم ڈی و چیف آپریٹنگ آفیسر ‘ کی جاری کردہ ہدایات کے حوالے سے اس مافیا کے خلاف سخت ترین نئی قانون سازی کا عمل بھی جاری ہے جس کے تحت مزکورہ پانی چور مافیا کے خلاف جرمانے کی رقم 10 لاکھ تک کرنے کی تجویز زیر غور ہے جبکہ ابھی 50 ہزار تا 2 لاکھ تک جرمانے کا اختیار ہے جبکہ مزکورہ ٹینکرز کو تحویل میں رکھنے کیساتھ نیلامی سے متعلق بھی قانونی ماہرین سے مشاورت جاری ہے جس کے مطابق اس میں مزید نئی ترامیم و نئے قوانین بنانے کیساتھ اس مافیا پر لاگو کئے جائنگے پانی مافیا کے خلاف کی جانے والی کاروائیوں کے بعد ٹینکر مافیا کے درجنوں افراد نے واٹر بورڈ کے دفتر میں ڈیرے ڈال دئے تھے مگر انکی ایک نا سنی گئی حاصل شدہ اختیار کے تحت تمام امور نمٹانے گئے جبکہ کاروائیاں جاری رکھنے کا عندیہ بھی دیا گیا
