
اچانک سٹیڈیم کے تمام تماشائی کھیل چھوڑ کر کچھ اور دیکھنے لگے . کھلاڑیوں نے بھی کھیل روک دیا اور سکرینوں کی طرف متوجہ ہوگئے.
یہ موقع تھا سڈنی میں انڈیا اور آسٹریلیا کے ون ڈے میچ کا…
ہوا یہ تماشائیوں میں سے انڈین کٹ پہنے ہوئے ایک لڑکے نے آسٹریلوی کٹ پہنے لڑکی کے سامنے روائتی طریقے سے گھٹنا زمین پر ٹکا کر جھک کر اسے پروپوز کردیا اور انگوٹھی بھی پیش کردی
ہوشیار کیمرامین کی نظر پڑی تو اس نے کیمرا کھیل سے ہٹا کر اس جوڑے پر مرکوز کردیا ۔یک دم سب تماشائیوں کا رخ اس لڑکے لڑکی یا سکرینوں کی طرف ہوگیا. کھلاڑیوں نے محسوس کیا کہ انہیں کوئی نہیں دیکھ رہا تو ان میں سے کچھ بھی وہ ڈرامہ دیکھنے لگے.
کمنٹیٹر ایڈم گلکرسٹ نے بھی (لڑکی سے) کہا
’ پلیز، ہاں کردو ۔‘
پھر لڑکی نے” ہاں” کہا تو دونوں بغل گیر ہوگئے. تماشائیوں نے بھی انھیں مبارکباد دی۔
گلین میکسویل سمیت کچھ آسٹریلوی کھلاڑیوں نے تالیاں بجا کر جوڑے کو مبارکبار پیش کی۔
بعد ازاں کرکٹ آسٹریلیا نے اس جوڑی یعنی دیپن اور روزی کا انٹرویو کیا۔ انٹرویو میں بتایا گیا کہ دیپن کا خاندان انڈیا میں یہ میچ دیکھ رہا ہوگا اور انھوں نے بھی ضرور یہ منظر دیکھا ہوگا۔
روز نے کہا انھیں اس منصوبے کے بارے میں علم نہیں تھا لیکن اب وہ بہت خوش ہیں۔
دیپن نے بتایا ” ہم دونوں کرکٹ کے شوقین ہیں اور اس کام کے لیے اس سے بہتر جگہ نہیں ہو سکتی تھی۔ ہم ڈیڑھ سال سے دوست ہیں. لیکن شادی کی پیشکش کیلئے ایک ماہ سے سوچ رہا تھا۔”
ایک سوال پر روز نے کہا شادی پر وہ سٹیڈیم میں موجود تمام لوگوں کو مدعو کرنا چاہیں گی۔
سوشل میڈیا پر اکثر لوگ اس جوڑے کو مبارکباد پیش کر رہے ہیں۔ لیکن یہ بھی کہا جا رہا ہے کہ اگر لڑکی نہ کردیتی تو سارے منصوبے پر پانی پھر جاتا۔
کسی نے لکھا ’درحقیقت یہ میچ انڈیا جیت گیا ‘
ایک اور نے لکھا کہ ’یہ واحد انڈین ہے جو آج کچھ جیت کر گھر لوٹے گا۔‘
اس واقعے کی ویڈیو سڈنی کرکٹ گراؤنڈ کے آفیشل ٹوئٹر ہینڈل پر بھی لگائی گئی اور لکھا گیا ہے کہ
’یہاں خواب پورے ہوتے ہیں۔‘
30 نومبر 2020
Wall of Salem Malik
#Lahore world























