تفصیلات کے مطابق اپنی بے تحاشہ مصروفیات کی وجہ سے چیئرمین بلاول بھٹو زرداری پارٹی کے رہنماؤں اور وزیروں سے کئی دنوں ہفتوں اور مہینوں تک نہیں مل پاتے اور پارٹی رہنما اور صوبائی وزراء ان سے ملاقات کا انتظار کرتے رہتے ہیں اور جب ایسا موقع ملتا ہے تو پارٹی رہنماؤں اور وزیروں کے چہرے کھل اٹھتے ہیں اور ان کے چہرے کی خوشی بتاتی ہے جیسے عید کا سماں ہو چیئرمین کا دیدار عید کا چاند دیکھنے جیسا ہے جس جس کو موقع ملتا ہے وہ ضرور تصویریں بنواتا ہے اور سوشل میڈیا پر لگاتا ہے تصویریں لگانے کا ایک مقصد یہ بھی ہوتا ہے کہ کارکنوں کو اور علاقے میں حلقے کے لوگوں کو پتہ چل جائے کہ چیئرمین ہم سے رابطے میں ہے ملتا بھی ہے عزت بھی دیتا ہے ایسی تصویریں سیاسی کارکنوں اور حلقے میں سیاست کرنے والوں کے لیے بہت اہمیت کی حامل ہوتی ہیں ایسا نہیں ہے کہ صرف پیپلز پارٹی میں ایسی تصویریں بنائی جاتی ہیں بلکہ دیگر جماعتوں کے قائدین کے ساتھ بھی ان کے رہنما وزیر اور کارکن جب ملتے ہیں تو ان کی کوشش ہوتی ہے کہ ایسے لمحات کو کیمرے کی انکھ میں محفوظ کر لیں کیونکہ کسی بھی پارٹی کے قائدین کی مصروفیات اتنی زیادہ ہوتی ہیں کہ ان سے ملنا روز روز ممکن نہیں ہوتا ۔
