لاہور (جنرل رپورٹر)پنجاب کریکولم اینڈ ٹیکسٹ بک بورڈ نے تعلیمی سال 2025,26 کے لیے نویں جماعت کے لیے نئے نصاب کے مطابق تیار درسی کتب کی منظوری دے دی ہے ۔بورڈ آف گورنرز نے سنو مین پبلشرز کی فزکس احسن پبلشرز کی کیمسٹری کو بیسٹ مینو سکرپٹ قرار دیتے ہوئے بورڈ کی تیار کردہ دیگر مضامین کی کتب اور نجی پبلشر کی اردو کی کتاب کی منظوری دے دی ہے ۔نئے تعلیمی سال سے نویں جماعت میں یہی درسی کتب پڑھائی جائیں گی ۔پی سی ٹی بی نے نئے نصاب 2023ء کی منظوری کے بعد نویں جماعت کی نئی کتب کی تیاری کے یکم جون 2024ء کو پانچ مضامین اردو ،فزکس۔کیمسٹری ، بائیولوجی اور میتھ کی کتب کا اشتہار دیا تھا
۔نجی پبلشروں سے 22 جولائی 2024ء تک مسودے مانگے تھے
بورڈ کو نجی پبلشروں کی جانب سے موصول ہونے والے مسودوں میں سے سخت مقابلے بازی کے بعد سنو مین پبلشرز کی فزکس ،احسن پبلشرز کی کیمسٹری کی کتب بہترین کتب قرار پائیں بعد ازاں اردو کی بھی نجی پبلشر کی تیار کردہ کتاب کی منظوری دے دی گئی ۔نئے تعلیمی سال میں نویں جماعت میں سنو مین پبلشرز کی فزکس اور احسن پبلشرز کی کیمسٹری سمیت باقی مضامین کی پی سی ٹی بی کے ماہرین مضامین کی تیار کردہ کتب پڑھائی جائیں گی نئے نصاب کے مطابق بنائی جانے والی کتب معیار میں او لیول کی درسی کتب جیسی ہیں ۔
