پاکستان کی زمبابوے کے خلاف ٹی۔ 20 میچ میں ریکارڈ ساز کامیابی

(تحریر: نوید انجم فاروقی)
پاکستان اور زمبابوے کی کرکٹ ٹیموں کے درمیان کھیلی جانے والی تین میچوں پر مشتمل ٹی۔20 سیریز میں پاکستان نے ابتدائی دونوں میچ جیت کر فیصلہ کن برتری حاصل کر لی۔دوسرے میچ میں زمبابوے نے ٹاس جیت کر پہلے بیٹنگ کرنے کا فیصلہ کیا اور37 رنز پر اُن کا پہلا کھلاڑی آؤٹ ہوا لیکن اِس کے بعد بائیں ہاتھ کے اسپن باؤلرسفیان مستقیم کی تباہ کن باؤلنگ کے سامنے کوئی بیٹسمین ٹک کر نہ کھیل سکا اور پوری ٹیم محض 57 رنز بنا کر آؤٹ ہو گئی۔
سفیان مستقیم نے ریکارڈ ساز باؤلنگ کا مظاہرہ کرتے ہوئے 2.4 اوورز میں صرف تین رنز دیکر پانچ کھلاڑیوں کو پویلین کی راہ دکھائی جو کہ ایک ریکارڈ ہے۔ اِس مختصر سکور کے تعاقب میں پاکستانی ابتدائی بلے بازوں صائم ایوب اور عمیر یوسف نے پاور پلے میں ہی فتح حاصل کر کے ایک اور ریکارڈ قائم کر دیا۔ صائم نے 18 گیندوں پر 36 اور عمیر نے 15 گیندوں پر 22 رنز بنا کر مطلوبہ ہدف حاصل کر لیا۔
جنوبی افریقہ جیسی مضبوط ٹیم کے خلاف سیریز سے قبل یہ کامیابیاں پاکستان کیلئے انتہائی نیک شگون ہیں۔ اِس سے پوری ٹیم کے حوصلے بھی بلند ہوں گے اور نئے کپتان رضوان احمد کو بھی حوصلہ ملے گا۔

پاکستان نے زمبابوے کو دوسرے ٹی ٹوئنٹی میں 10 وکٹوں سے شکست دے کر سیریز اپنے نام کرلی۔
بلاوئیو میں کھیلے گئے سیریز کے دوسرے میچ میں زمبابوے کی ٹیم ٹاس جیت کر پہلے بیٹنگ کرتے ہوئے 12.4 اوورز میں 57 رنز پر آوٹ ہوگئی۔ پاکستان کی طرف سے سفیان مقیم نے 5، عباس آفریدی نے 2، ابرار احمد اور حارث روف نے ایک، ایک وکٹ حاصل کی۔
زمبابوے کے برین بینیٹ 21 اور تادیونشے مارومانی 16 رنز کے ساتھ نمایاں رہے، ان کے علاوہ کوئی بلے باز ڈبل فگرز میں داخل نہ ہوسکا۔
پاکستان کی جانب سے 58 رنز کا ہدف بغیر کسی نقصان کے چھٹے اوور میں حاصل کر لیا گیا۔ صائم ایوب 32 اور عمیر بن یوسف 22 رنز بنا کر ناقابلِ شکست پویلین لوٹے۔
پاکستان ٹیم سلمان علی آغا کی قیادت میں میدان میں اتری ہے جبکہ زمبابوے کی قیادت سکندر رضا کررہے ہیں۔

یاد رہے کہ پہلے ٹی 20 میچ میں پاکستان نے زمبابوے کو شکست دی تھی جس سے قومی ٹیم کو تین میچوں پر مشتمل سیریز میں 1-0 کی برتری حاصل ہے۔ پاکستانی ٹیم میں عمیر یوسف، صائم ایوب، عثمان خان (وکٹ کیپر)، سلمان آغا (کپتان)، طیب طاہر، عرفان خان، جہانداد خان، عباس آفریدی، حارث رؤف، ابرار احمد، سفیان مقیم شامل ہیں جب کہ زمبابوے کی ٹیم برائن بینیٹ، تادیواناشے مارومانی (وکٹ کیپر)، ڈیون مائرز، سکندر رضا (کپتان)، ریان برل، کلائیو مداندے، تشنگا میوزیکیوا، ویلنگٹن مساکڈزا، رچرڈ نگروا، بلیسنگ مزاربانی، ٹریور گوانڈو پر مشتمل ہے۔