سی ای او واٹر کارپوریشن انجینئر سید صلاح الدین احمد سے اراکین رابطہ کمیٹی ایم کیو ایم پاکستان کا وفد ملاقات کر رہا ہے۔
بورڈ آف ڈائریکٹرز کی منظوری اور انتظامیہ کی جانب سے اٹھائے گئے تمام اصلاحات اور اقدامات شہریوں کے وسیع تر مفاد اور ادارے سمیت ملازمین کی فلاح و بہبود کے حوالے سے کیے جارہے ہیں جبکہ واٹر کارپوریشن مختلف چیلنجوں کے ذریعے آمدنی پیدا کرتا ہے اور واٹر کارپوریشن کو نان ریونیو جیسے مسائل کی وجہ سے اپنی ریونیو جنریشن کو مزید بہتر بنانے میں کافی چیلنجوں کا سامنا کرنا پڑتا ہے اس لیے آر آر جی ڈپارٹمنٹ کو پرفامنس بیس کنٹریکٹ کارکردگی پر مبنی اور موجودہ ماہانہ آمدنی کو مزید بہتر بنانے کے لیے افرادی قوت فراہم کی جائے گی پرفامنس بیس کنٹریکٹ کو چار مختلف کلسٹر میں رکھا گیا ہے اور ڈپٹی مینیجنگ ڈائریکٹر آر آر جی کے ماتحت تمام افسران و ملازمین اور پرفامنس بیس کنٹریکٹ مل کر کام کریں گے جبکہ آر آر جی ڈپارٹمنٹ سے کسی بھی افسران و ملازمین فارغ نہیں کیا جائے گا اور نہ ہی ادارے کو پرائیویٹ کیا جائے گا ان خیالات کا اظہار انہوں نے اراکین رابطہ کمیٹی و مزدور رہنما متحدہ قومی موومنٹ پاکستان عبدالحسیب راشد سبزواری انچارج لیبر ڈویژن پاکستان ارشد انصاری اور چیئرمین سی بی اے ارشاد خان سے ایم ڈی سیکریٹریٹ کارساز میں ملاقات کے دوران کیا اس موقع پر اراکین رابطہ کمیٹی نے واٹر کارپوریشن کی بہتری کے لیے اپنی سفارشات پیش کیں اور میڈیکل سمیت آر آر جی ڈپارٹمنٹ کو آئوٹ سورس کرنے کے حوالے سے اپنے 
خدشات سے بھی آگاہ کیا سی ای او واٹر کارپوریشن نے رہنماؤں کو یقین دھانی کرواتے ہوئے کہا کہ واٹر کارپوریشن کو کسی بھی صورت پرائیویٹ نہیں کیا جائے گا اور نہ نہیں کسی ملام کو فارغ کیا جائے گا جبکہ میڈیکل ڈپارٹمنٹ میں انشورنس کے تحت بہتری لانے کے لیے اقدامات کیے جارہے ہیں تاکہ ملازمین کو علاج و معالجے کی بہتر سہولیات فراہم کی جا سکے انہوں نے رہنماؤں کو بتایا کہ نئے ایکٹ کے تحت اور بورڈ آف ڈائریکٹرز کی منظوری سے ادارے کی بہتری کے لیے بھرپور اقدامات کیے جارہے ہیں اصلاحات کا بنیادی مقصد واٹر کارپوریشن کی ماہانہ آمدنی سمیت واجبات کی وصولی میں خاطر خواہ اضافہ کرنا ہے جو ملازمین کی فلاح و بہبود سمیت شہریوں کو فراہمی و نکاسی بہتر سہولیات فراہم کرنے پر خرچ کیے جائیں گے کیونکہ ہمیں ادارے کو ایک مثالی ادارہ بنانا ہے انکا کہنا تھا واٹر کارپوریشن کے مختلف اداروں پر پانی کے بلوں کی مد میں 52 ارب روپے سے زائد کے واجبات ہیں جو 2016 سے واٹر کارپوریشن کو ادا نہیں کیے جارہے ہیں جو ہمیں جلد از جلد وصول کرنے ہیں کیونکہ وہ پیسے مزدروں کے ہیں جو ہمیں ملازمین کو واجبات کے مد میں ادا کرنے ہیں اس لیے آر آر جی ڈپارٹمنٹ میں اصلاحات کی جارہی ہے انہوں نے رہنماؤں کو مزید بتایا کہ ادارے کی ماہانہ آمدنی میں سے دو فیصد آر آر جی ڈپارٹمنٹ کے افسران و ملازمین کو بونس کے طور پر دیے جائیں گے ملاقات کے دوران رہنماؤں نے سی ای او واٹر کارپوریشن کی جانب سے ادارے کی بہتری کے لیے کی گئی کوششوں کو سراہا اور انہیں خراج تحسین پیش کرتے ہوئے کہا کہ شہر میں فراہمی و نکاسی آب کی بہتری سمیت ادارے اور ملازمین کی فلاح و بہبود کے حوالے سے کیے جانے والے اقدامات پر اراکین رابطہ کمیٹی اور سی بی اے انتظامیہ کے ساتھ بھرپور تعاون کرے گی
=========================
کراچی( )ترجمان واٹر کارپوریشن نے اپنے جاری ایک بیان میں بتایا کہ یونیورسٹی روڈ پر پانی کی 84 انچ ڈایا مین لائن میں دو بڑے برسٹ ہیں لائن میں پہلے ایک برسٹ ظاہر تھا جس کا مرمتی کام منگل سے شروع کیا گیا تھا مگر لائن کا مکمل معائنہ کرنے پر آج صبح دوسرا بڑا برسٹ بھی ظاہر ہوا ہے جس کے بعد آج دونوں برسٹوں کی مرمت کا کام تیزی سے جاری ہے اس حوالے سے سائٹ پر ہیوی مشینری اور واٹر کارپوریشن کا عملہ موجود ہے جبکہ لائن دو جگہ سے متاثر ہونے اور لائن کا مستقل مرمتی کام کرنے کے باعث مقررہ وقت میں کچھ تاخیر ہو سکتی ہے ترجمان نے بتایا مرمتی کام ہفتے کے شام تک مکمل کرلیا جائے گا جبکہ واٹر کارپوریشن حکام کی پوری کوشش ہے کہ مرمتی کام جلد مکمل کیا جائے ترجمان کا مزید کہنا تھا سی ای او واٹر کارپوریشن انجینئر سید صلاح الدین احمد کی ہدایت پر مرمتی کام دن رات بغیر کسی وقفے 24 گھنٹے ہنگامی بنیادوں پر کیا جارہا ہے۔
