3 نومبر 2024
راولپنڈی
جسٹس صداقت علی خان اور جسٹس سرفراز ڈوگر پر مشتمل لاہور ہائیکورٹ راولپنڈی کے ڈویژنل بنچ نے سابق وزیرداخلہ شیخ رشید احمد کی انسداد دھشت گردی عدالت راولپنڈی کی بریت کی درخواست خارج کرنے کے خلاف پیٹشن آفس اعتراضات دور کرکے دوبارہ دائر کرنے کی اجازت دے دی۔
منگل کے روز جسٹس صداقت علی خان اور جسٹس سرفراز ڈوگر پر مشتمل لاہور ہائیکورٹ راولپنڈی کے ڈویژنل بنچ کے روبرو سابق وزیر داخلہ و عوامی مسلم لیگ کے سربراہ شیخ رشید احمد پر دائر کیس کی سماعت ہوئی۔شیخ رشید اپنے وکیل سردار عبدالرازق خان ایڈووکیٹ کے ہمراہ عدالت میں پیش ہوئے۔جہاں پر سردار عبدالرازق ایڈووکیٹ نے فاضل ججز کو آگاہ کیا کہ وہ آفس اعتراضات دور کرکے دوبارہ پیٹشن فائل کریں گے۔یاد رہے کہ جی ایچ کیو حملہ کیس میں انسداد دھشت گردی عدالت راولپنڈی نے شیخ رشید احمد، شیریں مزاری اور امجد نیازی کی بریت کی درخواستیں خارج کیں، سابق وزیراعظم عمران خان سمیت تمام ملزمان پر فرد جرم عائد کرنے کا فیصلہ کیا تھا ،جسے شیخ رشید نے ہائیکورٹ میں چیلنج کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
