اسلام آباد, 05 دسمبر
پاکستان پیپلزپارٹی کے چیئرمین بلاول بھٹو زرداری سے جمعرات کو یہاں بلوچستان کے وزیراعلیٰ میر سرفراز بگٹی نے زرداری ہاؤس میں ملاقات کی اور صوبے میں امن و امان سمیت مجموعی صورتحال پر تبادلہ خیال کیا، وزیر اعلٰی میر سرفراز بگٹی نے بلوچستان میں صحت اور تعلیم کے شعبوں سمیت پبلک سیکٹر ڈویلپمنٹ پروگرام کے تحت عوامی فلاح و بہبود کیلئے صوبائی حکومت کی ترجیحات سے آگاہ کرتے ہوئے بتایا کہ بلوچستان کی تاریخ میں پہلی بار بینظیر بھٹو اسکالرشپ پروگرام کا آغاز کیا گیا ہے جبکہ امراض قلب کا پہلا جدید اسپتال بھی قائم کیا جاررہا ہے جس کا افتتاح آپ چئیرمین سے کروائیں گے کیونکہ آپ کے وژن کے مطابق بلوچستان کے عوام کو صحت کی معیاری سہولیات ان کی دہلیز پر فراہم ہورہی ہیں، بلدیاتی اداروں کو مالی معاونت فراہم کررہے ہیں تاکہ مقامی سطح پر عوام کو درپیش مسائل کا مدوا ہوسکے ، چئیرمین کی رہنمائی میں بلوچستان کے عوام کی خدمت اور صوبے کی ترقی کے لئے پرعزم ہیں اس موقع چئیرمین پیپلزپارٹی بلاول بھٹو زرداری نے بلوچستان میں عوام کی فلاح و بہبود اور محکمہ جاتی اصلاحات کے لیے جاری اقدامات کو سراہتے ہوئے یقین دلایا کہ بلوچستان ہمارے دل کے قریب ہے صوبے کی ترقی کے لئے پاکستان پیپلزپارٹی نے پہلے بھی عوام کی بے لوث خدمت کی ہے اور آئندہ بھی کریں گے چئیرمین بلاول بھٹو زرداری نے کہا کہ بلوچستان حکومت کے وفاق سے متعلق امور کو متعلقہ فورم پر اٹھائیں گے اور بلوچستان کو ترقی کے مواقع اور وسائل کی فراہمی کے لئے بھرپور جدوجہد کا تسلسل جاری رکھیں گے
خبرنا مہ نمبر7401/2024
لورالائی۔خبر نامہ 5 دسمبر 2024:.کمشنر لورالائی ڈویژن سعادت حسن نےگورنمنٹ ہائیرسیکنڈری سکول سیشن کورٹ میں قائم وومن لائبریری کا وزٹ کیا۔گورنمنٹ ہائیر سیکنڈری سکول سیشن کورٹ لورالائی پہنچنےپر سکول کی پرنسپل گل جمعہ کاکڑ ودیگر اسٹاف نے ان کا شاندار استقبال کیا اس موقع پر ان کے ہمراہ ڈپٹی کمشنر لورالائی میران بلوچ بھی تھے۔اس موقع پر کمشنر لورالائی ڈویڑن نے وومن لائبریری کے مختلف حصوں کا معائنہ کیا۔اور کہا کہ لورالائی کے علم و ادب دوست ڈپٹی کمشنر میران بلوچ کی ذاتی کاوشوں اور پرنسپل میڈیم گل جمعہ کاکڑ کے تعاون سے وومن پبلک لائبریری کاقیام ایک احسن اقدام ہے انہوں نے کہا کہ خواتین بھی ہمارے معاشرے کا حصہ ہیں۔وومن لائبریری بنانے کا مقصد بھی یہی ہے کہ خواتین بھی علم ادب کے میدان میں مردوں کے شانہ بشانہ مل کر ملک کی ترقی وخوشحالی اور صحت مند معاشرے کی تشکیل ممکن بناکر ترقی یافتہ ممالک کی صف میں شامل ہو سکیں۔موجودہ چیلنجوں کا مقابلا کرنے کی صلاحیت حاصل کرکے ہی ملک وقوم کی توقعات پر پورا اترا جا سکتا ہے۔اور نئی نسل کا مستقبل روشن ہو سکتاہے اس مقصد کو مد نظر رکھتے ہوئے ضلع لورالائی میں پہلی وومن لائبریری کا قیام عمل میں لایا گیاہے کمشنر لورالائی ڈویڑن نے ڈپٹی کمشنر لورالائی کو ہدایت دی کہ اس وومن لائبریری کو مذید فعال بنایا جا? اس میں جتنے بھی کمی بیشی ہے اسے پورا کیا جا? کتابوں کے ساتھ ساتھ وومن لائبریری میں سولر سسٹم اے سی اور انٹرانیٹ کا بھی جلد از جلد انتظام کیا جائے تاکہ یہاں مطالعہ کے لئے انے والی طالبات اور خواتین کو دشواری کا سامنا نہ کر نا پڑے۔وومن لائبریریوں کا قیام علم کی پیاس بجھانے اور ملک وقوم کی ترقی میں انتہائی اہمیت کا حامل ہوتاہے۔جب تک ہماری لائبریراں اباد تھیں تو مسلمان دنیا میں حکمرانی کررہے تھے۔بعدازاں پرنسپل گل جمعہ کاکڑ نے کمشنر لورالائی ڈویڑن سعادت حسن کو ادارہ ہذا کے بارے تفصیلی بریفنگ دی۔
﴾﴿﴾﴿﴾﴿
خبرنا مہ نمبر7402/2024
حب 5دسمبر ر2024:محکمہ تحفظ ماحولیات نے انوا?ئرمنٹل پروٹیکشن ٹریبوینل کے احکامات کی روشنی میں ماحولیاتی قوانین پر عمل نہ کرنے پر ضلع حب کی 4 صنعتی فیکرٹریوں کو سیل کردیا ہے ۔ محکمہ تحفظ ماحولیات ضلع حب کے ڈپٹی ڈائریکٹر عمران سعید کاکڑکے دفتر سے جاری کردہ ہینڈآﺅٹ میں کہا گیا ہے کہ بلوچستان ماحولیاتی تحفظ ایکٹ، 2012 کے سیکشن 25 کے تحت کشمیر پری انجینئرنگ۔ایکسیلنٹ پیپر۔سوپرسپریم اورپاک عرب ٹریڈنگ فیکٹریزکو متعلقہ فرمز کی جانب سے حاصل کردہ ماحولیاتی منظوری میں بیان کردہ شرائط و ضوابط کی خلاف ورزی کے مرتکب ہونے پر انوائرمینٹل پروٹیکشن ٹریبوینل کے احکامات پر سیل کئے گئے ہیں ڈپٹی ڈائریکٹر ای پی اے عمران سعید کاکڑ کا کہنا ہیکہ کہ ہماری کوشش ہے کہ محکمہ ماحولیات کی جانب سے تحفظ ماحولیات کے حوالے سے جو اہداف اورقوانین مقرر کئے گئے ہیں ان پر عملدرآمد یقینی بنائیں ماحولیاتی انسپکشن ٹیموں کو ایڈوائزری جاری کردی گءہے کہ اپنے فرائض منصبی نہایت خوش اسلوبی کے ساتھ سرانجام دیں فرائض منصبی کی ادائیگی میں کوتاہی و غفلت برتنے والی ٹیموں کے خلاف باضابطہ طور پر سخت سے سخت کارروائی عمل میں لائی جائے گی۔
﴾﴿﴾﴿﴾﴿
خبرنامہ نمبر7403/2024
حب 05دسمبر2024:ڈپٹی کمشنر حب منصورقاضی نے کہا ہیکہ ضلع حب کے عوا م کی خدمت اورسروسزڈیلیوری میں کوءدقیقہ فروگزاشت نہیں کیا جائیگا سرکاری محکموں کے افسران اپنی جائے تعیناتی پر حاضری یقینی بنائیں ڈسٹرکٹ ایڈمنسٹریشن کی اجازت کے بغیر کوءافسر ڈیوٹی سے غیرحاضر پایاگیا اس کے خلاف مجازحکام کو کارواءکی رپورٹ بجھواءجائیگی ان خیالات کا اظہار انہوں نے اپنے دفتر میں ڈپٹی کمشنر کے منصب کا چارج سنبھالنے کے بعد سرکاری محکموں کے ضلعی سربراہان سے گفتگو کرتے یوئے کہی۔۔ڈپٹی کمشنر حب نے کہا کہ ہماری اولین ترجیح ضلع حب کے عوام کی خدمت ہے اس سلسلے میں تمام لائن ڈیپارٹمنٹ افسران اپنی ذمہ داریوں کو خوش اسلوبی سے نبھائیں اس شہر کی ترقی کیلئے سب کو اپنا کرداراداکرناہوگاانتظامیہ ترقیاتی منصوبوں کی بروقت تکمیل کیلئے مانیٹرنگ کا مﺅثر میکانزم قائم کریگی تاکہ ضلع حب کی ترقیاتی منصوبوں کے ثمرات سے عوام مستفید یوں۔انہوں نے کہا کہ حب ایک نوزائیدہ ضلع ہے ایشوز ہونگے لیکن ضلعی انتظامی افسر کی حیثیت سے وہ تمام لائن ڈیپارٹمنٹ کو درپیش مسائل کے حل میں گائیڈلائن اورمعاونت فراہم کرینگے اورضلع حب کو ایک مثالی ضلع بنانے کیلئے اپنی صلاحیتوں کو بروے کارلاِئیں گے تعارفی اجلاس میں ضلع بھر کے تمام سرکاری محکموں کے افسران اورپولیوپروگرام کے ڈسٹرکٹ این اسٹاف افیسدربھی شریک ہوئے۔
﴾﴿﴾﴿﴾﴿
خبرنامہ نمبر7404/2024
قلات 05دسمبر2024:کمشنر قلات ڈویڑن/ چییرمین ریکروٹمنٹ کمیٹی محکمہ ہیلتھ قلات ڈویڑن بمقام خضدار جناب محمد نعیم خان بازئی کی طرف سے جاری کردہ ایک اعلامیہ کے مطابق محکمہ ہیلتھ کے خالی آسامیوں کے لیئے درخواست دہندہ ایسے تمام امیدوار جو کسی بھی وجہ سے مقررہ تاریخ تک انٹریو کے لیئے حاضر نہیں ہوسکے تھے ان کو ہدایت کی جاتی ہے کہ وہ کل بروز جمعہ 6 دسمبر کو صبح 9 تا 12 بجے کمیٹی کے روبرو پیش ہوکر انٹریو دے سکتے ہیں۔
﴾﴿﴾﴿﴾﴿
خبرنامہ نمبر7405/2024
استامحمد05دسمبر2024:ڈپٹی کمشنر استا محمد ارشد حسین جمالی نے گزشتہ روز گورنمنٹ گرلز ہائی سکول استا محمد کا دورہ کیا دورے کے موقع پر انہوں نے طالبات سے سوال پوچھے طالبات نے ڈپٹی کمشنر کے سوالات کا درست جواب دیا جس پر ڈپٹی کمشنر نے طالبات کو شاباشی دی اور خوشی کا اظہار کرتے ہوئے کہا کہ فیمیل اساتذہ کرام کی کارکردگی بچوں کی تعلیم و تربیت اور ان کی خود اعتمادی سے ظاہر ہوتی ہے ہیڈ مسزز کی سربراہی میں فیمیل اساتذہ کرام نے گورنمنٹ ہائی سکول میں بہترین تعلیمی نظام قائم کیا ہے اور بچیوں کو بہترین علم کے زیور سے منور کر رہی ہیں جو کہ ایک خوش آئندہ اقدام ہے انہوں نے ہیڈ مسز کی تعریف کی کہ ان کے نظم و ضبط سے بہترین طریقے سے اساتذہ کرام تعلیمی زیور سے بچیوں کو منور کر رہی ہیں اور اسی طرح محنت کرنے کی ضرورت ہے انہوں نے اس موقع پر اساتذہ کرام اور ہیڈ مسز کو کہا کہ وہ بچیوں میں مقابلے کے امتحان کی تیاری کرانے کے لیے خود اعتمادی بڑھانے کی کوشش کریں تاکہ وہ خود اعتماد بن کر مقابلے کے امتحان میں کامیابی حاصل کر سکیں انہوں نے کہا کہ مجھے یہاں آکر بڑی خوشی ہوئی کہ ہماری بچیاں بہتر طریقے سے تعلیم حاصل کر رہی ہیں یہ اساتذہ کرام کی انتھک محنت کا نتیجہ ہے انہوں نے اس امید کا اظہار کیا وہ آئندہ بھی اسی طرح اپنے سینے میں چھپے ہوئے علم کے زیور سے بچیوں کو منور کریںنگی تاکہ وہ ملک کی تعمیر و ترقی میں مردوں کے ساتھ شانہ بشانہ ملک کی تعمیر وترقی میں کردار ادا کر سکیں۔
﴾﴿﴾﴿﴾﴿
خبرنامہ نمبر7406/2024
استامحمد05دسمبر2024:ڈپٹی کمشنر استا محمد ارشد حسین جمالی نے گزشتہ روز گورنمنٹ بوائز ہائی سکول استا محمد کا دورہ کیا انہوں نے اساتذہ کرام کی حاضری رجسٹر کو بھی چیک کیا اور تعلیمی معیار کو جانچنے کے لیے طلباءسے سوالات بھی پوچھیں انہوں نے طلباء سے بات چیت کرتے ہوئے کہا کہ جدید علوم کے حصول کے بغیر ہم آگے نہیں بڑھ سکتے تعلیم ہی کے ذریعے ہم اپنی ہی کے ذریعے کامیابی حاصل کر سکتے ہیں ڈپٹی کمشنر نے کہاکہ اپنے آپ کو مقابلے کے امتحان کی تیاری کے لیے جدوجہد کریں تاکہ آپ اپنی ذہنی صلاحیتوں کو بروئے کار لا کر مقابلے کے امتحان میں کامیابی حاصل کر سکتے ہیں ان کی ابھی سے جدوجہد کا آغاز شروع کریں انہوں نے کہا کہ کوئی بھی قوم جدید تعلیم حاصل کئے گئے بغیر ترقی نہیں کر سکتی اسی لیے اپ اپنی تعلیم پر توجہ مرکوز کریں اس موقع پر انہوں نے اساتذہ کرام سے بات چیت کرتے ہوئے کہا کہ وہ ہمارے آنے والی نئی نسل کو بہتر سے بہتر تعلیم کے زیور سے منور کریں تاکہ یہ مقابلے کے امتحان کے لیے تیار ہو سکیں اور ان میں خود اعتمادی بڑھانے اور ان بچوں کے سینے میں چھپی ہوئی صلاحیتوں کو بھی اجاگر کریں تاکہ وہ اپنے آپ کو مقابلے کے امتحان کے لیے تیار کر سکیں کیونکہ اساتذہ کرام ہی وہ درسگاہ ہے جہاں سے بچے علم سیکھ کر ملک کی تعمیر و ترقی میں حصہ لے سکتے ہیں اس لیے اساتذہ کرام پر بھاری ذمہ داری عائد ہوتی ہے کہ وہ اپنے سینے میں چھپے ہوئے علم کے خزانے کو اس آنے والی نئی نسل پر نچھاور کریں تاکہ وہ بھی جدید تعلیم حاصل کر کے ملک کی تعمیر و ترقی میں شامل ہو سکیں اور اپنا مثبت کردار ادا کر سکیں.
﴾﴿﴾﴿﴾﴿
خبرنامہ نمبر7407/2024
حب05دسمبر2024:محسن حب میر علی حسن زہری ٹی ٹوئنٹی کرکٹ ٹورنامنٹ کے پہلے سیمی فائنل میں طلحہ شاکر میموریل بمقابلہ اعجاز کوہ بلوچ میموریل کے مابین میچ کھیلا گیا جس میں طلحہ شاکر میموریل نے پہلے کھیلتے ہوئے بیس اوورز میں 197 رنز کا پہاڑ جیسا ٹارگٹ دیا جس کے تعاقب میں اعجاز کوہ بلوچ میموریل نے یہ ہدف بیسویں اوور کی چوتھے گیند پر سات وکٹوں کے نقصان پر پورا کر لیا میچ کے بہترین کھلاڑی کا اعزاز فیصل رشید نے گیارہ گیندوں پر 48 رنز کی شاندار اننگز کھیل کر حاصل کیا کھلاڑیوں سے خطاب کرتے ہوئے پیپلز پارٹی کے کا رہنماو¿ں میر اسحاق زہری ،میر مشتاق جتک کا کہنا تھا کہ میر علی حسن زہری کا پیغام اور اسپورٹس کے حوالے سے کاوشیں قابل تعریف ہیں اور عنقریب دیگر اسپورٹس کے بھی ایونٹس منعقد ہوتے رہیں گے ان کا کہنا تھا کہ انھوں نے گراو¿نڈ کی بہتری کے لیے محسن حب میر علی حسن زہری کے نوٹس میں کچھ چیزیں لائی ہیں جن پر جلد ہی عملدارمد کیا جائے گا انھوں نے ٹورنامنٹ انتظامیہ کو بہترین ایونٹ کے انعقاد پر مبارکباد بھی پیش کی۔
﴾﴿﴾﴿﴾﴿
خبرنامہ نمبر7408/2024
سبی 05 دسمبر2024:کمشنر سبی ڈویڑن سید زاہد شاہ نے ڈویڑنل پبلک سکول سبی کا گزشتہ روز دورہ کیا اور تعلیمی و بنیادی سہولیات کا جائزہ لیا اس موقع پر اسکول کے پرنسپل بھی ان کے ہمراہ تھے انہوں نے طلباءسے تعلیمی و بنیادی سہولیات کے بارے میں دریافت کیا اور معیار تعلیم کے حوالے سے بھی گفتگو کی انہوں نے اساتذہ کو تلقین کی کہ وہ طلبہ و طالبات کی تعلیم و تربیت پر خصوصی توجہ دیں ان میں خود اعتمادی کے لیے تقاریر سمیت مختلف مقابلے کروائیں اور تعلیم کے ساتھ ساتھ انہیں مثبت نصابی و ہم نصابی سرگرمیوں کی طرف راغب کریں علاوہ ازیں کمشنر سبی نے خصوصی دلچسپی لیتے ہوئے اپنی مدد اپ کے تحت سکول کی عمارت میں تعمیراتی و مرمتی کام کروایا اور تزئین و ارائش کرائی گئی جس کا باقاعدہ افتتاح بھی دورہ کے موقع پر انہوں نے کیا کمشنر سبی سید زاہد شاہ کا کہنا تھا کہ معیاری تعلیم کے ذریعے بچوں کو اپنا مستقبل بہتر بنانے کے مواقع فراہم کرنا حکومت کی ذمہ داری ہے اس کے لیے ہر ممکن اقدامات کیے جا رہے ہیں والدین پر بھی یہ ذمہ داری عائد ہوتی ہے کہ وہ اپنے بچوں کی تعلیم و تربیت پر خصوصی توجہ دیں تاکہ یہ بچے کل کو معاشرے کے ذمہ دار شہری بن سکیں۔
﴾﴿﴾﴿﴾﴿
