کراچی یونین آف جرنلسٹس نے سینیئر صحافی نوید عباس اور ندیم احمد پر قاتلانہ حملوں کی مذمّت
نویدِ عباس اور ندیم احمد پر حملوں میں ملوث ملزمان کو فوری گرفتار کیا جائے طاہر حسن خان سردار لیاقت
کراچی (۔ ) کراچی یونین آف جرنلسٹس کی مجلس عاملہ نے بول نیوز سے وابستہ سینیئر صحافی نوید عباس پر ان کے گھر کے باہر مسلح ملزمان کی جانب سے حملے اور 92 نیوز کے کرائم رپورٹر ندیم احمد پر آفس کے گیٹ پر نامعلوم ملزم کی جانب سے فائرنگ اور اس کے نتیجے میں شدید زخمی ھونے کے گھناؤنے اقدام اور جان سے مارنے کی دھمکیوں کی شدید الفاز میں مذمت کی ایک بیان میں صدر طاہر حسن خان جنرل سیکرٹری سردار لیاقت اور مجلس عاملہ کے ارکان نے نویدعباس اور۔ندیم احمد پر حملوں میں ملوث ملزمان کی فوری گرفتاری کا مطالبہ کیا۔ بیان میں نویدِ عباس اور۔ ندیم احمد 
سے اظہارِ یکجہتی کی گئی اور آئی جی سندھ ڈی ائی جی کراچی سے واقعے کی انکوائری کے کے ملزمان کو قانون کی گرفت میں لانے کا مطالبہ کیا۔ واضح رہے کہ گذشتہ رات ایف بی ایریا بلاک 17 میں بچوں اور فیملی کو ہراساں کرنے کے معاملے پر صحافی نویدعباس کو گودھرا کمیونٹی کے ایک فرد نے تشدد کا نشانہ بنایا۔ صحافی اور شاعر نوید بھائی رات کو کلب سے واپسی پر گھر پہنچے تو یہ ناگہاں واقعہ پیش۔ فیملی کو ہراساں کرنے کا یہ سلسلہ کئی روز سے جاری تھا۔ گذشتہ رات نوید گھر پہنچے اور فیصل نامی شخص سے اس حوالے سے بات کرنا چاہی کہ وہ ایسا کیوں کر رہا ہے، جواب کے بجائے متعلقہ شخص نے حملہ کردیا جس کے نتیجے میں صحافی نوید عباس زخمی ہو گئے۔ حملہ آور نے دھمکیاں بھی دیں۔جبکہ 92 نیوز سے وابستہ اور سی آر اے کے نائب صدر ندیم احمد کو ان کے دفتر کے گیٹ پر مسلح ملزم نے گولیاں ماریں جنھیں مقامی اسپتال میں لے جایا گیا جہاں ان کی حالت خطرے سے باہر ھے۔
جاری کردہ
سرداد لیاقت
جنرل سیکرٹری
کراچی یونین آف جرنلسٹس
===========
کراچی(اسٹاف رپورٹر)کراچی پریس کلب کے صدرسعید سربازی، سیکریٹری شعیب احمداور مجلس عاملہ نے پریس کلب کے ممبر اور سینئرکرائم رپورٹر ندیم احمد پر نامعلوم مسلح افرادکی جانب سے حملے کی شدید مذمت کرتے ہوئے واقعہ کی جوڈیشل انکوائری کروانے کا مطالبہ کیا ہے۔کراچی پریس کلب کے عہدیداران نے اپنے مذمتی بیان میں کہا کہ دفاعی نمائش آئیڈیاز2024 کے موقع پر انتہائی سخت سیکیورٹی کے باجودریڈ زون میں سینئرکرائم رپورٹرپرحملہ حکومت اور متعلقہ اداروں کی ناکامی کا منہ بولتا ثبوت ہے۔انہوں نے کہاکہ ملک میں صحافیوں پر حملوں اور تشدد کے واقعات میں تیزی سے اضافہ ہورہا ہے لیکن حکمرانوں کے کانوں میں جوں تک نہیں رینگ رہی ہے ۔پاکستانی صحافی اس وقت کٹھن ترین وقت سے گزر رہے ہیں اور حکومت سوائے انہیں دلاسے دینے کے کچھ نہیں کررہی ہے ۔انہوں نے کہا کہ شہر میں مسلسل لاقانونیت میں اضافہ ہورہا ہے مگر قانون نافذ کرنے والے ادارے اور حکومت اس کے خلاف کوئی موثر کارروائی میں ناکام نظر آرہی ہے۔کراچی پریس کلب کے عہدایدروں نے وزیراعلیٰ سندھ ، وزیرداخلہ سندھ ،ڈی جی رینجرز سندھ اور آئی جی سندھ پولیس سے مطالبہ کیا کہ مذکورہ واقعہ کی ہر پہلو سے تفتیش کی جائے اور ذمہ داروں کو قانون کی گرفت میں لایا جائے۔
