نجی ٹی وی نے دعویٰ کیا ہے کہ پیپلز پارٹی کے چیئرمین بلاول بھٹو زرداری نے وزیراعظم شہباز شریف سے ملاقات سے انکار کر دیا ہے۔ تاہم حکومت سے اتحاد کے بارے میں حتمی فیصلے کے لیے بلایا جانے والا پیپلز پارٹی کا سی ای سی اجلاس ملتوی کر دیا گیا ہے۔ اے آر ڈبلیو نیوز کی رپورٹ کے مطابق پیپلز پارٹی کے چیئرمین کے بیان کے بعد حکومت نے بلاول کو وزیراعظم سے ملاقات کی پیشکش کی جس پر انہوں نے یہ کہہ کر انکار کر دیا کہ ان کا حکومت سے کوئی ذاتی مسئلہ نہیں ہے۔
ہم نے ان سے معاملات طے کرنے کے لیے ایک کمیٹی بنائی ہے۔ دوسری جانب پیپلزپارٹی کے چیئرمین بلاول بھٹو زرداری دبئی چلے گئے ہیں جس کے باعث پیپلزپارٹی کا سی ای سی اجلاس ملتوی کردیا گیا ہے جس میں حکومت سے اتحاد برقرار رکھنے سمیت اہم فیصلے کیے جانے تھے۔ ملاقات بلاول کی وطن واپسی کے بعد ہوگی۔ بلاول دبئی کے بعد یورپ کا دورہ کریں گے۔
وزیر اعظم محمد شہباز شریف سے سینٹ میں پاکستان مسلم لیگ (ن) کی پارلیمانی پارٹی کے لیڈر اور سینیٹ کی خارجہ امور کی قائمہ کمیٹی کے سر براہ سینیٹر عرفان صدیقی کی وزیراعظم ہاؤس اسلام آباد میں ملاقات
سینیٹز عرفان صدیقی نے سینیٹ میں پارلیمانی پارٹی کی کارکردگی سے وزیر اعظم کو آگاہ کیا
سینیٹر عرفان صدیقی نے وزیر اعظم کو قائمہ کمیٹی امور خارجہ کے حوالے سے بھی بریف کیا ؛ انہوں نے معاشی اہداف کے حوالے سے شاندار کار کردگی پر وزیر اعظم کو مبارکباد پیش کی
سینیٹر عرفان صدیقی کی قیادت میں پاکستان مسلم لیگ (ن ) کے سینیٹرز قابل تحسین کر دار ادا کررہے ہیں : وزیراعظم
وفاق کی علامت ہونے کے حوالے سے ایوان بالا کوقومی یکجہتی اور صوبائی ہم آہنگی میں متحرک کردار ادا کرنا چاہیے : وزیراعظم
پاکستان مسلم لیگ (ن ) پارلیمانی گروپ کو اس مقصد کے لیے ایوان میں موجود تمام دوسری جماعتوں کے ساتھ مضبوط رابطے رکھنے چاہئییں : وزیراعظم
آج کے دور میں مضبوط خارجہ پالیسی کی اہمیت کئی گنا بڑھ چکی ہے : وزیراعظم
وزیر اعظم نے توقع ظاہر کی کہ سینیٹر عرفان صدیقی کی سربراہی میں سینیٹ کی قائمہ کمیٹی برائے امور خارجہ ایک تھنک ٹینک کا کردار ادا کرتےہوئے حکومت کی راہنمائی کرے گی
ملک دھرنے،جلوسوں اور احتجاج کا متحمل نہیں ہو سکتا،وزیراعظم
اپیکس کمیٹی اجلاس میں نیشنل ایکشن پلان پر عملدرآمد کا جائزہ۔ وزیراعظم محمد شہباز شریف کی ملکی خودمختاری اور سلامتی کے لیے تمام اقدامات پر مکمل عملدرآمدکی ہدایت۔آرمی چیف جنرل سید عاصم منیر کا قومی سلامتی کو درپیش خطرات سے نمٹنے کیلئے غیر متزلزل حمایت کے عزم کا اعادہ۔ پاکستان کے عوام اور اداروں نے انسداد دہشت گردی کے لیے بہت قربانیاں دی ہیں۔ پائیدار ترقی کیلئے اس عفریت کو جڑ سے اکھاڑ پھینکنا ہے۔معاشی ترقی اور سیاسی استحکام لازم و ملزوم ہیں۔محنت ،دیانت اور لگن سے ترقی کا سفر جاری رکھنا ہے۔ ملک دھرنے،جلوسوں اور احتجاج کا متحمل نہیں ہو سکتا۔قومی وقار اور ترقی و خوشحالی کیلئے مل کر فیصلے کرنا ہیں،وزیراعظم محمدشہباز شریف کا خطاب۔
