کراچی
مور خہ5دسمبر 2024
کراچی۔ 5 دسمبر۔ محکمہ انسانی حقوق کے معاون خصوصی راجویر سنگھ سوڈھا نے کہا ہے کہ صوبے میں انسانی حقوق کی خلاف ورزی کسی قیمت پر برداشت نہیں کی جائے گی اور انسانی حقوق کا تحفظ ہماری اولین ترجیح ہونی چاہیے۔ یہ بات انہوں نے اپنی وزرات کا چارج لینے کے بعد سیکرٹریٹ کا دورہ کرتے ہوئے کہی۔
انہوں نے انسانی حقوق کے ڈائریکٹوریٹ ٹریٹی امپلیمنٹیشن سیل (TIC) کے دفتر کا بھی دورہ کیا۔ اس موقع پر ڈائریکٹر ہیومن رائٹس آغا فخر حسین نے ان کا استقبال کیا اور انہیں محکمہ کی کارکردگی سے آگاہ کیا۔ راجویر سنگھ سوڈھا معاون خصوصی برائے انسانی حقوق محکمہ سندھ نے کہا کہ پاکستان پیپلز پارٹی لوگوں کے حقوق کے تحفظ کے لیے پرعزم ہے اور تمام اسٹیک ہولڈرز کو ایک ایسے معاشرے کے مقصد کے حصول کے لیے مل کر کام کرنا چاہیے جہاں ہر ایک کو بنیادی انسانی حقوق حاصل ہوں۔
ہینڈآؤٹ نمبر 875۔۔۔
