نیشنل بینک آف پاکستان سے جعلی کرنسی نوٹ اسٹیٹ بینک آف پاکستان میں جمع کروانے کی کوشش ناکام ہوگئی ، اسٹیٹ بینک نے نیشنل بینک پر 20 کروڑ روپے کا جرمانہ کردیا ،نیشنل بینک کی برانچ سیز کردی گئی ،نیشنل بینک نے دعویٰ کیا ہے کہ یہ نوٹ حبیب بینک سے قرقہ کے لئے نیشنل بینک میں آئے تھے،اسٹیٹ بینک حکام نے تحقیقات شروع کردیں۔
اسٹیث بینک آف پاکستان نے نیشنل بینک آف پاکستان شیخوپورہ ریجن میں واقع حافظ آباد برانچ پر 19 نومبر کو 20 کروڑ روپے جرمانہ عائد کردیا ہے ۔اسٹیٹ بینک آف پاکستان کی جانب سے جاری جرمانے کی دستاویزات کے مطابق نیشنل بینک آف پاکستان نے کرنسی منیجمنٹ اسٹریٹیجی کی سنگین خلاف ورزی کی ہے اور 29 اکتوبر کو حبیب بینک آف پاکستان کے مختلف کیش کاوئنٹرز سے یہ رقم نیشنل بینک میں آئی تھی جسے نیشنل بینک کے
حکام نے بغیر چیکنگ کے اسٹیٹ بینک آف پاکستان کے اکاوئنٹ میں جمع کروادیا جہاں اس کی چھان بین ہوئی تو معلوم ہوا کہ 5000 روپے مالیت کے 400 کرنسی نوٹ جس کی مالیت 20 لاکھ روپے بنتی ہے وہ سب کے سب کرنسی نوٹ جعلی ہیں جس کے بعد اسٹیٹ بینک آف پاکستان نے سرکلر 04/2017کے مطابق نیشنل بینک آف پاکستان کی حافظ آباد برانچ پر 100 فیصد جرمانہ عائد کرتے ہوئے بینک انتظامیہ کو ہدایت کی ہے کہ وہ 20 کروڑ روپے کی رقم سٹیٹ بینک آف پاکستان میں 15 یوم میں جمع کروائیں۔
اسٹیٹ بینک آف پاکستان کی جانب سے عائد جرمانے کی دستاویزات کے مطابق یہ جعلی کرنسی نوٹ قرقے کے لئے حبیب بینک لمیٹڈ کی مختلف برانچوں کے کیش کاوئنٹرز سے نیشنل بینک آف پاکستان میں آئے تھے جس کی چھان بین اور اسٹیٹ بینک آف پاکستان کے قوانین کے مطابق اس کی پیکنگ اور طریقے کار کو اپنانا تھا تاہم اس کی بغیر چھان بین کے یہ رقم اسٹیٹ بینک آف پاکستان منتقل ہوئی جس ہر جرمانہ عائد کیا گیا اور یہ تاریخ ۔یں پہلی بار جعلی کرنسی نوٹ جمع کروانے ہر اتنا بڑا جرمانہ نیشنل بینک آف پاکستان پر عائد ہوا ہے۔
اسٹیٹ بینک آف پاکستان نے نیشنل بینک آف پاکستان کی حافظ آباد برانچ کو سیز کر دیا ہے اور تحقیقات کا آغاز ہوگیا ہے اور حبیب بینک لمیٹڈ کے کیش کائونٹر کے حوالے سے شواہد ملے تو حبیب بینک پر بھی جرمانے اور سزا کا تعین کیا جائے گا۔
نومبر 23, 2024
as-reported-by-Tehqiat
=============
جعلی کرنسی نوٹ جمع کروانے پر اسٹیٹ بینک کا نیشنل بینک پر 20 کروڑ کا جرمانہ
====================================
چیمپئنز ٹرافی کراچی سے لاہور پہنچا دی گئی
انٹرنیشنل کرکٹ کونسل (آئی سی سی) چیمپئنز ٹرافی کراچی سے لاہور پہنچا دی گئی۔
چیمپئنز ٹرافی کو اگلے مرحلے میں افغانستان لے جایا جائے گا۔
ذرائع کے مطابق لاہور میں ٹرافی ٹور سے متعلق شیڈول فائنل نہیں ہوا ہے۔
چمچماتی چیمپئنز ٹرافی کی کراچی کے مختلف مقامات پر رونمائی
چیمپئنز ٹرافی کو لاہور میں پی سی بی ہیڈ کوارٹر پہنچا دیا گیا ہے۔
واضح رہے کہ انٹرنیشنل کرکٹ کونسل (آئی سی سی) چیمپئنز ٹرافی کی چمچماتی ٹرافی کو جمعے کے روز کراچی کے مختلف مقامات پر لے جایا گیا تھا۔
3 روز کراچی کے مختلف مقامات پر دورے کے بعد شہر میں ٹرافی کا ٹور مکمل ہو گیا تھا۔
آئی سی سی چیمپئنز ٹرافی کی یہ ٹرافی شیڈول سے 2 روز قبل بدھ کو ہی کراچی پہنچا دی گئی تھی۔
