سابق ٹیسٹ کرکٹر محمد نذیر جونیئر انتقال کر گئے
سابق قومی ٹیسٹ کرکٹر و امپائر محمد نذیر جونیئر انتقال کر گئے، ان کے بیٹے نعمان نذیر نے انتقال کی تصدیق کر دی۔
اہلِ خانہ کا کہنا ہے کہ نذیر جونیئر چند روز سے شدید علیل تھے، ان کو گزشتہ روز طبیعت زیادہ خراب ہونے پر اسپتال لے جایا گیا۔
مرحوم کے اہلِ خانہ نے بتایا ہے کہ نذیر جونیئر 5 برس قبل ٹریفک حادثے میں زخمی ہوئے تھے، جس کے بعد ان کی طبیعت خراب رہتی تھی۔
سابق ٹیسٹ کرکٹر نذیر جونیئر نے پاکستان کے لیے 14 ٹیسٹ اور 4 ون ڈے میچز کھیل رکھے ہیں۔
نذیر جونیئر نے مجموعی طور پر 37 وکٹیں حاصل کر رکھی ہیں، وہ پاکستان کی جانب سے ڈیبیو ٹیسٹ کی پہلی اننگز میں سب سے زیادہ 7 وکٹیں لینے والے پہلے اسپنر بھی ہیں۔
انہوں نے 15 ون ڈے اور 5 ٹیسٹ میچز میں امپائرنگ کے فرائض بھی انجام دے رکھے ہیں۔
کراچی / وزیراعلیٰ ہاؤس / 21 نومبر 2024ء
وزیراعلیٰ سندھ سید مراد علی شاہ کا سابق کرکٹر نذیر جونیئر کے انتقال پر افسوس کا اظہار
نذیر جونیئر ایک بہترین ٹیسٹ کرکٹر تھے اور منصفانہ امپائر بھی رہے، وزیراعلیٰ سندھ
ملکی تاریخ میں نذیر جونیئر کی خدمات ہمیشہ یاد رکھی جائینگی، وزیراعلیٰ سندھ
رب کائنات مرحوم نذیر جونیئر کی مغفرت فرمائے اور لواحقین کو صبر دے، وزیراعلیٰ سندھ
عبدالرشید چنا
ترجمان وزیراعلیٰ سندھ
#SindhCMHouse
