لاہور: پنجاب حکومت نے اسموگ کنٹرول اقدامات کے پیش نظر بغیر فٹنس سرٹیفکیٹ گاڑیوں کو ایم ٹیگ جاری نہ کرنے کا فیصلہ کر لیا۔
پنجاب حکومت نے اسموگ کے پیش نظر مزید اقدامات اٹھا لیے۔ اسموگ کے پیش نظر 30 سال سے زائد پرانی گاڑیوں کو اکتوبر تا جنوری لاہور میں داخلے کی اجازت نہیں ہو گی۔ اور نہ ہی وہ موٹروے پر سفر کر سکیں گی۔
ایم ٹیگ حاصل کرنے کے لیے اب گاڑی کی رجسٹریشن بُک اور لائسنس کے ساتھ گاڑی کا فٹنس سرٹیفکیٹ بھی دکھانا ہو گا۔
صوبائی وزیر ٹرانسپورٹ بلال اکبر خان نے کہا ہے کہ جس طرح کے اسموگ زدہ حالات سے ہم گزرے۔ اسے دیکھتے ہوئے یہ شرط رکھی گئی ہے۔
انہوں نے کہا کہ ہم نے سروسز اینڈ جنرل ایڈمنسٹریشن کو بھی خط لکھا ہے جس میں سرکاری گاڑیوں کی تفصیلات طلب کی گئی ہیں۔
بلال اکبر خان نے کہا کہ سب سے پہلے فٹنس سرٹیفکیٹ کا اطلاق سرکاری گاڑیوں پر لاگو کروا رہے ہیں۔ اور یہ ممکن نہیں کہ لوگوں کو روکیں اور سرکار سوئی رہے۔ صرف بڑی کمرشل نہیں پرائیویٹ گاڑیوں پر بھی یہ احکامات لاگو ہوں گے۔
======================================
راولپنڈی شہر میں نئی الیکٹرک بسیں چلانے کا فیصلہ
منصوبہ شہر کے 84 کلو میٹر ایریا کو کور کرے گا
راولپنڈی کے شہریوں کے خوشخبری ، شہر میں 102 الیکٹرک بسیں چلانے کا فیصلہ کر لیا گیا، پرپوزل آج نیوز نے حاصل کر لیا۔
ذرائع کے مطابق الیکٹرک بس سروس کے پروجیکٹ کی مالیت 7 ارب روپے سے زائد ہے، راولپنڈی میں یہ منصوبہ 84 کلو میٹر ایریا کور کرے گا ۔
ذرائع نے بتایا کہ حکومت پنجاب نے منصوبے کے لئے 4.7 بلین روپے جاری کردیے ہیں، پبلک ٹرانسپورٹ روٹ 10 ہوں گے۔
راولپنڈی میں الیکٹرک بسوں کا پروجیکٹ فضائی آلودگی کے خاتمے کے لیے بھی فائدہ مند ثابت ہوگا۔
rawalpindi
punjab
CM Punjab Maryam Nawaz
Rawalpindi bus project
