یونیورسٹی آف ایجوکیشن، لاہور میں دو روزہ پانچویں بین الاقوامی کانفرنس برائے میٹریل سائنسز کامیابی کے ساتھ اختتام پذیر ہوگئی۔ اس کانفرنس میں 100 سے زائد لیکچرز، پوسٹر پریزنٹیشنز اور تحقیقی مقالے پیش کیے گئے۔ کانفرنس کا اہم حصہ پینل ڈسکشن تھا، جس میں معروف سائنسدانوں، بشمول ڈاکٹر فیض الحسن، ڈاکٹر یار محمد، ڈاکٹر خالد احمد خالد، ڈاکٹر شاہد لطیف اور ڈاکٹر محمد عالم سعید نے میٹریل سائنسز میں ترقی کے جدید حل پر اپنے خیالات کا اظہار کیا۔ ان کی گفتگو نے حاضرین کو قیمتی معلومات فراہم کیں اور اس میدان کی انقلابی صلاحیت کو اجاگر کیا۔
اختتامی تقریب سے خطاب کرتے ہوئے وائس چانسلر پروفیسر ڈاکٹر عاکف انور چوہدری نے ایجوکیشن یونیورسٹی کی تحقیقی کامیابیوں پر روشنی ڈالی۔ انہوں نے کہا کہ ایجوکیشن یونیورسٹی موثر تحقیق فراہم کرنے اور ترقی کے مواقع سے فائدہ اٹھانے کے لیے پرعزم ہے تاکہ معیاری رہنمائی فراہم کی جا سکے۔ کانفرنس میں 500 سے زائد شرکاء نے شرکت کی، جن میں 150 ممتاز کلیدی مقررین، ماہرین، اور تجزیہ کار شامل تھے۔ یہ شرکاء آسٹریلیا، برطانیہ، تائیوان، سعودی عرب، چین، الجیریا، ملائیشیا، پیرو، مصر، جنوبی کوریا، مراکش اور پاکستان سمیت 15 ممالک سے آئے تھے۔ اس عالمی اجتماع میں میٹریل سائنسز کے ابھرتے ہوئے چیلنجز اور مواقع پر تبادلہ خیال کیا گیا، خاص طور پر مصنوعی ذہانت، معاشی صنعتوں، تجارتی جدتوں، اور نینو ٹیکنالوجی کے جدید اطلاق پر توجہ مرکوز کی گئی۔ فزکس ڈیپارٹمنٹ کے چیئرمین ڈاکٹر فہیم خورشید بٹ نے اجلاس کی نظامت کی۔ انہوں نے کہا کہ یہ تقریب تعلیمی یونیورسٹی کی عالمی اشتراک کو فروغ دینے اور پائیدار اور جدید تحقیق کو آگے بڑھانے کے عزم کی عکاسی کرتی ہے۔
==============================
یونیورسٹی آف ویٹرنری اینڈاینیمل سائنسز لا ہو ر کی یونیورسٹی ڈائگا نوسٹک لیبا رٹری اور انسٹی ٹیو ٹ آف مائکرو بیا لو جی نے یو ایم انٹر پرا ئزز کے با ہمی اشتراک سے گزشتہ روز سٹی کیمپس لاہور میں بوائن برو سیلو سز(گائے،بھینسوں سے انسانو ں میں منتقل ہونے والی)بیما ریوں کی روک تھام اور حکمت عملی کے مو ضو ع پر نیشنل سمپو زیم کا انعقاد کیا۔
افتتا حی تقریب کی صدارت وائس چانسلر میری ٹو ریئس پروفیسر ڈاکٹر محمد یونس (تمغہ امتیاز) نے کی جبکہ دیگر اہم شخصیات میں ایمرا ئٹس پروفیسر ڈاکٹر مسعود ربا نی، ڈائریکٹر انسٹی ٹیو ٹ آف مائکرو بیا لو جی پروفیسر ڈاکٹر آفتاب احمد انجم، انچارج یونیورسٹی ڈائگا نوسٹک لیب پروفیسر ڈاکٹر عامر غفور باجوہ، چیف آرگنا ئزر سمپوزیم پروفیسر ڈاکٹر عر فان احمدکے علا وہ تحقیقی کاروں، مویشی پال کسا نو ں، پبلک ہیلتھ پروفیشنلز، سٹیک ہولڈرز، فیکلٹی ممبران اور طلبہ کی بڑ ی تعداد نے شرکت کی۔
تقریب سے خطاب کرتے ہو ئے پروفیسر ڈاکٹر محمد یونس نے کہا کہ برو سیلو سز لائیو سٹاک سیکٹر کے لیئے ایک مہلک بیماری ہے جو دودھ اور گوشت کی پیداوار میں کمی کے ساتھ ساتھ مویشی پال حضرا ت کے لیئے معا شی نقصا ن کا باعث بنتی ہے۔اُ نہو ں نے ایم فل پی ایچ ڈی سکا لرز کو ریسرچ تھیسز لکھنے کے لیئے ایسے مو ضوعات کا انتخاب کرنے کی تاکید کی جس سے لائیو سٹاک اور ڈیری سیکٹرز کو درپیش مسا ئل پر قا بو پا یا جا سکے تا کہ ملک میں لائیو سٹاک سیکٹر کو فعال بنا یا جائے۔اُنہو ں نے معلو ماتی مو ضو ع پر سمپو زیم کا انعقاد کروانے پر آرگنا ئز رکی کاوشو ں کو سراہا نیز کہا کہ میں اُمید کرتا ہو ں سمپو زیم میں ما ہرین لا ئیو سٹاک سیکٹر کو درپیش مسا ئل زیر بحث لا ئیں گے اور ایک دوسرے کے ساتھ اپنے تجر بات شیئر کر کہ اُن مسا ئل کا حل بھی تلا ش کریں گے۔
پروفیسر ڈاکٹر عامر غفور باجوہ نے کہا کہ ویٹر نری یونیورسٹی کی ڈائگا نوسٹکس لیب پاکستان کی پہلی ISO 17025 ایکریڈیٹڈ لیبار ٹری ہے جو کہ اُبھرتی ہو ئی بیماریو ں کی ما نیٹرنگ کے ساتھ ساتھ لا ئیو سٹاک فارمرز کے جا نوروں میں پا ئی جانے والی بیما ریو ں کی تشخیصی سروسز مہیا کر رہی ہے۔ پروفیسر ڈاکٹر عر فان احمد نے سمپو زیم کے اغرا ض و مقا صد کے بارے بتا تے ہو ئے کہا کہ سمپو زیم کا مقصد پروفیشنلز اور مویشی پال کسا نو ں کے درمیان برو سیلو سز بیما ری کو جانوروں کے ریوڑ میں شنا خت کرنے اور متا ثرہ جانورکے علا ج سے متعلقہ طریقہ کار کے بارے میں آ گاہی پھیلا نا ہے۔
ایک روزہ سمپو زیم میں ماہرین نے شر کا کو بروسیلوسز بیماری کی پاکستان میں مو جودہ صورتحا ل، بوائن بروسیلوسز کا دودھ اور گوشت کی پیداوار اور منا فع پر اثرات، بوائن بروسیلوسز کی تشخیص،بوائن بروسیلوسزکے خلاف کاوشوں، علاج کے چیلنجز، تدارک کے لیئے حا لیہ پیش رفت اور تحقیق سے متعلقہ مختلف مو ضو عات پر تفصیلی لیکچرز دیے۔ سمپو زیم کے دوران مویشی پال کسا نو ں اور ماہرین کے درمیان پینل ڈسکشن کا بھی انعقاد ہوا۔
==================================
وزیراعلی پنجاب کی ہدایت پر صوبائی وزیر صحت خواجہ عمران نذیر نے سبزہ زار میں ڈسپنسری اور کھاڑک اور سیدپور میں لگائے گئے کلینک آن ویلز کیمپوں کا دورہ کیا۔سابق ایم این اے مہر اشتیاق احمد بھی ہمراہ تھے۔صوبائی وزیر صحت اربن ڈسپنسری میں لیبرروم، میڈیسن سٹور میں گئے، ادویات کا سٹاک اور دیگر طبی سہولیات کا جائزہ لیا۔انہوں نے گائنی مریضوں کے ریکارڈ چیک کیا اور ان سے ادویات اور دیگر سہولیات کا پوچھا۔صوبائی وزیر صحت خواجہ عمران نذیر نے ڈسپنسری میں آنیوالے ایک
ایک مریض سے فون پر بات کرکے طبی سہولیات سے متعلق پوچھا جس پر مریض نے شکایت کی کہ ان سے ڈیلوری کی ادویات، دیگر سامان باہر سے منگوایا گیا ہے۔اس شکایت پر وزیر صحت کا سخت نوٹس لیتے ہوئے سی او ہیلتھ لاہور کو واقعہ کی انکوائری کرکے 24 گھنٹے میں رپورٹ دینے کی ہدایت کی۔خواجہ عمران نذیر نے ادویات اور دیگر سامان باہر سے منگوانے پر عملہ پر برہمی کا اظہار کیا۔ انہوں نے کہا کہ ادویات، سامان باہر سے منگوانا ناقابل برداشت یے۔ صوبائی وزیر صحت کا کہنا ہے کہ وزیر اعلی پنجاب کی ہدایت کے مطابق تمام مریضوں کو ادویات، ٹیسٹوں کی سہولیات مفت دستیاب ہوں گی۔صوبائی وزیر صحت خواجہ عمران نذیر کھاڑک، اعوان ٹاؤن اور سیدپور میں کلینک آن ویلز کیمپوں میں گئے۔ اس موقع پر سابق ایم این اے مہر اشتیاق احمد نے بھی شوگر، ہیموگلوبن کے ٹیسٹ کروائے۔خواجہ عمران نذیر نے مریضوں سے وائٹلز، بلڈ سکریننگ، ادویات کی فراہمی سے متعلق دریافت کیا۔انہوں نے کہا کہ کلینک آن ویلز کیمپوں میں بچوں کی ٹائپ ون شوگر ٹیسٹ بھی کئے جا رہے ہیں۔
=============================
گورنر پنجاب سردار سلیم حیدر خان نے کہا ہے کہ نوجوان نسل کو نشے جیسی برائی سے بچانا اور صحت مند تعلیمی ماحول مہیا کرنا اولین ترجیح ہے،دسمبر میں منعقد ہونے والی وائس چانسلرز کانفرنس میں منشیات جیسے اہم مسئلے پر بھی بات کریں گے یہ بات انہوں ڈرگ ایڈوائزری ٹریننگ حب کے 6 رکنی وفد سے بات کرتے ہوئے کہی وفد کی قیادت کنسلٹنٹ انسدادِ منشیات مہم سید ذوالفقار حسین نے کی۔ گورنر پنجاب نے کہا کہ ڈرگ ایڈوائزری ٹریننگ حب کا نوجوانوں کو نشہ کی لت سے بچانا قابلِ ستائش ہے انہوں نے کہا کہ منشیات کے بڑھتے ہوئے رجحان کو روکنے کے لیے ڈرگ ایڈوائزری ٹریننگ حب کا ساتھ دیں گے۔اس موقع پر سید ذوالفقار حسین نے تعلیمی اداروں میں منشیات کے خلاف جاری آگاہی مہم، سڑکوں باغوں پارکوں پر پڑے عادی افراد، علاج معالجے کی سہولیات و دیگر امور پر آگاہ کیا۔وفد میں ڈائریکٹر میاں شاہد محمود، سید محسن، عدیل راشد، ڈاکٹر شعیب ظفر، عقیلہ بٹ سمیت دیگر حکام کی شرکت.
================================
وائس چانسلر پنجاب یونیورسٹی, جی سی یو لاہور ڈاکٹر محمد علی نے یونیورسٹی آف انجینئرنگ اینڈ ٹیکنالوجی لاہور کا دورہ کیا اوریو ای ٹی کے نو منتخب وائس چانسلر پروفیسر ڈاکٹرشاہد منیر(تمغہ امتیاز)سے ملاقات کی۔ڈاکٹر محمد علی نے یو ای ٹی کے وائس چانسلر کا منصب سنبھالنے پر انہیں مبارکباد پیش کی۔وی سی آفس میں ملاقات کے دوران انہوں نے یونیورسٹی کی ترقی و استحکام کیلئے اسے جدید خطوط پر استوار کرنے کے حوالے سے تبادلہ خیال کیااور اپنے تجربات بیان کئے۔انہوں نے ہائیر ایجوکیشن کی ترقی، اسکو درپیش چیلنجز اور نئی اختراعات میں ریسرچ کلچر کی اہمیت پر گفتگوکی اور امید ظاہر کی کہ ڈاکٹرشاہد منیر کی قیادت میں یو ای ٹی علم و تحقیق کے میدان میں نمایاں مقام حاصل کرے گی۔وائس چانسلرڈاکٹر شاہد منیرنے مستقبل میں ڈاکٹر محمد علی کی رہنمائی اور مشاورت سے مستفید ہونے کا عزم بھی کیا۔
