علیگڑھ انسٹیٹیوٹ آف ٹیکنالوجی (AIT) نے طلباء کو جدید تعلیم سے آراستہ کرنے کے لیے ایک تین روزہ آن لائن “بگ ڈیٹا” ورکشاپ کا کامیابی سے انعقاد کیا۔ یہ عالمی معیار کی ورکشاپ چین کے معروف تعلیمی ماہر ڈاکٹر لیو ہاؤ کی قیادت میں منعقد کی گئی، جن کا شمار “بگ ڈیٹا” کے شعبے کے ممتاز ماہرین میں ہوتا ہے۔
ڈاکٹر لیو ہاؤ، جو یونیورسٹی آف فریبورگ، سوئٹزرلینڈ سے پی ایچ ڈی ہیں اور علی بابا جیسے عالمی اداروں میں خدمات انجام دے چکے ہیں، نے اس ورکشاپ میں طلباء کو “بگ ڈیٹا” کے بنیادی اصول، عملی تکنیکوں اور عالمی تجربات سے آگاہ کیا۔ ورکشاپ کا مقصد طلباء کو ڈیجیٹل معیشت کے تقاضوں سے ہم آہنگ کرنا اور انہیں جدید مہارتوں سے لیس کرنا تھا۔
ورکشاپ کی نگرانی AIT کے شعبہ الیکٹرانکس کے سربراہ ثاقب نور اور شعبہ سافٹ ویئر کی سربراہ تسنیم بابر نے کی۔ پرنسپل شاہد جمیل نے اسے طلباء کے کیریئر میں انقلاب قرار دیتے ہوئے کہا کہ یہ اقدام ڈیجیٹل دور کی ضروریات کے مطابق طلباء کو تیار کرے گا اور انہیں عالمی مارکیٹ میں نمایاں مقام دلانے میں مددگار ہوگا۔
یہ ورکشاپ علیگڑھ کے طلباء کے لیے نہ صرف ایک منفرد تعلیمی تجربہ تھا بلکہ ان کے روشن مستقبل کی ضمانت بھی ثابت ہوگی۔
میڈیا کوآرڈینیٹر AIT
