کراچی( )واٹر کارپوریشن میں گریڈ 16 تا گریڈ 20 کے افسران کے لیے حج قرعہ اندازی تقریب ایم ڈی سیکریٹریٹ کارساز میں منعقد ہوئی قرعہ اندازی میں 5 خوشنصیب افسران حج سعادت کے لیے کامیاب ہوئے تقریب کے مہمانِ خصوصی سی او او واٹر کارپوریشن انجینئر اسداللہ خان اور صدر انجینئرز و آفیسرز ایسوسی ایشن ندیم احمد کرمانی تھے تقریب میں محمد ثاقب سید سردار شاہ انتخاب احمد راجپوت محمد امین تغلق اور ساجد نظام سمیت دیگر افسران موجود تھے اس موقع پر سی او او واٹر کارپوریشن نے حج قرعہ اندازی میں کامیاب ہونے والے تمام افسران کو دل کی گہرائیوں سے مبارکباد پیش کرتے ہوئے کہا کہ واٹر کارپوریشن کی انتظامیہ اپنے افسران و ملازمین کے لیے کام کرنا چاہتی ہے اور اس ضمن میں انتظامیہ کی جانب سے بھرپور اقدامات کیے جارہے ہیں کیونکہ ملازمیں ہمارا اثاثہ ہے انہوں نے کہا شہریوں کو فراہمی و نکاسی آب کی بہتر سہولیات فراہم کرنا ہماری اولین ترجیحات میں شامل ہے اور اس حوالے سے مختلف منصوبوں پر تیزی سے کام جاری ہے انہوں نے واٹر کارپوریشن کی آمدنی میں ریکارڈ اضافہ کرنے پر تمام افسران و ملازمین کو خراج تحسین پیش کرتے ہوئے کہا کہ ہم ایک نئے جذبے نئے عزم اور نئی پہچان کی طرف گامزن ہے انہوں نے حج کی سعادت پر جانے والے افسران سے کہا کہ وہ واٹر کارپوریشن سمیت شہر قائد اور وطن عزیز کی ترقی و خوشحالی کے لیے خصوصی دعائیں کریں حج قرعہ اندازی میں کامیابی حاصل کرنے والے افسران میں چیف کیمسٹ کاشان احمد اسسٹنٹ اکائونٹس آفیسر فنڈ سیکشن محمد سہیل ایگزیکٹو انجینئر گلشن عمران حسن ایگزیکٹو انجینئر ڈزائن نہال اسحاق اور اسسٹنٹ ایگزیکٹو انجینئر بن قاسم ممتاز علی جبکہ اسٹینڈ بائی پر انسپیکٹر گلشن اکرم بیگ اور ڈویژنل اکاؤنٹنٹ آفیسر پینشن ایس ماجد علی شامل ہیں۔
====================================
کراچی( ) سی ای او واٹر کارپوریشن انجینئر سید صلاح الدین احمد اور سی او او واٹر کارپوریشن انجینئر اسداللہ خان نے ڈویژنل اکاؤنٹنٹ آفیسر واٹر کارپوریشن میر حسن منگی کے انتقال پر گہرے دکھ کا اظہار کرتے ہوئے ان کے لواحقین سے تعزیت کا اظہار کیا انکا کہنا تھا کہ دکھ کی اس گھڑی میں واٹر کارپوریشن کے تمام افسران و ملازمین مرحوم کے اہل خانہ کے ساتھ برابر کے شریک ہیں انہوں نے دعا کی کہ اللہ تعالیٰ مرحوم کی کامل مغفرت فرمائے اور ان کے اہل خانہ کو یہ صدمہ برداشت کرنے کی توفیق عطا فرمائے۔
==============================
کراچی( )سی ای او واٹر کارپوریشن انجینئر سید صلاح الدین احمد کی ہدایت پر واٹر کارپوریشن حکام نے ملیر ہالٹ میں لیک ہونے والی لائن کا مرمتی کام مکمل کرلیا واضح رہے کہ گزشتہ روز درخشاں سوسائٹی ملیر ہالٹ ماڈل زون ضلع کورنگی میں پانی کی 16 انچ ڈایا لائن لیک ہوگئی تھی سی ای او واٹر کارپوریشن نے لائن کی فوری مرمت کرنے کے احکامات جاری کیے تھے جو مکمل کرلیا گیا ہے۔
کراچی( )اینٹی تھیفٹ سیل واٹر کارپوریشن نے پاکستان رینجرز کے ہمراہ پانی چوروں کے خلاف کاروائی کرتے ہوئے نیو کراچی انڈسٹریل ایریا سیکٹر 6 میں پانی چوری کے لیے بنائے گئے غیر قانونی ہائیڈرنٹ کو مسمار کردیا حکام کے مطابق پانی چوروں نے نیو کراچی انڈسٹریل ایریا کی 6 اور 8 انچ کی لائنوں سے دو غیر قانونی کنکشن لگائے ہوئے تھے جنہیں منقطع کیا گیا ہے غیر قانونی کنکشن کے باعث نیو کراچی انڈسٹریل ایریا میں پانی کی فراہمی متاثر ہورہی تھی جبکہ غیر قانونی کنکشن منقطع ہونے کے بعد نیو کراچی انڈسٹریل ایریا میں پانی کی فراہمی میں بہتری آئے گی حکام نے بتایا کہ واٹر ٹینکر کے ساتھ بھاری مشینری اور غیر قانونی ہائیڈرنٹ میں استعمال ہونے والے دیگر سامان کو بھی قبضے میں لے لیا گیا ہے اور پانی چوروں کے خلاف قانونی کارروائی کے لیے متعلقہ تھانے میں رجوع کیا گیا ہے۔
