لاہور(جنرل رپورٹر) ریڈیو کلینک میں ملک کے معروف کارڈک سرجن اور سابق چیف ایگزیکٹو پنجاب انسٹیٹیوٹ آف کارڈیالوجی پروفیسر انجم جلال کی شرکت ،میزبان اور پروڈیوسر مدثر قدیر تھے ۔اس موقع پر گفتگو کرتے ہوئے پروفیسر انجم جلال کا کہنا تھا کہ آج کل 40سال اور اس سے کم عمر لوگوں میں دل کے امراض کی بنیادی وجہ خون کی شریانوں میں کولیسٹرول جمنے کی وجہ سے پیدا ہورہی ہیں جس کے باعث دل کے دورہ کا احتمال بڑھ جاتا ہے،جس کو خطرہ کی گھنٹی میں شمار کیا جاتا ہے اور یہ اموات کی بڑی شرح شمار کیا جاتا ہے۔پروفیسر انجم جلال نے بتایا کہ اس کی سب سے بڑی وجہ ہمارےلائف اسٹائل کے ساتھ جڑی ہےجس کے چار فیکٹرز ہیں جن میں اول خون کی نالیوں میں کولیسٹرول کا جمنا،دوئم سگریٹ نوشی کا بڑھتا رجحان،سوئم بلڈ پریشر کا
کنٹرول نہ ہونااور آخری سب سے اہم ذیابیطس کے مرض میں مبتلا ہونا ہے ان فیکٹرز کو دنیا بھر کی تمام دل سے متعلقہ تنظیمیں اپنے
منشور میں شمار کرتی ہیں۔ان کا کہنا تھا کہ ملک کا ہر تین فرد میں سے ایک شوگر کے مرض میں مبتلا ہے جس کی پیچیدگی وجہ سے اسے دل کے امراض سمیت گردوں اور فالج جیسے مرض کا سامنا کرنا پڑ سکتا ہے۔پروفیسر انجم جلال نے سامعین کو آگاہ کرتے ہوئے بتایا کہ اپنے لائف اسٹائل کو بدلتے ہوئے آسانی اپنائیں اور ایسی تمام چیزیں جو آرٹیفیشل ہیں ان کا استعمال ترک کردیں اور ساتھ ہی اپنی روزانہ کی روٹین میں ورزش،چہل قدمی کو جگہ دیں تاکہ دل کے امراض سے بچاؤ ممکن بنایا جاسکے۔
