محتسب پنجاب کی آگاہی مہم کے سلسلہ میں گورنمنٹ گریجوایٹ کالج فار بوائز ماڈل ٹاؤن میں ایک سیمینار کا اہتمام کیا گیا جس کی صدارت پرنسپل گورنمنٹ گریجوایٹ کالج فار بوائز ماڈل ٹاؤن ڈاکٹر ثاقب شہزاد نے کی۔ صوبائی محتسب کے میڈیا ایڈوائزر عبدالباسط خان نے اس موقع پر خطاب کرتے ہوئے اس ادارے کی افادیت اور تیزی سے انصاف فراہم کرنے کی صلاحیت سے طلبہ کو آگاہ کیا۔ انھوں نے کہا کہ دفتر محتسب پنجاب انصاف کا ادارہ سستا اور بروقت انصاف 45 سے 60 دنوں کے اندر فراہم کرتا ہے جس میں کسی وکیل کی ضرورت نہیں ہوتی اور پورے پنجاب کے تمام اضلاع میں ایڈوائزز ہمہ وقت عوام کی خدمت کیلئے دستیاب ہیں اور اس کی ہیلپ لائن 1050 پر 24 گھنٹے اپنی شکایت درج کروائی جاسکتی ہے۔ اس موقع پر سینئر رجسٹرار صوبائی محتسب شاہد عباس نے شکایت درج کروانے سےمتعلق مختلف مراحل سے آگاہ کیا۔ شاہد عباس کا کہنا تھا کہ محتسب پنجاب کسی بھی شکایت پر ازخود نوٹس لے سکتے ہیں۔ مختلف محکموں کی ممکنہ خامیوں کو نہ صرف اجاگر کرتے ہیں بلکہ حکومت پنجاب کو اس سلسلے میں اس پر قابو پانے میں حکمت عملی وضع کرنے میں مدد فراہم کرتے ہیں۔ اسسٹنٹ ڈائریکٹر میڈیا سید سبطِ حیدر نے پرنسپل ڈاکٹر ثاقب شہزاد کو انکے بہترین ورکنگ سٹائل اور پروگرام کے کامیاب انعقاد پر خراج تحسین پیش کیا۔ اسسٹنٹ ڈائریکٹر ) پی آر ( عادل اصغر نے بھی پروگرام میں شرکت کی۔پروگرام کے اختتام پر Q&A سیشن رکھا گیا اور طلبہ کے سوالات کے جوابات دیئے گئے آخر میں پرنسپل ڈاکٹر ثاقب شہزاد نے میڈیا ایڈوائزر عبدالباسط خان اور سینئر رجسٹرار شاہد عباس کو سونیئر اور پھولوں کا گلدستہ پیش کیا ۔طلبہ نے محتسب پنجاب میڈیا ونگ کا اس آگاہی پروگرام کے انعقاد پر بھرپور شکریہ ادا کیا۔
