وفاق ، پنجاب حکومت چولستان کی زمینوں پر مقامی چولستانیوں کا حق ملکیت تسلیم کرے، مشترکہ اعلامیہ
چولستان کی زمینیں اشرافیہ میں تقسیم کرنے سے خطے میں ًغربت اور بیروزگاری میں اضافے ہورہا ہے ، اعلامیہ
کراچی (اسٹاف رپورٹر ) سرائیکی پروفیشنلز فورم نے چولستانیوں کے حقوق کیلئے سرگرم رہنماء راشد عزیز بھٹہ کی گرفتاری پر شدید الفاظ میں مذمت کرتے ہوئے کہا کہ پنجاب حکومت اوچھے ہتھکنڈے چھوڑکر چولستان کی زمینوں و دیگر وسائل پر مقامی کا حق تسلیم کرے ۔
سرائیکی پروفیشنلز فورم نے مشترکہ بیان میں کہا ہے کہ چولستان میں اشرافیہ میں زمینوں کی بندر بانٹ اور چولستانیوں کی بے دخلی گزشتہ چالیس برس سے جاری ہے جس کی وجہ سے بہاول پور ڈویژن میں غربت و بیروزگاری میں اضافہ ہورہا ہے ۔ انہوں نے کہا کہ چولستان میں اشرافیہ میں اراضی کی اراضی کی تقسیم کا نیا،منصوبہ شروع کیا گیا جس کے تحت ہزاروں ایکڑ اراضی پرائیویٹ سیکٹر کو دی جاری ہیں جبکہ چولستان کینال منصوبے پربھی کام جاری ہے۔
سرائیکی پروفیشنلز فورم کےرہنماؤں نے کہا کہ چولستان میں زمینوں کی بندر بانٹ پر سرائیکی عوام میں شدید تحفظات پائے جاتے ہیں اور اس حوالے سے پنجاب حکومت کی اپروچ غاصبانہ ہے ۔
سرائیکی پروفیشنلز فورم نے مطالبہ کیا کہ چولستان میں پرائیوٹ فارمنگ کے نام پر اشرافیہ میں زمینوں کی تقسیم فوری بند کی جائے اور گزشتہ چالیس میں غیر مقامیوں میں اراضی کی تقسیم کا آڈٹ کرایا جائے اور یہ زمینیں مقامی چولستانیوں میں تقسیم کی جائیں۔
