پریس ریلیز*
شعبہ امراض چشم، میو ہسپتال لاہور۔
بیالیسویں تین روزہ لاہور آفتھلمو کانفرنس 2024 آپتھلمولوجیکل سوسائٹی آف پاکستان (OSP) اور ایسوسی ایشن آف پیڈیائٹرک آفتھالمالوجی پاکستان (APOP) کے پانچویں سمپوزیم کا 6 دسمبر سے پرل کانٹینینل لاہور میں آغاز
آپتھلمولوجیکل سوسائٹی آف پاکستان (OSP) لاہور برانچ کے زیر اہتمام بیالیسویں تین روزہ لاہور آپتھلمو 2024 اور ایسوسی ایشن آف پیڈیائٹرک آفتھالمالوجی پاکستان (APOP) کے پانچویں سمپوزیم کا 6 دسمبر سے پرل کانٹینینل لاہور میں آغاز ہو گیا، یہ شعبہ امراض چشم کی بین الاقوامی تقریب ہے۔ اس سال کانفرنس کی صدارت پروفیسر ڈاکٹر جاوید اقبال چوہدری کر رہے ہیں. ایسوسی ایشن آف پیڈیاٹرک آپتھلمولوجی پاکستان (اے پی او پی) اس کانفرنس کا خصوصی حصہ ہو گی. کانفرنس میں دنیا بھر سے تعلق رکھنے والے قومی اور بین الاقوامی مایہ ناز ماہرینِ امراضِ چشم شرکت کر رہے ہیں- شرکاء میں 1500 سے زیادہ مندوبین اور 400 مقررین شامل ہیں. کانفرنس کے لئے 8 ہالوں میں کل 96 سیشن ہوں گے، جن میں 5 سمپوزیا اور 3 تدریسی کورسز شامل ہیں۔ شرکاء امراضِ چشم و بصارت کے جدید طریقہ علاج کے موضوعات اور پاکستان میں آنکھوں سے منسلک مصنوعات کی سب سے بڑی نمائش کا حصہ بن پائیں گے۔
او ایس پی لاہور کے صدر پروفیسر ڈاکٹر جاوید اقبال چوہدری اور او ایس پی لاہور کے جنرل سیکرٹری پروفیسر ڈاکٹر ناصر چوہدری نے چیئرمین سائنٹیفک کمیٹی پروفیسر ڈاکٹر محمد معین، پریزیڈنٹ الیکٹ پروفیسر ڈاکٹر قاسم لطیف، جوائنٹ سیکرٹری پروفیسر ڈاکٹر میاں ارشد محمود اور خزانچی ڈاکٹر محمد عرفان کرامت کے ساتھ ساتھ ممبران پروفیسر ہما کیانی، پروفیسر عمران اکرم صحاف، پروفیسر عبدالحئ، ڈاکٹر کاشف اقبال، ڈاکٹر طارق خان اور ڈاکٹر سمیرا عرفان شامل ہیں، کی انتھک محنت کو سراہا۔ جنہوں نے سائینسی پروگرام کو جدید تقاضوں کو مدنظر رکھتے ہوئے مرتب کر کے تمام شرکاء کے لیے ایک مساوی تجربہ کو یقینی بنایا- انہوں نے سب اسپیشلٹی سوسائٹیز کے چیئرپرسنز پروفیسر ندیم حفیظ بٹ، پروفیسر خالد وحید، پروفیسر مجید ملک، پروفیسر خالد محمود، پروفیسر سیما قیوم، پروفیسر زاہد کمال، اور ڈاکٹر سہیل سرور کا بھی خصوصی شکریہ ادا کیا۔
چیئرمین سائنٹیفک کمیٹی پروفیسر ڈاکٹر محمد معین نے تقریب کے بین الاقوامی شرکاء پر تبصرہ کرتے ہوئے کہا کہ امریکہ، برطانیہ اور یورپ سے 23 معروف مقررین شرکت کریں گے۔ کلیدی پروگراموں میں جمعہ کی شام کو مکمل سیشن، ہفتہ کی صبح لائیو سرجری، اور اتوار کو پاکستان بھر کے امراضِ چشم و بصارت سے منسلک ڈاکٹرز کا کوئز مقابلہ شامل ہے-
