ں01 دسمبر ، 2024
پیٹرول 3.72، ہائی اسپیڈ ڈیزل 3.29 روپے فی لیٹر مہنگا
اسلام آباد (نمائندہ جنگ) وفاقی حکومت نے آئندہ 15دن کے لیے پیٹرول اور ڈیزل مہنگا کر دیا۔
وزارت خزانہ نے یکم سے 15 دسمبر کے لیے پیٹرولیم مصنوعات کی قیمتوں میں ردو بدل کا نوٹیفکیشن جاری کر دیا ہے۔
وزارت خزانہ کی جانب سے پیٹرولیم مصنوعات کی قیمتوں میں اضافے کا نوٹیفکیشن جاری کر دیا گیا ہے۔
نوٹیفکیشن کے مطابق پیٹرول 3.725 روپے، ہائی اسپیڈ ڈیزل آئل 3.29 روپے فی لیٹر مہنگا ہوگیا ہے۔
حالیہ اضافے کے بعد فی لیٹر پیٹرول کی قیمت 252 روپے 10 پیسے جبکہ ہائی اسپیڈ ڈیزل کی قیمت 258 روپے 43 پیسے پر پہنچ گئی۔
اس کے علاوہ حکومت نے لائٹ ڈیزل کی قیمت میں 48 پیسے جبکہ مٹی کے تیل کی قیمت میں 62 پیسے کی کمی کردی۔
وزارت خزانہ کی جانب سے جاری نوٹیفکیشن کے مطابق کمی کے بعد مٹی کے تیل کی قیمت 164.98 روپے جبکہ لائٹ ڈیزل کی قیمت 151 روپے 73 پیسے ہوگئی۔
وزارت خزانہ کے اعلامیے کے مطابق نئی قیمتوں کا اطلاق آج سے ہو گیا ہے۔
