کراچی( )یونیورسٹی روڈ پر پانی کی 84 انچ ڈایا مین لائن کا مرمتی کام آخری مراحل میں ہے جو اگلے 14 گھنٹوں میں مکمل کرلیا جائے گا مرمتی کام مکمل ہونے کے فوراً بعد دھابیجی پمپنگ اسٹیشن سے پانی کی فراہمی شروع کرکے لائنوں کو چارج کیا جائے گا اور بروز پیر سے شہر میں پانی کی فراہمی شروع ہو جائے گی ترجمان واٹر کارپوریشن کے مطابق مرمتی کام بغیر کسی وقفے 24 گھنٹے جاری رہا چیف انجینئر ڈبلیو ٹی ایم ظفر پلیجو مرمتی کام کی خود نگرانی کر رہے تھے جبکہ سپرینٹنڈنٹگ انجینئر تنویر شیخ عبد العزیز اور محمد صدیق تنیو سمیت 300 مزدوروں نے تین شفٹون میں حصہ لیا اور مرمتی کام کے دوران ہیوی مشینری بھی سائٹ پر موجود تھی ترجمان نے بتایا کہ مرمتی کام مکمل تاخیر کی اصل وجہ لائن کی ڈی سیلٹنگ تھی کیونکہ سڑک کی تعمیراتی کام کے دوران بڑے پلر بنانے اور زمین میں سوراخ کرنے کے لئے ڈرل مشین چلائی گئی تھی اور ڈرل مشین کی وجہ سے پانی کی لائن کو
دو مختلف جگہوں سے 16 فٹ کے سوراخ ہوگئے جبکہ عملے نے پانی کے پریشر کو روکنے کے لیے لائن کے دونوں سوراخوں میں ملبہ پتھر اور کنکریٹ بھر دیا تھا 16 فٹ کے 6 پائپس میں ٹوٹل 96 فٹ تک کنکریٹ جمع ہوگئی تھی جو کھود کھود کر نکالی گئی ہے ترجمان نے بتایا کہ کنکریٹ جمع ہونے کے باعث واٹر کارپوریشن کو کافی مشکلات کا سامنا کرنا پڑا جبکہ ملازمین نے بڑی مشکل سے کنکریٹ کو نکلا ہے کیونکہ لائن کے اندر ہیوی مشینری نہیں جا سکتی تھی ترجمان نے مزید بتایا کہ کنکریٹ کو گذشتہ 3 دن سے نکالا جا رہا تھا جس کی وجہ سے مرمتی کام میں تاخیر ہوئی جبکہ کنکریٹ کو نکال کر لائن کو اب مکمل صاف کرلیا گیا ہے جس کے بعد پانی کی فراہمی میں کافی بہتری آئے گی۔
