محکمہ زراعت کے سیکرٹری رفیق احمد برڑو کو ان کے عہدے سے ہٹا دیا گیا۔
سندھ حکومت نے سیکریٹری محکمہ زراعت رفیق احمد برڑو کو عہدے سے ہٹا دیا، سیکریٹری جنرل ایڈمنسٹریشن ڈپارٹمنٹ سہیل احمد قریشی کو چیف سیکریٹری سندھ کی منظوری کے بعد سیکریٹری محکمہ زراعت تعینات کردیا گیا،
نوٹیفکیشن جاری کردیا گیا۔ سروسز ڈیپارٹمنٹ کی طرف سے.
رفیق احمد برڑو کو عہدے سے ہٹائے جانے کی وجوہات فوری طور پر سامنے نہیں ا سکی لیکن ان کے بارے میں کہا جاتا ہے کہ وہ الگ مزاج کے ذہین مگر ضدی افسر ہیں اکثر محکموں میں مختلف پوزیشنوں پر ان کے فیصلے بالاخر ان کے تبادلے پر اختتام پذیر ہوتے ہیں اور اس مرتبہ بھی کچھ زیادہ مختلف صورتحال نظر نہیں آرہی سندھ میں محکموں کے وزیر اپنی مرضی کے فیصلے چاہتے ہیں اور جو سیکرٹری اور افسران ان کے راستے میں رکاوٹ بنتے ہیں ان کو تبدیل کرانے کے لیے دباؤ ڈالا جاتا ہے ۔ مجموعی طور پر رفیق احمد برڑو اچھی شہرت کے حامل افسر ہیں لیکن ان کے ساتھی افسران بھی یہ بات مانتے ہیں کہ وہ زیادہ عرصہ کسی ایک پوزیشن پر رہ نہیں سکتے اور ان کے فیصلوں کی وجہ سے کچھ صورتحال ایسی ضرور پیدا ہو جاتی ہے کہ حکومت کو انہیں تبدیل کرنا پڑتا ہے ۔
