نمبر: بی آئی ای/پی آر/193/ 2024 تاریخ: 29 نومبر 2024ء
پریس ریلیز
اعلیٰ ثانوی تعلیمی بورڈ کراچی نے سرکاری و نجی تعلیمی اداروں کے انٹرمیڈیٹ حصہ اول (فریش) اور حصہ اول (Repeaters) کے سائنس پری میڈیکل، پری انجینئرنگ، سائنس جنرل، کامرس، آرٹس، ہوم اکنامکس گروپس اور میڈیکل ٹیکنالوجی کے سالانہ امتحانات برائے 2025ء میں شرکت کے اہل اور خواہشمند امیدواروں کے امتحانی فارم جمع کروانے کیلئے بروز منگل 3 دسمبر 2024ء سے تاریخوں کا اعلان کردیا ہے۔
تفصیلات کے مطابق سرکاری تعلیمی اداروں کے انٹرمیڈیٹ حصہ اول (فریش) کے سائنس پری میڈیکل، پری انجینئرنگ، سائنس جنرل، کامرس، آرٹس اور ہوم اکنامکس گروپس کے سالانہ امتحانات برائے 2025ء میں شریک ہونے کے اہل امیدوار اپنے امتحانی فارم بروز منگل 3 دسمبر 2024ء سے بروز جمعہ 31 جنوری 2025ء تک اپنے تعلیمی اداروں میں جمع کرواسکتے ہیں۔ کالجز اور ہائر سیکنڈری اسکول تمام امتحانی فارم بروز پیر 3 فروری، بروز منگل 4فروری اور بروز جمعرات 6 فروری 2025کو اپنے نمائندوں کے ذریعہ بورڈ آفس کے اکاؤنٹس سیکشن میں جمع کروانے کے پابند ہوں گے۔رواں سال 2025ء میں بھی وزیراعلیٰ سندھ کی ہدایت پرتمام سرکاری کالجز اور ہائر سیکنڈری اسکولوں کے ان طلباء کی فیس معاف کردی گئی ہے جو پہلی دفعہ انٹرمیڈیٹ حصہ اول کے امتحانات میں شرکت کررہے ہیں، لہٰذا سرکاری تعلیمی اداروں کے طلباء بغیر کسی فیس کے امتحانی فارمز جمع کرواسکتے ہیں۔
سرکاری تعلیمی اداروں کے ایسے امیدوار جو انٹرمیڈیٹ حصہ اول کے دوبارہ امتحانات دینا چاہتے ہیں وہ اپنے امتحانی فارم 3100 روپے فیس (بغیر لیٹ فیس) کے ساتھ بروز منگل 3 دسمبر 2024ء سے بروز پیر 6 جنوری 2025ء تک اپنے کالجوں میں جمع کرواسکتے ہیں۔ کالجز امتحانی فارمز اور فیسوں کا پے آرڈر بروز بدھ 8جنوری 2025ء تک بورڈ آفس کے اکاؤنٹس سیکشن میں جمع کروانے کے پابند ہوں گے۔ایسے امیدوار جو درج بالا تاریخوں میں اپنے امتحانی فارم جمع نہیں کرواسکیں وہ 500روپے لیٹ فیس کے ساتھ بروز منگل 7 جنوری سے بروز جمعہ 17جنوری 2025ء تک جبکہ ایک ہزار روپے لیٹ فیس کے ساتھ بروز پیر 20 جنوری سے بروز جمعرات 6فروری 2025ء تک اپنے امتحانی فارمز جمع کرواسکتے ہیں۔
نجی تعلیمی اداروں کے انٹرمیڈیٹ حصہ اول (فریش) کے سائنس، کامرس، آرٹس اور میڈیکل ٹیکنالوجی کے امیدوار اپنے امتحانی فارم 3100 روپے فیس (بغیر لیٹ فیس) کے ساتھ بروز منگل 3 دسمبر 2024ء سے بروز پیر 6 جنوری 2025ء تک اپنے کالجوں میں جمع کرواسکتے ہیں۔ کالجز امتحانی فارمز اور فیسوں کا پے آرڈر بروز بدھ 8جنوری 2025ء تک بورڈ آفس کے اکاؤنٹس سیکشن میں جمع کروانے کے پابند ہوں گے۔ایسے امیدوار جو درج بالا تاریخوں میں اپنے امتحانی فارم جمع نہیں کرواسکیں وہ 500روپے لیٹ فیس کے ساتھ بروز منگل 7 جنوری سے بروز جمعہ 17جنوری 2025ء تک جبکہ ایک ہزار روپے لیٹ فیس کے ساتھ بروز پیر 20 جنوری سے بروز جمعرات 6فروری 2025ء تک اپنے امتحانی فارمز جمع کرواسکتے ہیں۔
سرکاری و نجی تعلیمی اداروں کو جمع کروائے جانے والے امتحانی فارمز کی مکمل فہرست بھی تعلیمی اداروں کے سربراہ کے دستخط کے ساتھ جمع کروانا ہوں گی۔ امتحانی فارمز اعلیٰ ثانوی تعلیمی بورڈ کراچی کی آفیشل ویب سائٹ www.biek@edu.pk سے بھی ڈاؤن لوڈ کیے جاسکتے ہیں۔
