پریس ریلیز
احمد منہاج نے چیئر مین سید محمد مظفر اور وائس چیئر مین نعمان صدیقی کو اپنی پہلی کتاب “دردکی چھاؤں “پیش کی۔
نظموں کی کتاب “درد کی چھا ؤں “ایک منفرد اظافہ ہے،سیدمحمد مظفر
مورخہ: 29 / نومبر2024
کراچی ( )چیئرمین ناظم آباد ٹاون سید محمد مظفر کی معروف قلم کار اور شاعر جناب احمد منہاج کی ہمارا ناظم آ با د پیج کے بانی و ایڈمن اشعر صبہان کے ساتھ چیئر مین کے دفتر میں ملاقات۔اس موقع پر وائس چیئر مین نعمان صدیقی،ڈپٹی ڈائریکٹر ا یا ز عارف،ہمارا ناظم آ با د پیج کے بانی و ایڈمن اشعر صبہان و دیگر افسران بھی موجو د تھے۔تفصیلا ت کے مطابق احمد منہاج کی پیدائش کراچی کے ایک غیر معروف گھرانے میں ہوئی مگر ان کے والد صاحب چونکہ بذات خود سیاست سے لے کر تاریخ تک ایک کتب کی باقاعدہ لائبریری تھے،، تو وہیں سے احمد منہاج کو کتب بینی کا شوق پروان چڑھا جو بلا ٓخر شعوری طور پر قلم تک جا پہنچا،احمد منہاج کی ملک کے مختلف اخبارات میں شاعری اور مضامین کے حوالے سے مختلف تحاریر بھی چھپ چکی ہیں، جن میں درد کی چھاؤں احمد منہاج کی پہلی کتاب ہے جس کو خاص ایسی نظموں سے مزین کیا گیا ہے جو قاری کی آنکھوں سے دل میں اترتے ہوئے جہاں سے گزرتی ہیں اپنا اثر چھوڑ جاتی ہیں۔ احمد منہاج کی لکھی گئی نظمیں یقیناً آپ کو ایک خاص کیفیت میں گھیرے رکھیں گی اور اسی کیفیت کا نام ہے درد کی چھاؤں۔ احمد منہاج نے چیئر مین سید محمد مظفر کو اپنے خیالا ت کا اظہا ر کرتے ہوئے بتا یا کہ لکھنے کی ابتدا آج سے 28 سال پہلے سن 1995 میں ایک ہی رات لکھی جانے والی دو غزلوں سے کی تو گویا خوشی کا کوئی ٹھکانہ نہیں تھا، ساری رات اسی خوشی میں جاگ کر گزاری کہ جلدی صبح ہو تو کسی کو بتاؤں کہ میں بھی لکھ سکتا ہوں۔احمد منہاج نے چیئر مین سید محمد مظفر کی طرف سے لائبریریز کے حوالے سے کئے گئے اقدامات کو سراہا۔اس موقع پر چیئرمین ناظم آباد ٹاون سید محمد مظفر نے گفتگو کرتے ہوئے کہا کہ تعلیم اور کتب خانے ایک دوسرے کے لیے لازم وملزوم ہیں، طلباء و طالبات اور مطالعے کے شوقین افراد کے لئے ایک اچھی لائبریری اور مختلف علوم و فنون کی کتابوں پر مشتمل کتب خانے کا ہونا ضروری ہے،دنیا کی کوئی بھی ترقی یافتہ قوم لائبریری سے بے نیاز نہیں رہ سکتی، لائبریری کی اہمیت و افادیت سے کسی کو انکار نہیں ہوسکتا۔ لائبریری میں اساتذہ اور ہر عمر، ذوق اور صلاحیت کے بچوں کے لیے مفید اور ضروری کتب کا ذخیرہ ہونا چاہیے جس میں ہر سال نئی کُتب کا اضافہ ہونا چاہیے تاکہ قارین کو نئی آنے والی کُتب سے استفادہ حاصل کرنے میں آسانی ہو۔
جاری کردہ:۔
فہیم مصطفی
ڈائریکٹر انفارمیشن
ناظم آ با د ٹاؤن،کراچی
