الیکٹرک نے ماہانہ واجبات ادا نہیں کیے تو محکمہ ریلوے بھی کے الیکٹرک کے واجبات نہیں ادا کرے گا

کراچی (اسٹاف رپورٹر)ڈویژنل سپرنٹنڈنٹ (ڈی ایس) کراچی، پاکستان ریلوے محمد ناصر خلیلی نے کہا ہے کہ وہ کے الیکٹرک کی کسی بھی قسم کی بدمعاشی برداشت نہیں کریں گے، کے الیکٹرک پر محکمہ ریلوے کے 70 ارب روپے کے واجبات ہیں، جو صرف 10برس کی مدت کےہیں، ان واجبات کی ادائیگی کے لیے پاکستان ریلوے نے کے الیکٹرک کو متعدد نوٹسز بھیجے، مگر اب تک واجبات کی ادائیگی نہیں کی گئی۔ انہوں نے دو ٹوک الفاظ میں واضح کیا کہ کے الیکٹرک نے ماہانہ واجبات ادا نہیں کیے تو محکمہ ریلوے بھی کے الیکٹرک کے واجبات نہیں ادا کرے گا۔وہ کے الیکٹرک کی جانب سے پاکستان ریلوے کی متعدد تنصیبات اور کینٹ ریلوے کالونی کی بجلی منقطع کئے جانے پر اپنے ردعمل کا اظہار کررہے تھے۔

خصوصی افرادکو معاشرے کا بااختیارفرد بنائیں گے،مراد شاہ
04 دسمبر ، 2024FacebookTwitterWhatsapp
کراچی (نیوز ڈیسک) وزیر اعلیٰ سندھ سید مراد علی شاہ نے خصوصی افراد کے عالمی دن کے موقع پر ایک اہم تقریب سے خطاب کرتے ہوئے خصوصی افرادکو معاشرے کا بااختیارفرد بنانے کے اپنے عزم کو دہرایا۔ ڈپارٹمنٹ آف امپاورمنٹ آف پرسنز ود ڈس ایبلٹیز (DEPD) کے زیر اہتمام تقریب میں پائیدار ، ہنر اور لیڈر شپ کی بنیاد پر اس سال کا تھیم “ایک جامع اور پائیدار مستقبل کے لیے خصوصی افراد کی قیادت کو بڑھانا”ہے ۔ تقریب میں معزز مہمانانِ گرامی کے ساتھ ساتھ خصوصی افراد کے خاندان نے بھی شرکت کی۔ سیکرٹری ڈی ای پی ڈی طحہٰ فاروقی نے خصوصی افراد کی صحت، تعلیم، تربیت، روزگار ،بحالی اور فلاح و بہبود کے حوالے سے سندھ حکومت اور وزیراعلیٰ سندھ کے اقدامات اور ذاتی دلچسپی کو سراہا۔