نشتر پارک میں یوم تاسیس ایک نئی تاریخ رقم کریگا۔ شہید ذولفقار علی بھٹو کا لگایا ہوا پودا تناور درخت بن چکا ہے۔ اسکی جڑوں میں قیادت کا لہو شامل ہے۔ جیالے دن عزم کے ساتھ منائیں گے۔ شہنیلہ خانزادہ سینئر سیاست داں پی پی پی و نائب صدر آزاد رائٹرز فورم پاکستان
کراچی (ابرار احمد صدیقی / ڈسٹرکٹ رپورٹر) ۔ شہنیلہ خانزادہ سینئر سیاست داں پی پی پی و نائب صدر آزاد رائٹرز فورم پاکستان نے کہا ہے کہ نشتر پارک میں یوم تاسیس ایک نئی تاریخ رقم کریگا۔ شہید ذولفقار علی بھٹو کا لگایا ہوا پودا تناور درخت بن چکا ہے۔ اسکی جڑوں میں قیادت کا لہو شامل ہے۔ جیالے دن عزم کے ساتھ منائیں گے۔ انہوں نے تیاریوں کے سلسلے میں منعقدہ اجلاس میں کہا کہ پیپلز یوتھ، سارے ونگ دن کو شاندار طریقے سے منائیں گے۔ ہم پاکستان کی پہلی جمہوری پارٹی ہیں جس نے عوام میں سیاسی اور حقوق کا شعور بیدار کیا۔ قائد عوام کو شہید کردیا گیا لیکن قافلہ نہیں رکا۔ بے نظیر بھٹو نے والد کی پیروی کی۔ آصف علی زرداری نے ناکردہ گناہوں کی سزا بھگتی لیکن ملک کو پاکستان کھپے کا نعرہ دیا۔ بلاول بھٹو کا ویژن ملک کی سلامتی خوشحالی اور نانا اور والدہ کے ویژن کی جیت پر مبنی ہے۔ 26وین آئینی ترمیم سے محترمہ کا خواب پورا ہوا۔ آئندہ حکومت میں بلاول وزیر اعظم ہوں گے۔ عوام سب کام چھوڑ کر جلسے میں شریک ہوں گے۔ جئے بھٹو اور جئے بلاول کے نعرے گونجیں گے۔ یوتھ ونگ کے زبیر قریشی نے کہاکہ نوجوان پارٹی کی جان ہیں اور وہ یوم تاسیس پورے جوش جزبے سے منائیں گے۔ رہنما پی پی پی ایان سمید نے کہاکہ پی پی پی انقلاب کا نام ہے اور انقلاب بلاول بھٹو ہیں۔ قافلے بڑی تعداد میں جلسے میں شریک ہو کر پارٹی وکرز اورقائدین کا لہو گرمائیں گے۔ شہید قائد عوام اور شہید رانی سمیت تمام شہداء کو سلام عقیدت پیش کریں گے۔
