وزیراعظم آج اور کل سعودی عرب کا دورہ کریں گے، دفتر خارجہ

وزیراعظم آج اور کل سعودی عرب کا دورہ کریں گے، دفتر خارجہ
اسلام آباد(نمائندہ جنگ)وزیر اعظم شہباز شریف ’’ون واٹر سمٹ‘‘ میں شرکت کیلئے آج اور کل ( 3 اور 4 دسمبر ) سعودی عرب کا دورہ کریں گے۔

یہ وزیر اعظم شہباز شریف کا رواں برس کے دوران سلطنت کا 5 واں دورہ ہوگا۔

دفتر خارجہ کی جانب سے جاری بیان کے مطابق سعودی عرب، فرانس، قازقستان اور عالمی بینک کے اشتراک سے منعقدہ سمٹ کا مقصد عالمی تعاون کو فروغ دینا اور اعلیٰ سطح پر سیاسی وعدوں کے ذریعے آبی وسائل کے انتظام کیلئے مربوط بین الاقوامی نقطہ نظر کو فروغ دینا ہے.

وزیراعظم سربراہی اجلاس میں کلیدی خطاب کریں گے جس میں تازہ پانی کے وسائل اور آبی زمینوں کے تناظر میں بحالی، تحفظ اور موافقت پر توجہ دی جائیگی

=========================

کراچی کے تاجروں نے ایک نئی ایئرلائن “ایئر کراچی” کے آغاز کا اعلان کیا ہے۔ فیڈریشن آف پاکستان چیمبرز آف کامرس اینڈ انڈسٹریز (FPCCI) کے سابق سینئر نائب صدر حنیف گوہر نے کہا ہے کہ جلد ہی “ایئر کراچی” کے نام سے ہوائی جہاز آسمان میں پرواز کرتے نظر آئیں گے۔
حنیف گوہر نے مزید بتایا کہ یہ منصوبہ کراچی کے تاجروں کی جانب سے پیش کیا گیا ہے، جس کا مقصد شہری ہوا بازی کے شعبے میں کاروباری مواقع پیدا کرنا اور مسافروں کو معیاری اور قابل اعتماد سفری سہولیات فراہم کرنا ہے۔ انہوں نے کہا کہ ایئر کراچی خاص طور پر کراچی سے اندرونِ ملک اور بین الاقوامی مقامات کے لیے پروازوں کا آغاز کرے گی، اور اس ایئرلائن کی شناخت کراچی کے ثقافتی رنگوں سے جڑی ہوگی۔
ایئر کراچی کے ذریعے شہر کی معیشت کو فروغ دینے اور ہوائی سفر کی سہولیات کو عام لوگوں کے لیے مزید قابلِ رسائی بنانے کا عزم کیا گیا ہے۔ کمپنی جلد ہی اس منصوبے کی مزید تفصیلات جاری کرے گی، جس میں پروازوں کی منزلیں، کرائے، اور دیگر خدمات شامل ہوں گی۔
یہ اعلان کراچی کے تاجروں کی کاروباری صلاحیتوں اور شہر کی ترقی میں ان کے کردار کو اجاگر کرتا ہے۔
#VoiceOfKarachi

Voice Of Karachi Digital ·
November 28 ·

https://www.facebook.com/profile.php?id=100004223971474