بول نیوز پر 375ملازمین کے 40کروڑ روپے واجب الادا
کراچی (پ ر) کراچی یونین آف جرنلسٹس (کے یو جے)کے صدر اعجاز احمد اور جنرل سیکریٹری لبنیٰ جرار نقوی نے پاکستان الیکٹرانک میڈیا ریگولیٹری اتھارٹی (پیمرا) کے اس فیصلے کا خیرمقدم کیا ہے، جس میں ملازمین کے 40کروڑ روپے سے زائد کے واجبات کی عدم ادائیگی پر بول نیوز کے ٹی وی اشتہارات روکنے کا حکم دیا گیا ہے۔کے یو جے کے راہنمائوں نے اپنے مشترکہ بیان میں وفاقی وزیراطلاعات عطاء محمدتارڑ، سندھ کے وزیر اطلاعات شرجیل انعام میمن اور دیگر متعلقہ حکام سے اپیل کی ہے کہ وہ پیمرا کی جانب سے میسرز لبیک (پرائیویٹ) لمیٹڈ / بول نیوز کے ٹی وی اشتہارات بند کئے جانے کے فیصلےپر عمل درآمد کرتے ہوئے نہ صرف بول نیوز کو سرکاری اشتہارات کا اجراء روکیں بلکہ اشتہاری ایجنسیوں اور نجی تجارتی و کاروباری اداروں کو بھی پابند کریں کہ وہ بھی پیمرا کے اس فیصلے پر عمل درآمد کرتے ہوئے بول نیوز کو اشتہارات جاری نہ کریں۔ انہوں نے کہا کہ ہم منتظر تھے کہ حکومت 19نومبر 2024 ء کو پیمرا کی جانب سے بول نیوز کو جاری کئے گئے تیسرے اور حتمی نوٹس پر کارروائی کرتے ہوئے بول نیوز کے اشتہارات بند کردے گی، مگر ایسا نہیں ہوا! جب کہ مذکورہ ادارے کے ذمے 2015ء سے اب تک پورے پاکستان میں موجود اس کے 375ملازمین کے 40کروڑ، 17لاکھ،49ہزار، 4سو52روپے واجب الادا ہیں، جن میں سے صرف کراچی میں موجود ملازمین کے 10کروڑ روپے سے زائد کے واجبات ہیں۔انہوں نے وفاقی، پنجاب، سندھ، خیبر پختون خواہ، بلوچستان اور گلگت بلتستان کی حکومتوں سے اپیل کی ہے کہ وہ بول نیوز کے ملازمین کے واجبات کی ادائیگی کے لیے پیمرا کے فیصلے پر سختی سے عمل درآمد کروائیں۔
جاری کردہ:
لبنیٰ جرار نقوی
جنرل سیکریٹری،
کراچی یونین آف جرنلسٹس
==============================================
بشرٰی بی بی نے اعلان کیا ہے کہ جب تک عمران خان خود عوام سےخطاب نہیں کرتے 24 تاریخ تبدیل نہیں ہوگی، بانی پی ٹی آئی نے پوری قوم کو 24نومبرکو نکلنے کی کال دی ہے، ہر طبقے کو احتجاج کا حصہ بننے کا پیغام دیا ہے۔ تفصیلات کے مطابق بانی تحریک اںصاف عمران خان کی اہلیہ بشرٰی بی بی نے 24 نومبر کے احتجاج کے حوالے سے پیغام جاری کیا ہے۔
اپنے پیغام میں بشرٰی بی بی نے دعوٰی کیا کہ جبکہ عمران خان ننگے پاوں مدینہ گئے اور واپس آئے تو جنرل باجوہ کو کال آئی کہ یہ کس کو لے آئے ہو؟ ہم تو شریعت کا نظام ختم کرنا چاہتے ہیں، تم شریعت کے ٹھیکے دار لے آئے۔ بشرٰی بی بی نے کہا یہ بات غلط ہو تو جنرل باجوہ کی فیملی سے پوچھ لیں۔ بشریٰ بی بی نے عوام سے 24نومبر کے احتجاج میں شرکت کی اپیل کرتے ہوئے کہا کہ بانی پی ٹی آئی نے پوری قوم کو 24نومبرکو نکلنے کی کال دی ہے، بانی پی ٹی آئی نے ہرطبقے کو احتجاج کا حصہ بننے کا پیغام دیا ہے۔
بانی پی ٹی آئی نےکہا ہے وہ قانون کی بالادستی پر یقین رکھتے ہیں، بانی پی ٹی آئی نے وکلا، ججز کو احتجاج کا حصہ بننے کی دعوت دی ہے، کہا جارہا ہے کہ 24نومبر کی تاریخ تبدیل کردی جائے۔ بشریٰ بی بی نے کہا کہ 24نومبر کی تاریخ کسی صورت تبدیل نہیں ہوگی، جب تک بانی خود تاریخ بدلنے کا اعلان نہیں کرتے تبدیل نہیں ہوگی، جب تک بانی خود عوام سےخطاب نہیں کرتے 24 تاریخ تبدیل نہیں ہوگی۔ انھوں نے کہا کہ ہمارااحتجاج آئین اور قانون کے مطابق ہوگا، ادارے اور پولیس اپنے بچوں پر ظلم کیوں کررہی ہے؟، کیا پاکستان صرف بانی پی ٹی آئی کا ہے؟ کیا قربانیاں بانی پی ٹی آئی نے دینی ہیں؟ کیا بانی کا دل نہیں کرتا کہ وہ آرام کریں؟ ان کوبہت چھوٹی جگہ پررکھا گیا ہے۔
============
نازیبا ویڈیوز کس نے وائرل کی تھیں؟ متھیرا نے کھل کر بتادیا
متھیرا ایک نجی ٹی وی کے پروگرام میں شریک تھیں
پاکستان شوبز کی اداکارہ، ماڈل اور میزبان متھیرا نے اپنی نازیبا ویڈیوز لیک ہونے سے متعلق بڑاانکشاف کیا ہے۔
حال ہی میں متھیرا ایک نجی ٹی وی کے پروگرام میں شریک ہوئیں جہاں انہوں نے شوبز اور ذاتی زندگی کے مختلف پہلووں پر کھل کر بات کی۔
ٹک ٹاکر مسکان چانڈیو کی مبینہ نجی ویڈیوز وائرل
متھیرا سے میزبان نے نازیبا ویڈیوز کے لیک ہونے سے متعلق سوال کیا اداکارہ نے اس کا تفصیل سے جواب دیاکہ وہ ویڈیوز کس نے بنائی اور کیسے لیک ہوئیں۔
متھیرا کا کہنا تھا کہ یہ 2021 کی بات ہے جب ان کی نازیبا ویڈیوز منظر عام پر آئیں یہ ویڈیوز جھنگ کے رہائشی نے ایڈٹ کر بنائی اور اسے 2 ہزار روپے کے اوسط فروخت کرتا رہا جس سے یہ ویڈیوز وائرل ہوئیں۔
متھیرا نے بتایا کہ جب سوشل میڈیا پیجز نے ان ویڈیوز پر خبریں لگائیں تو متھیرا نے ان سے بھی جھگڑا کیا کہ کسی کی ذاتی ویڈیو یا تصویر خبر نہیں ہوتی۔
اداکارہ نے بتایا کہ انہوں نے فوری ایکشن لیتے ہوئے سائبر کرائم سے رابطہ کیا جس کے بعد جھنگ کے مذکورہ شخص کی تفصیلات سامنے آئیں اور اس کے خلاف کارروائی کی گئی۔
متھیرا کا کہنا تھا کہ وہ شخص دیگر لڑکیوں کی بھی نازیبا ویڈیوز فروخت کرتا تھا جو وہ نہیں جانتی کہ اصل ویڈیوز تھیں یا پھر فیک بنائی گئی تھیں تاہم لڑکیوں کیلئے یہ وقت بہت مشکل ہوتا ہے۔ اداکارہ کا کہنا تھا کہ وہ اس کٹھن دور سے آسانی سے نمٹ سکیں کیونکہ وہ ایک مضبوط بیک گراؤنڈ رکھتی ہیں اور انہیں ان کے گھر والوں اور دوستوں کی بھر پور حمایت اور تعاون حاصل ہے۔
متھیرا کے مطابق جب کسی لڑکی کے ساتھ ایسا کوئی واقعہ ہوتا ہے تو اسکی وجہ سے انکی زندگی شدید متاثر ہوتی ہے اور وہ اس بھنور میں دھنستی چلی جاتی ہے۔
یاد رہے کہ نجی ویڈیوز کے لیک ہونے کے تازہ رحجان کی زد میں متھیرا بھی آچکی ہیں۔ اب سے کچھ دن قبل متھیرا کی نجی ویڈیوز سوشل میڈیا پر وائرل ہوئی تھیں جسے اداکارہ نے ڈیپ فیک ویڈیوز قرار دیا تھا جو اے آئی کی مدد سے بنائی گئیں تھیں کیونکہ اداکارہ کے جسم پر کئی ٹیٹوز موجود تھے مگر وائرل ویڈیوز میں کوئی ٹیٹو نہیں تھا۔
=========================================
وفاقی وزیر اطلاعات عطاءاللہ تارڑ کی پاکستان تحریک انصاف کے احتجاج کے حوالے سے اہم گفتگو
تحریک انتشار کے احتجاج کا مقصد ملک میں انتشار پھیلانا ہے، وزیر اطلاعات
خیبر پختونخوا حکومت احتجاج پر سرکاری وسائل کا بے دریغ استعمال کرتی ہے، وزیر اطلاعات
وزارت داخلہ چیف سیکریٹری اور آئی جی خیبر پختونخوا کو خط میں واضح کر چکی ہے کہ سرکاری وسائل بروئے کار نہیں لائے جا سکتے، وزیر اطلاعات
اسٹیبلشمنٹ ڈویژن نے پولیس افسران اور پاکستان ایڈمنسٹریٹو سروس کے افسران پر واضح کر دیا ہے کہ وہ کسی بھی سیاسی سرگرمی میں ملوث نہیں ہو سکتے، وزیر اطلاعات
چیف سیکریٹری خیبر پختونخوا نے بھی صوبے کے تمام افسران کو سیاسی سرگرمیوں میں شمولیت سے منع کیا ہے، وزیر اطلاعات
اسلام آباد ہائی کورٹ نے کسی قسم کے احتجاج اور دھرنے کی اجازت نہیں دی، معاملہ بات چیت سے حل کرنے کی تلقین کی گئی ہے، وزیر اطلاعات
کسی بھی قسم کے احتجاج اور دھرنے کی کوشش غیر قانونی ہوگی، وزیر اطلاعات
اسلام آباد ہائی کورٹ کا آرڈر واضح ہے، وزیر اطلاعات
انتظامیہ سے کہا گیا ہے کہ شہریوں کے جان و مال کا تحفظ یقینی بنایا جائے، وزیر اطلاعات
تحریک انتشار نے احتجاج کرنا ہے تو اپنے صوبے میں احتجاج کرے، وزیر اطلاعات
وفاق پر لشکر کشی سمجھ سے بالاتر ہے، وزیر اطلاعات
کسی قسم کے احتجاج کی اجازت نہیں ہوگی، وزیر اطلاعات
خلاف ورزی کرنے والوں کے خلاف سخت کارروائی کی جائے گی، وزیر اطلاعات
قانون پر ہر صورت مکمل عمل درآمد ہوگا، وزیر اطلاعات
قانون کی خلاف ورزی کرنے والوں کو گرفتار کر کے مقدمات درج کئے جائیں گے، وزیر اطلاعات
یہ سمجھ نہیں آ رہا کہ پی ٹی آئی کا احتجاج کس لئے ہے؟ وزیر اطلاعات
کیا وجہ ہے جب چینی صدر 2014ءمیں پاکستان آ رہے تھے تو انہوں نے دھرنا دیا، وزیر اطلاعات
ایس سی او اجلاس کے موقع پر بھی انہوں نے احتجاج کی کال دی، وزیر اطلاعات
پی ٹی آئی نے ہمیشہ دوست ممالک کے وفود کی آمد کے مواقع پر احتجاج کی کال دی، وزیر اطلاعات
24 نومبر کو بیلاروس کا وفد اور 25 نومبر کو بیلارس کے صدر پاکستان آ رہے ہیں، وزیر اطلاعات
جب بھی بیرون ملک سے کوئی وفد سرمایہ کاری کے لئے پاکستان آتا ہے تو یہ احتجاج کی کال دے دیتے ہیں، وزیر اطلاعات
ہر اہم مواقع پر تحریک انتشار کا احتجاج کیا ملک دشمن ایجنڈا نہیں؟، وزیر اطلاعات
پی ٹی آئی نے 9 مئی کے حملے کئے، وزیر اطلاعات
ان کے جلسوں میں خواتین کے ساتھ بدتمیزی کی جاتی رہی، وزیر اطلاعات
2014ءمیں انہوں نے پارلیمنٹ کا گیٹ توڑا، پی ٹی وی پر حملہ کیا، وزیر اطلاعات
یہ ہمیشہ ملک کو نقصان پہنچانے کی کوشش کرتے ہیں، وزیر اطلاعات
پی ٹی آئی ملک دشمن ایجنڈے پر کاربند ہے، وزیر اطلاعات
کیا یہ اس لئے احتجاج کر رہے ہیں کہ مہنگائی کم ہو رہی ہے، وزیر اطلاعات
کیا یہ اس لئے احتجاج کر رہے ہیں کہ شرح سود کم ہوئی ہے، ترسیلات زر میں اضافہ ہوا ہے، وزیر اطلاعات
کیا یہ معاشی ترقی کے خلاف احتجاج کر رہے ہیں؟، وزیر اطلاعات
پی ٹی آئی نے ہمیشہ اپنے احتجاج میں انتشار پھیلایا، وزیر اطلاعات
ان کے احتجاجوں سے معیشت کو اربوں روپے کا نقصان پہنچا، وزیر اطلاعات
جو لوگ قانون کو ہاتھ میں لیں گے، قانون حرکت میں آئے گا، وزیر اطلاعات
ان کا ایک ہی مقصد ہے کہ ہمارے لیڈر کو این آر او دیا جائے، وزیر اطلاعات
بانی چیئرمین پی ٹی آئی پر کیسز ہیں، وزیر اطلاعات
پی ٹی آئی پاکستان کی ترقی کو روکنا چاہتی ہے، وزیر اطلاعات
یہ پاکستان کی معاشی ترقی روکنا چاہتے ہیں، وزیر اطلاعات
یہ پاکستان کو نقصان پہچانا چاہتے ہیں، اس کی ہر گز اجازت نہیں دی جائے گی، وزیر اطلاعات
