وزرائے صحت پنجاب خواجہ سلمان رفیق اور خواجہ عمران نذیر نے وزیرِ اعظم پاکستان میاں محمد شہباز شریف کے سابق پرسنل اسٹاف افسر اور سابق ڈائریکٹر کمپلینٹ سیل وزیرِ اعلیٰ پنجاب، چودھری بشیر احمد گوندل کی گنگا رام ہسپتال میں عیادت کی اور پھولوں کا گلدستہ پیش کیا۔
چودھری بشیر احمد گوندل کو نمونیا کی شکایت کے باعث ہسپتال میں داخل کیا گیا۔ ان کی حالت میں اب بہتری آ رہی ہے۔اس موقع پر دونوں وزرائے صحت نے چودھری بشیر احمد گوندل کو پھولوں کا گلدستہ بھی پیش کیا اور ان کے لیے نیک تمناؤں کا اظہار کیا۔
چودھری بشیر احمد گوندل، میاں محمد شہباز شریف کے دونوں ادوار میں بطور پرسنل اسٹاف افسر خدمات انجام دیتے رہے۔ وہ ڈائریکٹر کمپلینٹ سیل کے عہدے پر بھی فائز رہے، جہاں انہوں نے اپنی دیانتداری اور محنت سے عوامی مقبولیت حاصل کی۔ ان کی پوری زندگی خدمت کا نمونہ رہی۔چودھری بشیر احمد گوندل نے اپنی زندگی کے تجربات کو “قریبی مشاہدہ” کے نام سے ایک کتاب میں تحریر کیا ہے۔ اس کتاب میں انہوں نے میاں محمد شہباز شریف کی بہترین گورننس اور عوامی خدمات پر روشنی ڈالی ہے، جو ان کے ذاتی مشاہدات پر مبنی ہیں۔اس موقع پر سابق ڈائریکٹر جنرل ہیلتھ ڈاکٹر زاہد پرویز ، وائس چانسلر فاطمہ جناح میڈیکل یونیورسٹی پروفیسر خالد مسعود گوندل، ایم ایس ڈاکٹر عارف افتخار،ڈاکٹر وقاس اسلم،ڈاکٹر ادریس شبیر،پروفیسر تنویر،قیصر محمود گوندل اور ڈاکٹر شہزاد مغل بھی موجود تھے.چودھری بشیر احمد گوندل کی صحت میں مزید بہتری کے لیے دعا کی گئی اور ان کے خدمات کو سراہا گیا۔
