ڈاکٹر تنویرقاسم یونیورسٹی آف انجینئرنگ اینڈ ٹیکنالوجی لاہور کے ایک بار پھر پبلک ریلیشنز آفیسر تعینات۔ وائس چانسلر نے منظوری دے دی، نوٹیفکیشن جاری۔تفصیلات کے مطابق یوای ٹی کے اسسٹنٹ پروفیسر ڈاکٹر تنویرقاسم کو انکے وسیع صحافتی تجربے کی بنیاد پر ایک بار پھر یوای ٹی میں پبلک ریلیشنز آفیسر تعینات کردیا گیا ہے۔ اس سے قبل وہ اسی عہدے پرمختلف اوقات میں 7سال تک اپنی خدمات سرانجام دے چکے ہیں۔وائس چانسلر پروفیسر ڈاکٹرشاہد منیر نے ان کی تعیناتی انکے وسیع تجربے کی بنیاد پر کی ہے۔وہ اپنی تدریسی وتحقیقی سرگرمیوں کیساتھ مذکورہ عہدے پربھی کام کریں گے۔رجسٹرار آفس نے انکی تعیناتی کا نوٹی فکیشن جاری کردیا ہے۔ ڈاکٹر تنویرقاسم بطور کالم نگار، تجزیہ نگار کیساتھ عملی صحافت کا وسیع تجربہ رکھتے ہیں۔وائس چانسلر پروفیسر ڈاکٹر شاہدمنیرنے امید ظاہر کی ہے کہ ڈاکٹر تنویرقاسم اپنی پیشہ وارانہ صلاحیتوں کی بنیاد پر ادارے کی بہترین ترجمانی کا فریضہ انجام دیں گے۔یاد رہے کہ ڈاکٹر تنویر قاسم نے پنجاب ہائیر ایجوکیشن کمیشن سے بطور ڈائریکٹر کوآرڈینیشن کا منصب چھوڑ کر باضابطہ طور پر یو ای ٹی کو جوائن کر لیا ہے۔
